The Susu Bible

نَ قٍ مُ نُ رَقَنشِ عَننَبِ يُنُسَ مَ قٍقٍ مَ، عَ قَ شْنْ. عَ نَشَ عَ قَلَ عَلَتَلَ بّ، «عَلَتَلَ، ﭑ مُ نُ يِ قٍ شَ قَلَمَ ﭑ تٌ نُ نَ ﭑ شْنيِ تّمُي نَشّ؟ ﭑ نَ ﭑ فِ يِ نَن مَ سِفَقٍ رَ تَرَ سِسِ، بَرِ مَ ﭑ نُ عَ كٌلٌن عَلَ نَن عِ رَ، نَشَن هِننّ نُن كِنِكِنِ مَسٍنمَ مِشِيٍ بّ، نَشَن مُ شْنْمَ مَقُرٍن، نَشَن شَ شَنُنتٍيَ فبٌ، نَشَن فبِلٍنمَ عَ شَ نَتّ تٌنفٌشِ قْشْ رَ، عَ فبَلٌي لُ نَ عَ نُ وَ مَ نَشَن نَبَقٍ. يَكْسِ عَلَتَلَ، ﭑ نِي تٌنفٌ، بَرِ مَ ﭑ قَشَشِ نَن قِسَ ﭑ بَلٌشِ بّ.» عَلَتَلَ نَشَ عَ مَشْرِن، «عَ لَنمَ عِ شَ شْنْ يِ قٍ مَ يِ كِ نّ؟»
عَننَبِ يُنُسَ نَشَ مِنِ تَا قَرِ مَ، عَ سَ دْشْ تَا سٌفٍتٍدٍ مَبِرِ لٍيلٍ بُن مَ، عَ نَشَن يَءِلَن عَ يّتّ بّ. عَ نُ وَ مَ عَ تٌقٍ نّ قٍ نَشَن قَمَ رَبَدٍ نِنٍوٍ رَ.
عَلَتَلَ نَشَ وُرِ بِلِ ندٍ رَبُلَ عَ عَ تِ يُنُسَ شُن مَ، عَلَكٌ عَ نِينِ شَ تِ عَ شُن، عَ نَشَ سٌفٍ شَ شْنّ كٌلٌن. يُنُسَ نَشَ حّلّشِن كِ قَنيِ رَ نَ وُرِ بِلِ نِينِ شَ قٍ رَ. كْنْ نَ لْشْي كُيٍ عِبَ، عَلَ نَشَ عَ نِيَ كُلِ ندٍ شَ سَ نَ وُرِ بِلِ دٌن، عَ شَ شَرَ. سٌفٍ تٌ مِنِ، عَلَ نَشَ قٌيٍ قُرٍ رَ مِنِ كٍلِقٍ سٌفٍتٍدٍ، عَ سٌفٍ شْرْشْي تِ يُنُسَ مَ. نَ نَشَ عَ نِيَ يُنُسَ يَ نَشَ عِقْورْ، عَ قَ وَ قَشَقٍ. عَ نَشَ عَلَ مَشَندِ، «ﭑ قَشَشِ قِسَ ﭑ بَلٌشِ بّ تٌ.»
عَلَ نَشَ عَننَبِ يُنُسَ مَشْرِن، «عَ لَنمَ عِ شَ شْنْ يِ وُرِ بِلِ شَ قٍ مَ يِ كِ؟» يُنُسَ نَشَ عَ يَابِ، «عِيٌ. ﭑ شْنْشِ هَن ﭑ حَن وَ مَ نّ ﭑ شَ قَشَ!» عَلَتَلَ نَشَ عَ مَسٍن عَ بّ، «عِ تَن مّينِشِ يِ وُرِ بِلِ نَن مَ، عِ مُ نَشَن سِشِ، عِ مُ نَشَن نَمْشِ. عَ بُلَشِ كْي كٍرٍن نَن نَ، نَ كُيٍ عِبَ، عَ مَن نَشَ قَشَ. عَ مُ لَنمَ شّ ﭑ تَن شَ كِنِكِنِ نِنٍوٍ مَ، يِ تَا شُنفبٍ، مِشِ وُلُ كّمّ مْشْحّن نُن عَ شَنبِ نَ دّننَشّ، نَشٍيٍ مُ قٍ قَنيِ نُن قٍ حَاشِ تَفِ رَبَ كٌلٌن، شُرُ سٍيٍ فبٍفبٍ قَن نَ دّننَشّ؟»

Listen to عَننَبِ يُنُسَ تٌء١ عَلَ شَ مَسٍنيِ عَننَبِ يُنُسَ بّ تٌء٢ يُنُسَ تٌء٣ يُن 4