<div class="version vid1003 iso6393atd" data-vid="1003" data-iso6393="atd">
   <div class="book bkROM">
      <div class="chapter chINTRO1" data-usfm="ROM.INTRO1">
         <div class="imt2"><span class="content">Tongod to Soini no Sulat ni Pablo to mgo TagaRuma</span></div><div class="ip"><span class="content">Ka Ruma, ian ka mabogbog no lunsud to ugpaan to Italia. No ka nigsulat si Pablo to soini, ka igbuyag to Ruma, nohimu on no labow no igbuyag to tibo no mgo ugpaan to Girisia woy ka Asia, lagkos dod to ugpaan to mgo pinanganak ni Israil no songo oghingaranan to mgo Hudiu. Sikan ian to mohon-ing ka mgo otow dio to lunsud to Ruma no nigligkat to loinloin no mgo ugpaan. Mohon-ing ka mgo Hudiu dio to Ruma no nigtahud to Magboboot woy ka Balaod no impasulat din ki Moisis dongan. Di ian dakol ka mgo otow no kono no Hudiu no nig-ampu to mgo inotow-otow. Di su duon mgo otow no nokouma on dio to Ruma no innangonnangon to Maroyow no Nangnangonon tongod ki Hisus, duon on mgo otow no nigbunsud on no ogtuu kandin. Di waro dan pad amana makasabut ko nokoy ka litos to oyow ogkohimu on sikandan no maroyow dio to tangkaan to Magboboot. Sikan ian to lagboy noiniatan ni Pablo to ogpanumbaloy dio to kandan. Di to waro pad makatood to oghondio, nigsulatan din ka mgo otow no nigtuu oyow lagboy ogpakasabut sikandan tongod to nohimu ni Hisus woy to pogtuu no ogpakamaroyow kanta to tangkaan to Magboboot.</span></div><div class="is"><span class="content">Ka Ignangon to Soini no Sulat</span></div><div class="io"><span class="content">Ka kabinunsuran woy ka tuud ni Pablo to nigsulat 1:1-17</span></div><div class="io"><span class="content">Ka ligkatan to og-awoson to ogkapangabangan ka mgo otow 1:18 &#8211; 3:20</span></div><div class="io"><span class="content">Ka dalan to oyow ogkapangabangan ka mgo otow to salo dan 3:21 &#8211; 4:25</span></div><div class="io"><span class="content">Ka iam no pogkootow to mgo nigtuu 5:1-8 woy 36</span></div><div class="io"><span class="content">Ka batasan no oglitos to nigtuu ki 12:1 &#8211; 15:13</span></div><div class="io"><span class="content">Ka igtuguntugun woy ka igpapangumusta ni Pablo 15:14 &#8211; 16:27</span></div>
      </div>
   </div>
</div>

Tongod to Soini no Sulat ni Pablo to mgo TagaRuma
Ka Ruma, ian ka mabogbog no lunsud to ugpaan to Italia. No ka nigsulat si Pablo to soini, ka igbuyag to Ruma, nohimu on no labow no igbuyag to tibo no mgo ugpaan to Girisia woy ka Asia, lagkos dod to ugpaan to mgo pinanganak ni Israil no songo oghingaranan to mgo Hudiu. Sikan ian to mohon-ing ka mgo otow dio to lunsud to Ruma no nigligkat to loinloin no mgo ugpaan. Mohon-ing ka mgo Hudiu dio to Ruma no nigtahud to Magboboot woy ka Balaod no impasulat din ki Moisis dongan. Di ian dakol ka mgo otow no kono no Hudiu no nig-ampu to mgo inotow-otow. Di su duon mgo otow no nokouma on dio to Ruma no innangonnangon to Maroyow no Nangnangonon tongod ki Hisus, duon on mgo otow no nigbunsud on no ogtuu kandin. Di waro dan pad amana makasabut ko nokoy ka litos to oyow ogkohimu on sikandan no maroyow dio to tangkaan to Magboboot. Sikan ian to lagboy noiniatan ni Pablo to ogpanumbaloy dio to kandan. Di to waro pad makatood to oghondio, nigsulatan din ka mgo otow no nigtuu oyow lagboy ogpakasabut sikandan tongod to nohimu ni Hisus woy to pogtuu no ogpakamaroyow kanta to tangkaan to Magboboot.
Ka Ignangon to Soini no Sulat
Ka kabinunsuran woy ka tuud ni Pablo to nigsulat 1:1-17
Ka ligkatan to og-awoson to ogkapangabangan ka mgo otow 1:18 – 3:20
Ka dalan to oyow ogkapangabangan ka mgo otow to salo dan 3:21 – 4:25
Ka iam no pogkootow to mgo nigtuu 5:1-8 woy 36
Ka batasan no oglitos to nigtuu ki 12:1 – 15:13
Ka igtuguntugun woy ka igpapangumusta ni Pablo 15:14 – 16:27

Listen to Ruma Tongod to Soini no Sulat ni Pablo to mgo TagaRuma