Baoulé - 1974 Edition (NT)

<div class="version vid1643 iso6393bci" data-vid="1643" data-iso6393="bci">
 <div class="book bkMAT">
 <div class="chapter ch6" data-usfm="MAT.6">
 <div class="label">6</div><div class="s">Yalefue'm b&#233; lik&#233; manle'n i su nde</div><div class="p"> 1Anh nian amun wun ke nanh an y&#244; amun sa kpa bo Nyanmien sule'n ti ye an y&#244;'n, swran'm b&#233; ti. Se an y&#244; so'n, an su nya'an lik&#233; fi amun Si b'o &#244; nyanmien su lo'n i sa nun.</div><div class="p"> 2I so'n ti se ah tyeh yalefue lik&#233;'n, nanh b&#244; i nd&#244;l&#244; ke dunman kl&#244;fue'm b&#233; y&#244;&#233; Nyanmien sua'm b&#233; nun nin atin'm b&#233; su, ke swran'm b&#233; wun b&#233; nan b&#233; yi b&#233; aye'n b&#233; lie'n sa. Nanwle, m&#244; nga b&#233; k&#244; y&#244; b&#233;'n, ye b&#233; y&#244;&#244; b&#233; leo. 3Sannge o lie'n, se ah fah lik&#233; man yalefue'n, nanh mon o sa be'n si ng'o sa fama'n y&#244;'n 4nan lik&#233; nga a fa man yalefue'n wa y&#244; nvialie nun, nan o Si b'o wun nvialie nun sa'n wa y&#244; o m&#244;.</div><div class="s">Swran nin Nyanmien b&#233; yale k&#244;k&#244;le'n i su nde</div><div class="r">(Luc 11:2-4)</div><div class="p"> 5Ke amun nin Nyanmien amunh k&#244;k&#244;h yale'n, nanh an y&#244; ke dunman kl&#244;fue'm bo b&#233; kl&#244; ngl&#244; dyranle Nyanmien sua'm b&#233; nun nin klo'n nun anngonda'm b&#233; su ke swran'm b&#233; wun b&#233; ke b&#233; y&#244; b&#233;'n, ye b&#233; y&#244;&#244; b&#233; leo. 6Sannge o lie'n, ke a nin Nyanmien amunh k&#244;k&#244;h yale'n, wlu o sua ba'n nun lo nyin anuan'n nan a nin o Si b'o &#244; nvialie nun'n, amuan idyo, ye o Si b'o wun nvialie nun sa'n, o wa y&#244; o m&#244;.</div><div class="p"> 7Ke amun nin Nyanmien amunh k&#244;k&#244;h yale'n, nanh an kan nde kunngba'n flannun ke b&#233; bo b&#233; ti'a Juif'n b&#233; y&#244;'n sa, afin b&#233; bu ke se b&#233; kan nde kpanngban'n, ye Nyanmien tioh. 8Nanh an fa b&#233; nzuen'n mlonmlon, afin amun Si si lik&#233; nga amun sa mien i wun'n i sin nan amuan s&#233;&#233; 9I so'n ti, amun lie'n anh s&#233; ke: &#201; Si bo a &#244; nyanmien su lo'n man &#233; b&#244; o dunman fe, 10mon o si&#233;le ble'n dyu, man &#233; bo &#233; &#244; asie'n su wa'n, &#233; y&#244; o klun sa ke b&#233; bo b&#233; &#244; nyanmien su lo'n, b&#233; y&#244;'n sa. 11Man &#233; alie ng'o dyu &#233; nde'n. 12Yatyi sa nga &#233; y&#244; wo'n tye &#233;, ke &#233; yatyi, b&#233; o b&#233; y&#244; &#233; te'n, b&#233; lie'n tye b&#233;'n sa. 13Nanh yatyi &#233; le man Lakafue'n laka &#233;, sannge kpla &#233; wun. [Afin a ti kpli, a si&#233; lik&#233;'n kwlaa, ye manmanle'n ti o lie tititi. Mon o y&#244; so.]</div><div class="p"> 14Se an yatyi sa nga swran'm b&#233; y&#244; amun'n tye b&#233;'n, amun Si b'o &#244; nyanmien su lo'n, i kusu oh yatyih amun lie'n tye amun 15Sannge se an yatyi'a sa nga swran'm b&#233; y&#244; amun'n tye'a b&#233;'n, amun Si kusu su yatyi'a amun lie'n tye'a amun.</div><div class="s">Sre nun kpele'n i su nde</div><div class="p"> 16Se amunh kpeh sre nun ke amun nin Nyanmien amunh k&#244;k&#244;h yale'n, nanh an mlan amun nyrun ke dunman kl&#244;fue'm b&#233; y&#244;'n, b&#233; y&#244; b&#233; wun fien b&#233; fa kl&#233; swran mun ke b&#233; su kpe sre nun. Nanwle, m&#244; nga b&#233; k&#244; y&#244; b&#233;'n, ye b&#233; y&#244;&#244; b&#233; leo. 17Sannge o lie'n, se ah kpeh sre nun ke a nin Nyanmien amunh k&#244;k&#244;h yale'n, wunnzin, guo o ti'n su blofue nzu&#233;, t&#244;li nun 18nan wa y&#244;'a ke a su fo o wun kl&#233; swran mun ke a su kpe sre nun. Sannge fo o wun kl&#233; o Si b'o &#244; nvialie nun'n, ye o Si b'o si nvialie nun sa mun'n, o wa y&#244; o m&#244;.