Quichua, Chimborazo - 2003 Edition (Drama NT)

<div class="version vid262 iso6393qug" data-vid="262" data-iso6393="qug">
 <div class="book bk1CO">
 <div class="chapter ch14" data-usfm="1CO.14">
 <div class="label">14</div><div class="s1">Rimaicunapi rimanami</div><div class="p"> 1C'uyaj canata catichij, Diospajta rurachun cushca rurai tucunata munaichij. Tucuimanta yallica, Dios ima nishcata huillana yuyailla caichij. 2Maijanpish rimaicunapi rimajca mana gentecunamanchu riman, ashtahuanpish Dioshuanmi riman. Pi mana yachashcacunata Esp&#237;ritu rimachijpipish, pi mana entendinchu. 3Ashtahuanpish Dios ima nishcata huillajca, sinchiyachingapaj, yuyachishpa rimangapaj, cushichingapajpishmi gencunamanca huillan. 4Mana rijsishca rimaipi rimajca, paillatajmi sinchiyarin. Ashtahuanpish Dios ima nishcata huillajca, tandanacushca crijcunatami sinchiyachin. 5&#209;ucaca, tucui cancuna shujtaj rimaicunata rimachun munaimanchari. Shujtaj rimaicunata rimaj canata yallica Dios huillachishcata huillanami ashtahuan alli. Shujtaj rimaicunata rimashca ima nisha nishcata huillaj tiyajpimi, tandanacushca crijcuna sinchiyanapajca Dios huillachishcata huillashca shinallataj.</div><div class="p"> 6Cunanca huauquicuna, cancunapajman &#241;uca rishpaca, Dios imata ricuchishcahuan, alli yachashcahuan, Dios imata huillachishcahuan, alli yachachinahuan mana yachachishpa, rimaicunallapi rimajpica &#191;imatataj japinguichigari? 7Shinallataj ima tocanacuna uyarijpipish, flautaca flauta shina, arpaca arpa shina mana uyarijpica &#191;ima shinataj flautapi tocacushcata, mana cashpaca arpapi tocacushcataca yachangacunari? 8Macanacuiman rinataj shina tono trompetapi mana uyarijpica &#191;pitaj macanacunapajca allichiringari? 9Cancuna rimashpapish, entendinalla shimipi mana rimajpica, &#191;ima shinataj imata nicushcataca entendingacuna? Chaica huairapi rimarishca shinallami canman. 10Cai pachapica, tucui laya rimaicunatajmari tiyan. Chaicunamantaca, shujllapish ima nisha nishca illajlla mana canchu. 11Ashtahuanpish chai shimicuna ima nisha nishcata &#241;uca mana yachaj cajpica, chaita rimacujpajca shujtaj llajtamanta caj shinami &#241;ucaca caiman. Chaita rimajpish &#241;ucapajca, shujtaj llajtamanta caj shinallatajmi canman. 12Diospajta rurachun cushca rurai tucunata &#241;aqui munanguichij. Chashna munashpaca tandanacushca crijcunata sinchiyanapaj caj rurai tucunata yallitaj munaichij.</div><div class="p"> 13Chashna cashcamanta maijanpish mana rijsishca rimaipi rimajca, chai imata nisha nishcata huillai tucungapajca Diosta ma&#241;achun. 14Mana rijsishca rimaipi &#241;uca ma&#241;ajpica, &#241;uca espiritullami ma&#241;an. Ashtahuanpish &#241;uca yuyaica chushajllami saquirin. 15Shinashpaca &#191;imatataj rurana cani? Espiritupi ma&#241;ashpapish, entendishpami ma&#241;asha. Espiritupi cantashpapish, entendishpami cantasha. 16Espiritullapi Diosta alli nijpica, manaraj yachajca can ima nishcata mana yachashcamantaca, Diosta can pagui nijpipish &#191;ima shinataj &#8220;Chashna cachun&#8221; ningari? 17Canca sumajtami Diosta pagui ninguitaj, ashtahuanpish caishujca mana sinchiyanchu. 18&#209;ucaca rimaicunapica tucui cancunata yallimi rimani. Chaimantami Diostaca pagui nini. 19&#209;ucaca tandanacushca crijcunahuan cashpa chunga huaranga shimicunata shujtaj rimaipi rimanapaj randica, shujtajcunata yachachingapajca pichca shimicunallatami alli yuyarishpa rimasha nini.