<div class="version vid3953 iso6393shr" data-vid="3953" data-iso6393="shr">
 <div class="book bk1TI">
 <div class="chapter chINTRO1" data-usfm="1TI.INTRO1">
 <div class="imt1">Enshokolezi oku maruba emwa balungere 1 Tim; 2 Tim; Tit</div><div class="is">Enshokolezi oku marhanzi emwa Timoteyo</div><div class="ip">Amaruba emwa Timoteyo gombi n&#8217;amaruba emwa Tito gaderhwa Maruba emwa Balungere. Gay&#234;rek&#238;re kurhi owah&#238;rwe ecinyabuguma arhambula akw&#226;n&#238;ne ay&#244;rhe na bici akw&#226;n&#238;ne akajira. Gay&#234;rek&#238;re obuhab&#251;zi bw&#8217;Ekleziya lungere ah&#226;birwe: &#171;1, 18 Ly&#8217;irhegeko nkuh&#238;re eryo, mw&#226;na w&#226;ni Timoteyo; liling&#226;n&#238;ne amal&#234;bi bakul&#234;bagakwo. Kukw&#226;n&#238;ne ago mal&#234;bi gakuzibuhye, ly&#8217;olwa entambala nyinj&#224;, 19 onay&#244;rhe ogw&#234;rhe obuy&#234;m&#234;re n&#8217;omurhima nkana; bulya erhi babirikirira, baguma b&#226;lohama omu by&#8217;obuy&#234;m&#234;re. 20 Muli bo muli Himeneyo na Alexandro, nakw&#234;baga Shetani, nti lyo irhondo barhacishub&#8217;ilogorha.&#187;</div><div class="ip">&#171;3, 14 Nkuyandikire okwo erhi nanangalire nti nayisha emw&#226;we duba. 15 Ci nkayish&#8217;ilegama okuyisha, nnonzize omanye kurhi okw&#226;n&#238;ne okuk&#226;y&#244;rha omu nyumpa ya Nyamuzinda, yo Ekleziya ya Nn&#226;mahanga oz&#238;ne, gwo mutungo co na ciriba c&#8217;okuli.&#187;</div><div class="ip"> Lungere w&#8217;ecinyabuguma agwasirwe ac&#238;kenge anakengese emirhwe n&#8217;empiriri ziri omu Ekleziya: ab&#8217;episkopi, abad&#226;hwa, abashamasi, abacifinja okub&#224; balungere, abalume n&#8217;abakazi, abakana n&#8217;enf&#251;zi na ngasi murhwe, abayig&#238;riza nkana n&#8217;abanywesi; abaj&#224; na ba nnaw&#226;bo.</div><div class="ip">&#171; 4, 13 Omu kulinda oku nayisha, oc&#238;s&#234;zagye okuk&#226;soma, okuk&#226;han&#251;la n&#8217;okuk&#226;yig&#238;riza. 14 Orhabulaga kwash&#238;birira ensh&#244;kano ekulimwo, erya nsh&#244;kano wah&#226;bagwa n&#8217;abal&#234;bi, bulya end&#234;ko y&#8217;abad&#226;hwa ekulambulirakwo amaboko. 15 Okwo okunan&#238;rize omu murhima; oc&#238;shw&#234;kerekwo w&#234;shi w&#234;shi. Lyo boshi babona oku odw&#238;rhe waj&#224; embere. 16 Oc&#238;manye w&#234;ne, omanye n&#8217;enyig&#238;rizo z&#226;we; onazis&#234;rekwo. Ok&#226;jira ntyo, wac&#238;ciza w&#234;ne, onacize abakuyumvirhiza.&#187;</div><div class="is">Enshokolezi oku maruba ga kabiri emwa Timoteyo</div><div class="ip">Aga maruba ga kabiri agend&#234;r&#238;re enyig&#238;rizo za Paolo kuli Timoteyo. Paolo amubw&#238;zire oku ali omu mpamikwa na banji omu bak&#226;g&#8217;imulusa bamusizire y&#234;ne omu mazibu ci arhatw&#238;siri murhima bulya Nyakasane amuyimang&#238;re.</div><div class="ip">Paolo abw&#238;zire Timoteyo oku ensiku mb&#238; ziy&#238;ruka ci arharh&#226;ga murhima. Abantu bayish&#8217;icishw&#234;kera oku mab&#238; ci mpu Timoteyo amanye arharhibaga obuham&#238;rizi bw&#8217;Emyanzi y&#8217;Akalembe: &#171;3, 1 Kandi omanye oku omu nsiku nzinda amango mab&#238; g&#226;nayishe. 