</div><div class="s">B&#233; awlen su ninng&#233;'m b&#233; si&#233;wle</div><div class="r">(Luc 12:33-34)</div><div class="p"> 19Nanh an si&#233; amun awlen su ninng&#233;'m b&#233; wa, afin nvole nin annganblale b&#233; satyi b&#233;, ye awi&#233;fue'm b&#233; bu anuan'n b&#233; wua asie'n su wa. 20Sannge anh si&#233; amun awlen su ninng&#233; mun nyanmien su lo, lo lie'n nvole nin annganblale satyiman lik&#233;, ye awi&#233;fue'm b&#233; bu'a anuan'n b&#233; wuaman. 21Afin lika nga wo awlen su ninng&#233;'n w&#244; le'n, le ye wo akunndan'n w&#244;o.</div><div class="s">B&#233; wunnen'n i kannin</div><div class="r">(Luc 11:34-36)</div><div class="p"> 22B&#233; wunnen'n i kannin yele b&#233; nyinma, i so'n ti, se o nyinma'n ti kpa'n a wun as&#233; w&#233;iin, 23sannge se o nyinma'n ti'a kpa'n, a wu'an as&#233; mlonmlon. Ye o kannin nga a lafi su ke o kpadya o nyrun'n, se o kpadyaman'n, i a&#244;sin'n ti te!</div><div class="s">Nyanmien nin sika</div><div class="r">(Luc 16:13)</div><div class="p"> 24Swran kun min kwla y&#244;'a nnyon, san oh kpoh kun, oh kl&#244;h kun, oh feh i wun mantan kun, ye oh y&#244;h kun finfin. An kwla y&#244;'a Nyanmien i swran, nan amun kunngba'n amuan y&#244; sika'n i kl&#244;fue.</div><div class="p"> 25I so'n ti, nh kanh kl&#233; amun ke, nanh an k&#244;k&#244; ninng&#233; bo an lemen'n ti s&#233; ke: ?Nzu ye &#233; dio? [?Nzu ye &#233; noon?] annze, ?&#201; nyan tannin nin ye &#233; klaa? ?Nguan nde'n ti'a tyinndyin tra'a alie'n? ?B&#233; wunnen'n ti'a kpa tra'a tannin?</div><div class="s">B&#233; wla bo b&#233; fa gua Nyanmien su'n</div><div class="r">(Luc 12:22-31)</div><div class="p"> 26Anh nian anunman'm bo b&#233; tu sin'n, b&#233; gua'a awi&#233;, be kpe'a awi&#233; guemen tanngannin nun, sannge amun Si b'o &#244; nyanmien su lo'n ta b&#233;. ?An ti'a kpa tra'a b&#233;? 27Amun nun &#244;nin ye i k&#244;k&#244;le nun o kwla gue i afue'n su bo kaan? 28?Ye nzu ti ye an k&#244;k&#244; trale tio? Anh nian waka nyre bo b&#233; &#244; bl&#244; lo'n, b&#233; di'a fi&#233;, b&#233; t&#244;'a dy&#233;s&#233;. 29O nin i se'n ngba, anh nian, Salomon bobo o nin i anyanb&#233;un'n kwlaa wa kla'a b&#233; nun wafa kun i wunsu tannin l&#233;. 30?Se Nyanmien y&#244; idyr&#233;'n bo nde b&#233; &#244; bl&#244; lo bo ainman b&#233;h guah b&#233; sin nun'n b&#233; klaan ke nga sa'n, o su kata'a amun wun so kpe blu? ?An lafi'a Nyanmien su? 31I so'n ti, nanh an k&#244;k&#244; s&#233; ke: ?Nde nzu ye &#233; dio? annze, ?Nzu ye &#233; noon? annze, ?Nzu ye &#233; klaa? 32Lik&#233; so'n kwlaa b&#233; bo b&#233; su'a Nyanmien'n b&#233; ye b&#233; kunndeo. Nanh an y&#244; so, afin amun Si b'o &#244; nyanmien su lo'n si ke amun sa mian lik&#233; so'm b&#233; wun. 33Anh dun mmua fa amun wun man Nyanmien mon o si&#233; amun, ye anh y&#244; i klun sa'n, i sin o wa fa ninng&#233; so'n kwlaa uka su man amun. 34I so'n ti, nanh an k&#244;k&#244; ainman lie'n ti, afin ainman bobo ye o kunnde i wun lik&#233;o. Tyen ba kun nun afe'n o dyu tyen so'n nun.</div>
 </div>
 </div>
</div>

