Leesplan inligting

21 dae oor die krag van gebed deur Angus Buchan™Voorbeeld

21 dae oor die krag van gebed deur Angus Buchan™

DAG 12 VAN 21

“Jesus ons Geneser” Moses het op die berg op die Here gewag om die Tien Gebooie te ontvang. Toe hy van die berg afkom, het hy so kwaad geword dat hy die kliptafels met die Tien Gebooie flenters gegooi het. Moses het die volk aangesê om die goue kalf te verbrand, dit fyn te maal, die stof op die water te strooi en dit te drink. Jare later het Jesus die tempel binnegegaan en gesien hoe die geldwisselaars sy Vader se huis in ’n mark omskep het. Hy het ’n sweep gemaak, die tempel ingegaan en hulle uitgejaag. Sien jy die ooreenkoms? Terwyl die Israeliete in die woestyn was, het hulle slange teëgekom wat hulle gepik het. Hulle was besig om dood te gaan. Moses het tot God om hulp geroep. God het vir hom gesê om ’n bronsslang te maak en dit op ’n paal te sit. Elke keer wanneer iemand deur ’n slang gepik is, moes hulle na die paal kyk en dan sou hulle nie sterf nie. Jesus het nie ’n bronsslang gemaak nie. Hy het net die siek mense aangeraak of ’n woord gespreek en hulle was genees. Jesus genees vandag nog die siekes. As jy siek is, het ek goeie nuus vir jou. Daar is genesing in die Naam van Jesus. GEBED: Here, ek bid dat U my sal genees wanneer ek in u teenwoordigheid is; nie net fisies nie, maar ook diep in my siel. Ek bid dat U my hart en my gedagtes sal hernu. Amen. Geneem uit IN DIE VREDE VAN SY TEENWOORDIGHEID deur Angus Buchan © Christelike Uitgewersmaatskappy.
Dag 11Dag 13

Aangaande hierdie leesplan

21 dae oor die krag van gebed deur Angus Buchan™

Hierdie 21 dae-plan is ’n samestelling van dagstukkies oor gebed. Dit is ’n wonderlike hulpmiddel om ’n dieper verhouding met God te ontwikkel. Elke dag bevat ’n Skrifverwysing, ’n oordenking oor gebed en ’n slotgebed. H...

More

Ons wil graag Angus Buchan / Christelike Uitgewersmaatskappy bedank vir die verskaffing van hierdie leesplan. Vir meer inligting, besoek gerus: http://www.cumuitgewers.co.za/

YouVersion gebruik koekies om jou ervaring persoonlik te maak. Deur ons webwerf te gebruik, aanvaar jy ons gebruik van koekies soos beskryf in ons Privaatheidsbeleid