2 bulya abantu bayish&#8217;ikacilongeza b&#244;nene, bayish&#8217;ihira omurhima gw&#226;bo omu birugu, bayish&#8217;ikacikunga b&#244;ne, bayish&#8217;ib&#224; bac&#238;bonyi, bakashobeka abandi busha, bayish&#8217;ib&#224; bigamba, bantu barhish&#8217;ivuga omunkwa, bayunjulir&#238;ne bub&#238;; 3 bayish&#8217;ib&#224; baminya, barhakababalira ndi; bab&#232; badesi b&#8217;obunywesi, bantu barhajira lugero, barhayumva lukogo, bashombanyi b&#8217;abantu binj&#224;; 4 bayish&#8217;ib&#224; ndy&#226;lya, biz&#249;z&#249;, mih&#251;rha erhi buc&#238;bone bw&#226;bo burhuma, ab&#226;s&#238;ma iral&#224; lib&#238; ah&#226;li h&#8217;okus&#238;ma Nn&#226;mahanga; 5 embuga bayish&#8217;ikay&#244;rha nk&#8217;abakomb&#234;ra ebya Nyamuzinda, ci erhi banahakanyire emis&#238; y&#226;byo. Ab&#244;la nabo obay&#226;ke. 6 Muli bo kukw&#226;n&#238;ne okuganja balya bakasheshera omu nyumpa za bene, bah&#234;ke obukazi buk&#226;y&#234;r&#251;lwa n&#8217;iral&#224; lib&#238; lya ngasi lubero, 7 burhanahusa okuc&#238;yig&#238;riza, ci nt&#224; mango bw&#226;nahike oku bumanye bw&#8217;okuli. 8 Na nka kuly&#226;la Yane na Yambure balw&#238;sagya M&#251;sa, kwo n&#8217;okwo, nabo badw&#238;rhe balw&#238;sa okuli, abo bantu b&#8217;emirhima eh&#251;sire, eyo mihera omu by&#8217;obuy&#234;m&#234;re. 9 Ci kw&#244;nene barhahike ngahi, bulya isirhe ly&#226;bo lirhayimang&#8217;imanyikana kuli boshi, nka kulya lirya lya balya babiri lyabaga. 10 Ci w&#234;he was&#234;zire oku nyig&#238;rizo z&#226;ni, oku lugendo lw&#226;ni, oku mihigo y&#226;ni, oku buy&#234;m&#234;re bw&#226;ni, oku buzigire bw&#226;ni, oku bulemb&#234;du bw&#226;ni, 11 oku malibuko n&#8217;oku malumwa naboneraga e Antiyokiya, n&#8217;e Ikoniya n&#8217;e Listra. Malibuko maci ntabonaga w&#226;ni! Na muli goshi Nyakasane any&#244;kola! 12 N&#234;ci, ngasi boshi balonza okulama bwinj&#224; omu bukomb&#234;du muli Kristu Yezu, b&#226;bone amalibuko. 13 Abantu bab&#238; b&#244;he n&#8217;endy&#226;lya, kush&#226;ya b&#226;shaye omu bub&#238;, b&#226;rhebane banarhebwe. 14 Ci w&#8217;oyo os&#234;re kw&#8217;ebi wayig&#238;riz&#238;bwe wanay&#234;m&#234;ra buzira kurhindira. Na&#173;we orhahabiri bandi bakuyig&#238;rizagyabyo, 15 n&#8217;oku kurhenga eburh&#242; bw&#226;we erhi oyishi Amandiko Matagat&#238;fu; ganahash&#8217;ikuh&#224; obushinganyanya buhisa oku bucire n&#8217;oburhab&#226;le bw&#8217;obuy&#234;m&#234;re bub&#224; muli Kristu Yezu. 16 Amandiko goshi Nyamuzinda wajiraga mpu gayandikwe, ganakw&#226;nana kwinj&#224; oku kuyig&#238;riza, n&#8217;oku kuham&#251;la, n&#8217;oku kuhab&#251;la abahabusire, n&#8217;oku kuherha abantu omu bushinganyanya; 17 na ntyo omuntu wa Nyamuzinda ab&#232; mwim&#226;na, anashing&#226;nane okujira ngasi cijiro cinj&#224;&#187;.