</div><div class="p"> 20Huauquicuna, yuyanapajca ama huahuacuna shina caichijchu, ashtahuanpish yuyajcuna shina yuyaichij. Ima mana allipajca, huahuacuna shina caichij. 21Mandashcapica, cashnami quillcashca tiyacun: &#8220;Cai llajtapi causajcunataca shujtaj rimaita rimajcunahuan, caru llajtamanta shamujcunahuanmi rimasha. Chashna rimajpipish, &#241;ucataca manataj uyangacunachu ninmi Jatun Diosca&#8221;. 22Rimaicunapi rimanaca crijcunapajca mana ima ricuchina canchu, chaica mana crijcunapajllami. Ashtahuanpish Dios ima nishcata huillanaca, mana crijcunapajca mana canchu, crijcunapajllami. 23Crijcuna tandanacunapi tandanacushpa, tucuicuna rimaicunapi rimacujpi, manaraj yachajcuna, mana cashpaca mana crijcuna yaicushpaca &#191;manachu lococunamari canguichij ningacuna? 24Shinallataj tucuicuna Dios ima nishcata huillacujpi maijan mana crij, mana cashpaca manaraj yachajpish yaicushpa, tucuicuna imalla huillajta uyashpaca, pai juchayuj cashcatami yuyaringa. 25Paipaj shungupi ima pacalla cashcacunami ricuringa. Chaipimi pambaman tupajta cumurishpa, Diosca cancunapurapitajmari cashca nishpa Diosta adoranga.</div><div class="p"> 26Shina cajpica huauquicuna, &#191;imatataj nishun? Cancuna tandanacushcapica, cada quiquinmi Salmota, yachachinata, rimaipi rimanata, Dios ricuchishcata huillanata, imata nisha nishcata huillanata charinguichij. Chai tucuicunataca sinchiyangapaj ruraichij. 27Mana rijsishca rimaipi maijan rimashpaca, ishqui cashpa, quimsa cashpapish chaicunalla shuyanacushpa rimachun. Shujca ima nisha nishcata huillachun. 28Ima nishcata huillaj mana tiyajpica, crijcuna tandanacushcapica upalla cachun, paipajlla Diospajlla rimachun. 29Chashnallataj profetacunapish ishqui cashpa, quimsa cashpapish chaicunalla rimachun. Caishujcunaca paicuna ima nishca alli cashcata, mana alli cashcata ricujcuna cachun. 30Maijan chaipi tiyacujman Dios imata ricuchishcata huillasha nijpica, caishuj rimacujca upallachun. 31Dios ima nishcata huillajcunaca tucuicunami shuj shujlla huillana canguichij. Chashna huillajpimi, tucuicunallatataj yachachishca tucuicunallatataj yuyachishpa cunashca cangacuna. 32Profetacunapaj espiritucunaca, profetacunataca cazunmi. 33Diosca mana muspachij Dioschu, ashtahuanpish sumaj causaita cujmi.</div><div class="p">Jucha illajlla tandanacushca crijcunapi maipi cashpapish caj shinallataj, 34cancunapaj huarmicunaca tandanacuicunapica, mana rimana cashcamanta upalla cachun. Ashtahuanpish cazuj cachun, Mandashcapipish chashnallatajmi nin. 35Imata yachasha nishpaca, paicunapaj cusacunata huasipi tapuchun. Tandanacuipi huarmicuna rimanaca mana alli ricurinchu.</div><div class="p"> 36&#191;Diospaj Shimica cancunamantachari callarirca, cancunapajllamanchari chayarca? 37Maijanpish profetami cani nij cashpapish, mana cashpaca Taita Diospaj Esp&#237;ritu yuyaita cujpi huillajmi cani nij cashpapish, cancunaman &#241;uca quillcashcacunaca, Mandaj Jes&#250;s mandashcacuna cashcata yachachun. 38Maijanpish mana chaichu nijtaca, paitapish mana chasquishcami canga.</div><div class="p"> 39Chashna cajpica huauquicuna, Dios ima nishcata huillana yuyailla caichij, rimaicunapi rimajtaca ama jarcaichijchu. 40Ashtahuanpish tucui imatapish rurana cashca shina allita ruraichij, ama maipish cachun ruraichijchu.</div>
 </div>
 </div>
</div>

Quichua Chimborazo Bible Revision 2010 © United Bible Societies, 2010.

