Bid God Se Waarheid Oor Jou Vrese

Goeie Nuus: Bemoediging vir 'n Wêreld in Krisis

Om op God te Wag

Verkry Goddelike Wysheid

Beter As Normaal

Hoe Om Mense Lief Te Hê Van Wie Jy Verskil

Om die Oorlog in Jou Gedagtes te Wen

Ongebroke Gemeenskap met die Vader: 'n Studie van Intimiteit in Johannes

Die deur is toe; wat nou?

Vrug Van Die Gees

<div class="version vid6 iso6393afr" data-vid="6" data-iso6393="afr">
 <div class="book bkLUK">
 <div class="chapter ch2" data-usfm="LUK.2">
 <div class="label">2</div><div class="s1">Die geboorte van Jesus</div><div class="r">(Matt. 1:18-25)</div><div class="p"> 1In daardie tyd het keiser Augustus 'n bevel uitgevaardig dat 'n volkstelling in die hele ryk gehou moet word. 2Hierdie eerste volkstelling het plaasgevind toe Sirenius goewerneur was in die provinsie Siri&#235;. 3Almal het gegaan om hulle te laat inskryf, elkeen na sy eie stad toe.</div><div class="p"> 4Ook Josef het gegaan. Hy het van die dorp Nasaret in Galilea na Judea toe gegaan, na Betlehem, die stad van Dawid, omdat hy tot die huis en geslag van Dawid behoort het. 5Maria, sy verloofde, wat swanger was, het saamgegaan om ingeskryf te word. 6Terwyl hulle daar was, het die tyd gekom dat haar kind gebore moes word. 7Sy het haar Eerstelingseun in die w&#234;reld gebring en Hom in doeke toegedraai en in 'n krip neergel&#234;, omdat daar vir hulle geen plek in die herberg was nie.</div><div class="s1">Die skaapwagters en die engele</div><div class="p"> 8Daar was skaapwagters in daardie omgewing wat in die oop veld gebly en in die nag oor hulle skape wag gehou het. 9Meteens staan daar 'n engel van die Here by hulle, en die heerlikheid van die Here het rondom hulle geskyn. Hulle het baie groot geskrik. 10Toe s&#234; die engel vir hulle: &#8220;Moenie bang wees nie, want kyk, ek bring vir julle 'n goeie tyding van groot blydskap wat vir die hele volk bestem is. 11Vandag is daar vir julle in die stad van Dawid die Verlosser gebore, Christus die Here! 12En dit is vir julle die teken: julle sal 'n kindjie vind wat in doeke toegedraai is en in 'n krip l&#234;.&#8221;</div><div class="p"> 13Skielik was daar saam met die engel 'n menigte engele uit die hemel wat God prys en s&#234;:</div><div class="b"></div><div class="q1"> 14&#8220;Eer aan God in die hoogste hemel,</div><div class="q1">en vrede op aarde</div><div class="q1">vir die mense in wie Hy 'n welbehae het!&#8221;</div><div class="b"></div><div class="p"> 15Nadat die engele van hulle af weggegaan het na die hemel toe, s&#234; die skaapwagters vir mekaar: &#8220;Kom ons gaan reguit Betlehem toe om te sien wat gebeur het, soos die Here dit aan ons bekend gemaak het.&#8221;</div><div class="p"> 16Hulle gaan toe haastig daarheen en kry vir Maria en Josef, en die Kindjie wat in die krip l&#234;. 17Toe hulle Hom sien, het hulle vertel wat oor hierdie Kindjie aan hulle ges&#234; is. 18Almal wat dit gehoor het, was verwonderd oor wat die skaapwagters hulle vertel het. 19Maria het alles wat ges&#234; is, onthou en telkens weer by haarself daaroor nagedink. 20Die skaapwagters het toe teruggegaan terwyl hulle God loof en prys oor alles wat hulle gehoor en gesien het. Dit was alles net soos dit vir hulle ges&#234; is.</div><div class="s1">Besnydenis, afsondering, reiniging</div><div class="p"> 21Ag dae later, toe dit tyd was om die Kindjie te besny, het Hy die naam Jesus gekry, die naam wat deur die engel genoem is nog voordat Hy in die moederskoot ontvang is.</div><div class="p"> 22Toe die reinigingstyd soos deur die wet van Moses bepaal, vir hulle verby was, het hulle Hom na Jerusalem toe gebring om Hom tot beskikking van die Here te stel. 23In die wet van die Here staan immers geskrywe: &#8220;Elke eersteling van die manlike geslag moet vir die Here afgesonder word.&#8221; 24Hulle het ook die reinigingsoffer gebring volgens die voorskrif in die wet van die Here, naamlik &#8220;'n paar tortelduiwe of twee jong duiwe.