</div><div class="is">Enshokolezi oku maruba emwa Tito</div><div class="ip">Muli aga maruba, Paolo agend&#234;r&#238;re okuhan&#251;la balungere b&#8217;ecinyabuguma c&#8217;abem&#234;zi; Yumvagi ihano ah&#226;ga Tito, erhi: &#171;1, 5 Nakusigaga e Kreta nti oyunjuze omukolo gucisig&#238;re, onay&#238;mike abad&#226;hwa omu ngasi cishagala nka kulya nakurhegekaga. 6 owalonza okub&#224; mud&#226;hwa akw&#226;n&#238;ne ab&#232; muntu mw&#234;ru-kw&#234;ru, owajire omu buhya liguma ly&#244;ne, ab&#226;na b&#226;ge bab&#232; bem&#234;zi, abarhankashobekwa &#238;ral&#224; n&#238;si erhi obugoma. 7 Bulya, n&#234;ci, lungere akw&#226;n&#238;ne ab&#232; muntu mw&#234;ru-kw&#234;ru, nk&#8217;oku bishing&#226;n&#238;ne omurhindisi w&#8217;enyumpa ya Nyamuzinda; arhabaga wa buc&#238;bone erhi wa bukunizi, arhabaga mulalw&#232; erhi mulw&#238;, arhanabaga wa kulonza obunguke bub&#238;; 8 ci ab&#232; muntu oy&#238;sh&#8217;ihandisa ebigolo, mw&#238;ra w&#8217;abantu nkana, murhond&#234;za, mushinganyanya, mwim&#226;na na muntu wa lugero muli byoshi; 9 acishw&#234;kere oku kanwa k&#8217;okuli, kalya kashing&#226;n&#238;ne enyig&#238;rizo ayig&#238;rizibwe, na ntyo ahash&#8217;ihan&#251;la abantu omu kubahug&#251;la enyig&#238;rizo nyinj&#224;, n&#8217;abankaderha mpu bamujisa kadali, abayag&#238;rize&#187;.</div><div class="ip">Kandi amubw&#238;ra oku ac&#238;lange oku Buyahudi b&#8217;obunywesi barheba abantu, erhi: &#171;1, 10 N&#234;ci, abagomi n&#8217;abakaderha obusha, n&#8217;abakarheba ab&#226;bo bali banji, bwen&#234;ne omu bakemb&#251;le&#187;. 11 Ab&#244;la bantu, kukw&#226;n&#238;ne okubahulisa; banak&#226;sher&#234;za milala minji n&#8217;okuyig&#238;riza ebirhashing&#226;n&#238;ni erhi bunguke burhali bwo burhuma. 12 Muguma wa muli bo, omul&#234;bi w&#226;bo ye na nn&#234;ne, adesire, mpu: &#171;Abakreta, ab&#224; banywesi b&#8217;ensiku n&#8217;amango, by&#8217;erubala bib&#238;, nda ny&#244;lo&#187;. 13 Obwo buham&#238;rizi buli bw&#8217;okunali. Co cirhumire, ok&#226;bakalihira bwen&#234;ne, lyo bay&#244;rha bantu nkana omu buy&#234;m&#234;re, 14 banalek&#8217;iy&#234;m&#234;ra emigani y&#8217;Abayahudi n&#8217;amarhegeko g&#8217;abantu bahindul&#238;re okuli omugongo. 15 Byoshi biri bic&#234;se oku bac&#234;se; ci oku bazinzire n&#8217;oku barhajira buy&#234;m&#234;re, nt&#224; cic&#234;se, bulya obukeng&#234;re bw&#226;bo n&#8217;omurhima gw&#226;bo bizinzire. 16 Banak&#226;derha mpu bayishi Nn&#226;mahanga, ci erhi banadw&#238;rhe bamuhakana omu bijiro by&#226;bo; abantu ba bene abo bali mihera, bagomi, na nt&#224; kwinj&#224; kuci bankacihash&#8217;ijira. Buzinda Paolo ah&#226;na amahano oku bashosi, oku bagikulu, emisole, ciru n&#8217;abaj&#224;. alalisire abem&#234;zi boshi bakenge Tito. Boshi baleke engeso mb&#238;, baleke enshombo, ci bac&#238;shingire okub&#224; Nyamuzinda arhubabalire muli Omugala Muciza w&#238;rhu, anarhuha M&#251;ka Mutagat&#238;fu orhujira bantu bahy&#226;hya (2&#8212;3).</div>
 </div>
 </div>
</div>

Mashi Bible © BUKAVU Archdiocese of Bukavu, 2024.