Baoulé New Testament © Alliance Biblique Universelle, 1974. 

Anh nian amun wun ke nanh an yô amun sa kpa bo Nyanmien sule'n ti ye an yô'n, swran'm bé ti. Se an yô so'n, an su nya'an liké fi amun Si b'o ô nyanmien su lo'n i sa nun.
I so'n ti se ah tyeh yalefue liké'n, nanh bô i ndôlô ke dunman klôfue'm bé yôé Nyanmien sua'm bé nun nin atin'm bé su, ke swran'm bé wun bé nan bé yi bé aye'n bé lie'n sa. Nanwle, mô nga bé kô yô bé'n, ye bé yôô bé leo. Sannge o lie'n, se ah fah liké man yalefue'n, nanh mon o sa be'n si ng'o sa fama'n yô'n nan liké nga a fa man yalefue'n wa yô nvialie nun, nan o Si b'o wun nvialie nun sa'n wa yô o mô.


Ke amun nin Nyanmien amunh kôkôh yale'n, nanh an yô ke dunman klôfue'm bo bé klô nglô dyranle Nyanmien sua'm bé nun nin klo'n nun anngonda'm bé su ke swran'm bé wun bé ke bé yô bé'n, ye bé yôô bé leo. Sannge o lie'n, ke a nin Nyanmien amunh kôkôh yale'n, wlu o sua ba'n nun lo nyin anuan'n nan a nin o Si b'o ô nvialie nun'n, amuan idyo, ye o Si b'o wun nvialie nun sa'n, o wa yô o mô.
Ke amun nin Nyanmien amunh kôkôh yale'n, nanh an kan nde kunngba'n flannun ke bé bo bé ti'a Juif'n bé yô'n sa, afin bé bu ke se bé kan nde kpanngban'n, ye Nyanmien tioh. Nanh an fa bé nzuen'n mlonmlon, afin amun Si si liké nga amun sa mien i wun'n i sin nan amuan séé I so'n ti, amun lie'n anh sé ke: É Si bo a ô nyanmien su lo'n man é bô o dunman fe, mon o siéle ble'n dyu, man é bo é ô asie'n su wa'n, é yô o klun sa ke bé bo bé ô nyanmien su lo'n, bé yô'n sa. Man é alie ng'o dyu é nde'n. Yatyi sa nga é yô wo'n tye é, ke é yatyi, bé o bé yô é te'n, bé lie'n tye bé'n sa. Nanh yatyi é le man Lakafue'n laka é, sannge kpla é wun. [Afin a ti kpli, a sié liké'n kwlaa, ye manmanle'n ti o lie tititi. Mon o yô so.]
Se an yatyi sa nga swran'm bé yô amun'n tye bé'n, amun Si b'o ô nyanmien su lo'n, i kusu oh yatyih amun lie'n tye amun Sannge se an yatyi'a sa nga swran'm bé yô amun'n tye'a bé'n, amun Si kusu su yatyi'a amun lie'n tye'a amun.