C'uyaj canata catichij, Diospajta rurachun cushca rurai tucunata munaichij. Tucuimanta yallica, Dios ima nishcata huillana yuyailla caichij. Maijanpish rimaicunapi rimajca mana gentecunamanchu riman, ashtahuanpish Dioshuanmi riman. Pi mana yachashcacunata Espíritu rimachijpipish, pi mana entendinchu. Ashtahuanpish Dios ima nishcata huillajca, sinchiyachingapaj, yuyachishpa rimangapaj, cushichingapajpishmi gencunamanca huillan. Mana rijsishca rimaipi rimajca, paillatajmi sinchiyarin. Ashtahuanpish Dios ima nishcata huillajca, tandanacushca crijcunatami sinchiyachin. Ñucaca, tucui cancuna shujtaj rimaicunata rimachun munaimanchari. Shujtaj rimaicunata rimaj canata yallica Dios huillachishcata huillanami ashtahuan alli. Shujtaj rimaicunata rimashca ima nisha nishcata huillaj tiyajpimi, tandanacushca crijcuna sinchiyanapajca Dios huillachishcata huillashca shinallataj.
Cunanca huauquicuna, cancunapajman ñuca rishpaca, Dios imata ricuchishcahuan, alli yachashcahuan, Dios imata huillachishcahuan, alli yachachinahuan mana yachachishpa, rimaicunallapi rimajpica ¿imatataj japinguichigari? Shinallataj ima tocanacuna uyarijpipish, flautaca flauta shina, arpaca arpa shina mana uyarijpica ¿ima shinataj flautapi tocacushcata, mana cashpaca arpapi tocacushcataca yachangacunari? Macanacuiman rinataj shina tono trompetapi mana uyarijpica ¿pitaj macanacunapajca allichiringari? Cancuna rimashpapish, entendinalla shimipi mana rimajpica, ¿ima shinataj imata nicushcataca entendingacuna? Chaica huairapi rimarishca shinallami canman. Cai pachapica, tucui laya rimaicunatajmari tiyan. Chaicunamantaca, shujllapish ima nisha nishca illajlla mana canchu. Ashtahuanpish chai shimicuna ima nisha nishcata ñuca mana yachaj cajpica, chaita rimacujpajca shujtaj llajtamanta caj shinami ñucaca caiman. Chaita rimajpish ñucapajca, shujtaj llajtamanta caj shinallatajmi canman. Diospajta rurachun cushca rurai tucunata ñaqui munanguichij. Chashna munashpaca tandanacushca crijcunata sinchiyanapaj caj rurai tucunata yallitaj munaichij.
Chashna cashcamanta maijanpish mana rijsishca rimaipi rimajca, chai imata nisha nishcata huillai tucungapajca Diosta mañachun. Mana rijsishca rimaipi ñuca mañajpica, ñuca espiritullami mañan. Ashtahuanpish ñuca yuyaica chushajllami saquirin. Shinashpaca ¿imatataj rurana cani? Espiritupi mañashpapish, entendishpami mañasha. Espiritupi cantashpapish, entendishpami cantasha. Espiritullapi Diosta alli nijpica, manaraj yachajca can ima nishcata mana yachashcamantaca, Diosta can pagui nijpipish ¿ima shinataj “Chashna cachun” ningari? Canca sumajtami Diosta pagui ninguitaj, ashtahuanpish caishujca mana sinchiyanchu. Ñucaca rimaicunapica tucui cancunata yallimi rimani. Chaimantami Diostaca pagui nini. Ñucaca tandanacushca crijcunahuan cashpa chunga huaranga shimicunata shujtaj rimaipi rimanapaj randica, shujtajcunata yachachingapajca pichca shimicunallatami alli yuyarishpa rimasha nini.