Enshokolezi oku maruba emwa balungere 1 Tim; 2 Tim; Tit
Enshokolezi oku marhanzi emwa Timoteyo
Amaruba emwa Timoteyo gombi n’amaruba emwa Tito gaderhwa Maruba emwa Balungere. Gayêrekîre kurhi owahîrwe ecinyabuguma arhambula akwânîne ayôrhe na bici akwânîne akajira. Gayêrekîre obuhabûzi bw’Ekleziya lungere ahâbirwe: « 1, 18 Ly’irhegeko nkuhîre eryo, mwâna wâni Timoteyo; lilingânîne amalêbi bakulêbagakwo. Kukwânîne ago malêbi gakuzibuhye, ly’olwa entambala nyinjà, 19 onayôrhe ogwêrhe obuyêmêre n’omurhima nkana; bulya erhi babirikirira, baguma bâlohama omu by’obuyêmêre. 20 Muli bo muli Himeneyo na Alexandro, nakwêbaga Shetani, nti lyo irhondo barhacishub’ilogorha.»
« 3, 14 Nkuyandikire okwo erhi nanangalire nti nayisha emwâwe duba. 15 Ci nkayish’ilegama okuyisha, nnonzize omanye kurhi okwânîne okukâyôrha omu nyumpa ya Nyamuzinda, yo Ekleziya ya Nnâmahanga ozîne, gwo mutungo co na ciriba c’okuli.»
Lungere w’ecinyabuguma agwasirwe acîkenge anakengese emirhwe n’empiriri ziri omu Ekleziya: ab’episkopi, abadâhwa, abashamasi, abacifinja okubà balungere, abalume n’abakazi, abakana n’enfûzi na ngasi murhwe, abayigîriza nkana n’abanywesi; abajà na ba nnawâbo.
« 4, 13 Omu kulinda oku nayisha, ocîsêzagye okukâsoma, okukâhanûla n’okukâyigîriza. 14 Orhabulaga kwashîbirira enshôkano ekulimwo, erya nshôkano wahâbagwa n’abalêbi, bulya endêko y’abadâhwa ekulambulirakwo amaboko. 15 Okwo okunanîrize omu murhima; ocîshwêkerekwo wêshi wêshi. Lyo boshi babona oku odwîrhe wajà embere. 16 Ocîmanye wêne, omanye n’enyigîrizo zâwe; onazisêrekwo. Okâjira ntyo, wacîciza wêne, onacize abakuyumvirhiza.»
Enshokolezi oku maruba ga kabiri emwa Timoteyo
Aga maruba ga kabiri agendêrîre enyigîrizo za Paolo kuli Timoteyo. Paolo amubwîzire oku ali omu mpamikwa na banji omu bakâg’imulusa bamusizire yêne omu mazibu ci arhatwîsiri murhima bulya Nyakasane amuyimangîre.
Paolo abwîzire Timoteyo oku ensiku mbî ziyîruka ci arharhâga murhima. Abantu bayish’icishwêkera oku mabî ci mpu Timoteyo amanye arharhibaga obuhamîrizi bw’Emyanzi y’Akalembe: « 3, 1 Kandi omanye oku omu nsiku nzinda amango mabî gânayishe . 2 bulya abantu bayish’ikacilongeza bônene, bayish’ihira omurhima gwâbo omu birugu, bayish’ikacikunga bône, bayish’ibà bacîbonyi, bakashobeka abandi busha, bayish’ibà bigamba, bantu barhish’ivuga omunkwa, bayunjulirîne bubî; 3 bayish’ibà baminya, barhakababalira ndi; babè badesi b’obunywesi, bantu barhajira lugero, barhayumva lukogo, bashombanyi b’abantu binjà; 4 bayish’ibà ndyâlya, bizùzù, mihûrha erhi bucîbone bwâbo burhuma, abâsîma iralà libî ahâli h’okusîma Nnâmahanga; 5 embuga bayish’ikayôrha nk’abakombêra ebya Nyamuzinda, ci erhi banahakanyire emisî yâbyo. Abôla nabo obayâke. 6 Muli bo kukwânîne okuganja balya bakasheshera omu nyumpa za bene, bahêke obukazi bukâyêrûlwa n’iralà libî lya ngasi lubero, 7 burhanahusa okucîyigîriza, ci ntà mango bwânahike oku bumanye bw’okuli. 8 Na nka kulyâla Yane na Yambure balwîsagya Mûsa, kwo n’okwo, nabo badwîrhe balwîsa okuli, abo bantu b’emirhima ehûsire, eyo mihera omu by’obuyêmêre. 9 Ci kwônene barhahike ngahi, bulya isirhe lyâbo lirhayimang’imanyikana kuli boshi, nka kulya lirya lya balya babiri lyabaga. 10 Ci wêhe wasêzire oku nyigîrizo zâni, oku lugendo lwâni, oku mihigo yâni, oku buyêmêre bwâni, oku buzigire bwâni, oku bulembêdu bwâni, 11 oku malibuko n’oku malumwa naboneraga e Antiyokiya, n’e Ikoniya n’e Listra. Malibuko maci ntabonaga wâni! Na muli goshi Nyakasane anyôkola! 12 Nêci, ngasi boshi balonza okulama bwinjà omu bukombêdu muli Kristu Yezu, bâbone amalibuko. 13 Abantu babî bôhe n’endyâlya, kushâya bâshaye omu bubî, bârhebane banarhebwe. 14 Ci w’oyo osêre kw’ebi wayigîrizîbwe wanayêmêra buzira kurhindira. Na­we orhahabiri bandi bakuyigîrizagyabyo, 15 n’oku kurhenga eburhò bwâwe erhi oyishi Amandiko Matagatîfu; ganahash’ikuhà obushinganyanya buhisa oku bucire n’oburhabâle bw’obuyêmêre bubà muli Kristu Yezu. 16 Amandiko goshi Nyamuzinda wajiraga mpu gayandikwe, ganakwânana kwinjà oku kuyigîriza, n’oku kuhamûla, n’oku kuhabûla abahabusire, n’oku kuherha abantu omu bushinganyanya; 17 na ntyo omuntu wa Nyamuzinda abè mwimâna, anashingânane okujira ngasi cijiro cinjà» .