Se amunh kpeh sre nun ke amun nin Nyanmien amunh kôkôh yale'n, nanh an mlan amun nyrun ke dunman klôfue'm bé yô'n, bé yô bé wun fien bé fa klé swran mun ke bé su kpe sre nun. Nanwle, mô nga bé kô yô bé'n, ye bé yôô bé leo. Sannge o lie'n, se ah kpeh sre nun ke a nin Nyanmien amunh kôkôh yale'n, wunnzin, guo o ti'n su blofue nzué, tôli nun nan wa yô'a ke a su fo o wun klé swran mun ke a su kpe sre nun. Sannge fo o wun klé o Si b'o ô nvialie nun'n, ye o Si b'o si nvialie nun sa mun'n, o wa yô o mô.


Nanh an sié amun awlen su ninngé'm bé wa, afin nvole nin annganblale bé satyi bé, ye awiéfue'm bé bu anuan'n bé wua asie'n su wa. Sannge anh sié amun awlen su ninngé mun nyanmien su lo, lo lie'n nvole nin annganblale satyiman liké, ye awiéfue'm bé bu'a anuan'n bé wuaman. Afin lika nga wo awlen su ninngé'n wô le'n, le ye wo akunndan'n wôo.


Bé wunnen'n i kannin yele bé nyinma, i so'n ti, se o nyinma'n ti kpa'n a wun asé wéiin, sannge se o nyinma'n ti'a kpa'n, a wu'an asé mlonmlon. Ye o kannin nga a lafi su ke o kpadya o nyrun'n, se o kpadyaman'n, i aôsin'n ti te!


Swran kun min kwla yô'a nnyon, san oh kpoh kun, oh klôh kun, oh feh i wun mantan kun, ye oh yôh kun finfin. An kwla yô'a Nyanmien i swran, nan amun kunngba'n amuan yô sika'n i klôfue.
I so'n ti, nh kanh klé amun ke, nanh an kôkô ninngé bo an lemen'n ti sé ke: ?Nzu ye é dio? [?Nzu ye é noon?] annze, ?É nyan tannin nin ye é klaa? ?Nguan nde'n ti'a tyinndyin tra'a alie'n? ?Bé wunnen'n ti'a kpa tra'a tannin?


Anh nian anunman'm bo bé tu sin'n, bé gua'a awié, be kpe'a awié guemen tanngannin nun, sannge amun Si b'o ô nyanmien su lo'n ta bé. ?An ti'a kpa tra'a bé? Amun nun ônin ye i kôkôle nun o kwla gue i afue'n su bo kaan? ?Ye nzu ti ye an kôkô trale tio? Anh nian waka nyre bo bé ô blô lo'n, bé di'a fié, bé tô'a dyésé. O nin i se'n ngba, anh nian, Salomon bobo o nin i anyanbéun'n kwlaa wa kla'a bé nun wafa kun i wunsu tannin lé. ?Se Nyanmien yô idyré'n bo nde bé ô blô lo bo ainman béh guah bé sin nun'n bé klaan ke nga sa'n, o su kata'a amun wun so kpe blu? ?An lafi'a Nyanmien su? I so'n ti, nanh an kôkô sé ke: ?Nde nzu ye é dio? annze, ?Nzu ye é noon? annze, ?Nzu ye é klaa? Liké so'n kwlaa bé bo bé su'a Nyanmien'n bé ye bé kunndeo. Nanh an yô so, afin amun Si b'o ô nyanmien su lo'n si ke amun sa mian liké so'm bé wun. Anh dun mmua fa amun wun man Nyanmien mon o sié amun, ye anh yô i klun sa'n, i sin o wa fa ninngé so'n kwlaa uka su man amun. I so'n ti, nanh an kôkô ainman lie'n ti, afin ainman bobo ye o kunnde i wun likéo. Tyen ba kun nun afe'n o dyu tyen so'n nun.

Listen to Matthieu 6