Huauquicuna, yuyanapajca ama huahuacuna shina caichijchu, ashtahuanpish yuyajcuna shina yuyaichij. Ima mana allipajca, huahuacuna shina caichij. Mandashcapica, cashnami quillcashca tiyacun: “Cai llajtapi causajcunataca shujtaj rimaita rimajcunahuan, caru llajtamanta shamujcunahuanmi rimasha. Chashna rimajpipish, ñucataca manataj uyangacunachu ninmi Jatun Diosca”. Rimaicunapi rimanaca crijcunapajca mana ima ricuchina canchu, chaica mana crijcunapajllami. Ashtahuanpish Dios ima nishcata huillanaca, mana crijcunapajca mana canchu, crijcunapajllami. Crijcuna tandanacunapi tandanacushpa, tucuicuna rimaicunapi rimacujpi, manaraj yachajcuna, mana cashpaca mana crijcuna yaicushpaca ¿manachu lococunamari canguichij ningacuna? Shinallataj tucuicuna Dios ima nishcata huillacujpi maijan mana crij, mana cashpaca manaraj yachajpish yaicushpa, tucuicuna imalla huillajta uyashpaca, pai juchayuj cashcatami yuyaringa. Paipaj shungupi ima pacalla cashcacunami ricuringa. Chaipimi pambaman tupajta cumurishpa, Diosca cancunapurapitajmari cashca nishpa Diosta adoranga.
Shina cajpica huauquicuna, ¿imatataj nishun? Cancuna tandanacushcapica, cada quiquinmi Salmota, yachachinata, rimaipi rimanata, Dios ricuchishcata huillanata, imata nisha nishcata huillanata charinguichij. Chai tucuicunataca sinchiyangapaj ruraichij. Mana rijsishca rimaipi maijan rimashpaca, ishqui cashpa, quimsa cashpapish chaicunalla shuyanacushpa rimachun. Shujca ima nisha nishcata huillachun. Ima nishcata huillaj mana tiyajpica, crijcuna tandanacushcapica upalla cachun, paipajlla Diospajlla rimachun. Chashnallataj profetacunapish ishqui cashpa, quimsa cashpapish chaicunalla rimachun. Caishujcunaca paicuna ima nishca alli cashcata, mana alli cashcata ricujcuna cachun. Maijan chaipi tiyacujman Dios imata ricuchishcata huillasha nijpica, caishuj rimacujca upallachun. Dios ima nishcata huillajcunaca tucuicunami shuj shujlla huillana canguichij. Chashna huillajpimi, tucuicunallatataj yachachishca tucuicunallatataj yuyachishpa cunashca cangacuna. Profetacunapaj espiritucunaca, profetacunataca cazunmi. Diosca mana muspachij Dioschu, ashtahuanpish sumaj causaita cujmi.
Jucha illajlla tandanacushca crijcunapi maipi cashpapish caj shinallataj, cancunapaj huarmicunaca tandanacuicunapica, mana rimana cashcamanta upalla cachun. Ashtahuanpish cazuj cachun, Mandashcapipish chashnallatajmi nin. Imata yachasha nishpaca, paicunapaj cusacunata huasipi tapuchun. Tandanacuipi huarmicuna rimanaca mana alli ricurinchu.
¿Diospaj Shimica cancunamantachari callarirca, cancunapajllamanchari chayarca? Maijanpish profetami cani nij cashpapish, mana cashpaca Taita Diospaj Espíritu yuyaita cujpi huillajmi cani nij cashpapish, cancunaman ñuca quillcashcacunaca, Mandaj Jesús mandashcacuna cashcata yachachun. Maijanpish mana chaichu nijtaca, paitapish mana chasquishcami canga.
Chashna cajpica huauquicuna, Dios ima nishcata huillana yuyailla caichij, rimaicunapi rimajtaca ama jarcaichijchu. Ashtahuanpish tucui imatapish rurana cashca shina allita ruraichij, ama maipish cachun ruraichijchu.

Listen to 1 CORINTIOS 14