Enshokolezi oku maruba emwa Tito
Muli aga maruba, Paolo agendêrîre okuhanûla balungere b’ecinyabuguma c’abemêzi; Yumvagi ihano ahâga Tito, erhi: « 1, 5 Nakusigaga e Kreta nti oyunjuze omukolo gucisigîre, onayîmike abadâhwa omu ngasi cishagala nka kulya nakurhegekaga. 6 owalonza okubà mudâhwa akwânîne abè muntu mwêru-kwêru, owajire omu buhya liguma lyône, abâna bâge babè bemêzi, abarhankashobekwa îralà nîsi erhi obugoma. 7 Bulya, nêci, lungere akwânîne abè muntu mwêru-kwêru, nk’oku bishingânîne omurhindisi w’enyumpa ya Nyamuzinda; arhabaga wa bucîbone erhi wa bukunizi, arhabaga mulalwè erhi mulwî, arhanabaga wa kulonza obunguke bubî; 8 ci abè muntu oyîsh’ihandisa ebigolo, mwîra w’abantu nkana, murhondêza, mushinganyanya, mwimâna na muntu wa lugero muli byoshi; 9 acishwêkere oku kanwa k’okuli, kalya kashingânîne enyigîrizo ayigîrizibwe, na ntyo ahash’ihanûla abantu omu kubahugûla enyigîrizo nyinjà, n’abankaderha mpu bamujisa kadali, abayagîrize».
Kandi amubwîra oku acîlange oku Buyahudi b’obunywesi barheba abantu, erhi: « 1, 10 Nêci, abagomi n’abakaderha obusha, n’abakarheba abâbo bali banji, bwenêne omu bakembûle» . 11 Abôla bantu, kukwânîne okubahulisa; banakâsherêza milala minji n’okuyigîriza ebirhashingânîni erhi bunguke burhali bwo burhuma. 12 Muguma wa muli bo, omulêbi wâbo ye na nnêne, adesire, mpu: «Abakreta, abà banywesi b’ensiku n’amango, by’erubala bibî, nda nyôlo». 13 Obwo buhamîrizi buli bw’okunali. Co cirhumire, okâbakalihira bwenêne, lyo bayôrha bantu nkana omu buyêmêre, 14 banalek’iyêmêra emigani y’Abayahudi n’amarhegeko g’abantu bahindulîre okuli omugongo. 15 Byoshi biri bicêse oku bacêse; ci oku bazinzire n’oku barhajira buyêmêre, ntà cicêse, bulya obukengêre bwâbo n’omurhima gwâbo bizinzire. 16 Banakâderha mpu bayishi Nnâmahanga, ci erhi banadwîrhe bamuhakana omu bijiro byâbo; abantu ba bene abo bali mihera, bagomi, na ntà kwinjà kuci bankacihash’ijira. Buzinda Paolo ahâna amahano oku bashosi, oku bagikulu, emisole, ciru n’abajà. alalisire abemêzi boshi bakenge Tito. Boshi baleke engeso mbî, baleke enshombo, ci bacîshingire okubà Nyamuzinda arhubabalire muli Omugala Muciza wîrhu, anarhuha Mûka Mutagatîfu orhujira bantu bahyâhya ().

Listen to 1 Timoteyo Enshokolezi oku maruba emwa balungere 1 Tim; 2 Tim; Tit