My Bemoediger

Here, depressie is ’n swaar las om te dra, maar dis selfs nog moeiliker om dit alleen te dra. Min mense is gewillig om te luister of selfs te probeer verstaan. Ander impliseer dat ek swak, dwaas of vasgeval in selfbejammering is. Ek stap weg van gesprekke en voel skaam, asof ek veronderstel is om my eie hart gesond te maak. Wie sal vir my die bemoediging en ondersteuning gee wat ek nodig het?

Dankie dat U aan my sy bly wanneer ek alleen gelaat word in hierdie wêreld. U hoor my gebede en tel my trane. U Woord sê vir my dat Jesus ook “oorval” is deur ’n “groot ontsteltenis en benoudheid” (Matteus 26:37) – Hy ken dus my seer. U is vol deernis en getrouheid, sag en vol genade terwyl U my onder u vlerke toemaak. U liefde is my bemoediging en vrede.

Amen.