Jou Deurbraak Jaar: 5 Dae van Inspirasie om Jou Nuwe Jaar Mee Af Te SkopVoorbeeld

DAG 3 – BREEK VRY

Ek het die voorreg gehad om die antieke stad van Filippi in Griekeland te besoek. Dit is die plek waar die apostel Paulus die eerste Christen kerk gevestig het in Europa. Dit is ook hier waar die eerste persoon 'n volgeling van Christus geword het in Europa. Haar naam was Lydia en sy is gered en toe gedoop. Ek was eintlik in staat om die plek te besoek waar sy gedoop is in die rivier buite die stadspoort van Filippi.

Paulus het Filippi op ten minste twee ander kere besoek. Vanuit Rome het hy die boek van Filippense aan hierdie kerk geskryf. Hierdie boek bevat van die mees bekende verse in die Bybel (1:6, 2:5-11, 3:12-14, 4:13). Paulus se vreugde oor die Filippynse kerk is duidelik in sy brief waar hy hulle aanmoedig om 'n Christen lewe van oorwinning te leef.

Dit was ook in Filippi wat Paulus en Silas geslaan en gearresteer is. Ek het die tronk waar hulle gevange gehou was gesien. Paulus het 'n gees van waarsêery uit 'n vrou gedryf. Toe haar meesters egter agterkom dat hulle haar nie meer kan gebruik om geld te maak nie, het hulle vir Paulus-hulle na die leiers gesleep en hulle beskuldig dat hulle moeilikheidmakers was.

Teen middernag was Paulus en Silas besig om te bid en te sing toe Handelinge 16:26 sê: "Skielik kom daar 'n groot aardbewing wat die fondamente van die tronk geskud het. Al die deure van die tronk het onmiddellik oopgegaan, en al die gevangenis se boeie het losgeraak." 'n Klein aardbewing het op daardie presiese plek plaasgevind. Die krag van God het hulle bevry uit die tronk!

Toe dit gebeur het, het die tronkbewaarder sy swaard getrek om homself om die lewe te bring, omdat al die gevangenes sou ontsnap het. Paulus het egter hom gekeer en die tronkbewaarder het vir Paulus gesê: "Menere, wat moet ek doen om gered te word?" Paulus het geantwoord: "Glo in die Here Jesus, en jy sal gered word, jy en jou huisgesin."

Dieselfde krag van God is vandag aan enige een beskikbaar wat dit nodig het. Mense in die tronk word steeds gered. In werklikheid is daar 'n groot beweging van mans wat besig is om opgelei te word vir bediening terwyl hulle in die tronk sit.

God bevry steeds mense van enige tipe slawerny. Vandag is daar verskeie tipes verslawing wat hulle in slawerny hou. Dit kan dalk alkohol of dwelms wees. Dit mag dalk pornografie of oorbesteding wees. Wat dit ook al is, God kan jou bevry. Ek ken soveel verhale van mense wat gered is toe God hulle in 'n oogwink van hulle verslawing bevry het.

Die krag van God is eg. Dit is aan almal beskikbaar. Selfs as jy al jare lank in kettings van slawerny vasgevang is, kan God jou vrymaak. Wat God vir Paulus en Silas gedoen het, kan Hy vir jou ook doen.