&#8221; </div><div class="s1">Simeon en Anna by die tempel</div><div class="p"> 25Daar het destyds 'n man met die naam Simeon in Jerusalem gewoon. Hy was getrou aan die wet en vroom, en het uitgesien na die koms van die Verlosser van Israel. Die Heilige Gees was op Simeon 26en het aan hom bekend gemaak dat hy nie sou sterwe voordat hy die Gesalfde van die Here gesien het nie. 27Deur die Gees gelei, het hy opgegaan na die tempel toe. Toe die ouers die Kindjie Jesus bring om vir Hom die gebruiklike bepaling van die wet na te kom, 28het Simeon Hom in sy arms geneem en God geprys en ges&#234;:</div><div class="b"></div><div class="q1"> 29&#8220;Here, laat u dienaar nou</div><div class="q1">in vrede gaan volgens u woord,</div><div class="q1"> 30omdat my o&#235; u verlossing gesien het</div><div class="q1"> 31wat U gereed gemaak het</div><div class="q1">voor die o&#235; van al die volke:</div><div class="q1"> 32'n lig tot verligting van die nasies</div><div class="q1">en tot eer van u volk Israel.&#8221;</div><div class="b"></div><div class="p"> 33Sy vader en moeder was verwonderd oor die dinge wat van Hom ges&#234; is.</div><div class="p"> 34Simeon het hulle gese&#235;n en vir Maria, sy moeder, ges&#234;: &#8220;Kyk, hierdie Kindjie is bestem tot 'n val en 'n opstanding van baie in Israel en tot 'n teken wat weerspreek sal word. 35So sal die gesindheid van baie mense aan die lig kom. En wat jou betref, 'n swaard sal deur jou siel gaan.&#8221;</div><div class="p"> 36Daar was ook 'n profetes, Anna, 'n dogter van Fanuel uit die stam Aser. Sy was al baie oud. As jong vrou was sy sewe jaar getroud, en na haar man se dood 37het sy weduwee gebly. Sy was nou al vier en tagtig jaar oud. Sy het nie van die tempel af weggebly nie en het God dag en nag gedien deur te vas en te bid. 38Juis op daardie oomblik het sy nader gekom en God gedank en oor die Kindjie gepraat met almal wat na die verlossing van Jerusalem uitgesien het.</div><div class="p"> 39Toe Josef-hulle alles nagekom het wat die wet van die Here voorskryf, het hulle na Galilea toe teruggegaan, na hulle eie dorp, Nasaret. 40Die Kindjie het gegroei en sterk geword, en Hy was vol wysheid, en die genade van God was op Hom.</div><div class="s1">Die Kind Jesus by die tempel</div><div class="p"> 41Jesus se ouers het elke jaar vir die paasfees Jerusalem toe gegaan. 42Toe Hy twaalf jaar oud was, het hulle weer soos gebruiklik daarheen gegaan vir die fees. 43En toe die feesdae verby was, het sy ouers die terugreis begin, maar die Kind Jesus het in Jerusalem gebly sonder dat hulle dit geweet het. 44Omdat hulle gedink het Hy is by die reisgeselskap, het hulle 'n dag lank gereis voordat hulle Hom onder die familie en bekendes begin soek het. 45Toe hulle Hom nie kry nie, het hulle omgedraai na Jerusalem toe op soek na Hom. 46Na drie dae het hulle Hom by die tempel gekry waar Hy tussen die geleerdes sit en na hulle luister en hulle uitvra. 47Almal wat Hom gehoor het, was verbaas oor sy insig en sy antwoorde. 48Toe sy ouers Hom sien, was hulle verslae, en sy moeder s&#234; vir Hom: &#8220;Kind, waarom het jy so met ons gemaak? Kyk, jou vader en ek het met angs na jou gesoek.&#8221;</div><div class="p"> 49Maar Hy antwoord hulle: &#8220;Waarom het u na My gesoek? Het u nie geweet dat Ek in die huis van my Vader moet wees nie?&#8221;</div><div class="p"> 50Hulle het nie begryp wat Hy daarmee bedoel het nie.</div><div class="p"> 51Hy het toe saam met hulle na Nasaret toe teruggegaan, en Hy was aan hulle onderdanig. Sy moeder het al hierdie dinge in haar hart bewaar.</div><div class="p"> 52En Jesus het verstandelik en liggaamlik gegroei en in guns by God en die mense toegeneem.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bkLUK">
 <div class="chapter ch3" data-usfm="LUK.3">
 <div class="label">3</div><div class="s1">Die prediking van Johannes die Doper</div><div class="r">(Matt. 3:1-12; Mark. 1:1-8; Joh. 1:19-28)</div><div class="p"> 1Dit was die vyftiende regeringsjaar van keiser Tiberius. Pontius Pilatus was goewerneur van Judea, en Herodes heerser van Galilea. Sy broer Filippus was heerser van Iturea en Tragonitis, en Lisanias heerser van Abilene. Annas en Kajafas was die ho&#235;priesters.</div><div class="p"> 2In daardie tyd het die woord van God tot Johannes, die seun van Sagaria, in die woestyn gekom. 3Hy het deur die hele Jordaanstreek gegaan en verkondig: Bekeer julle en laat julle doop en God sal julle sondes vergewe. 4So staan dit geskrywe in die boek van die profeet Jesaja:</div><div class="b"></div><div class="q1">&#8220;Iemand roep in die woestyn:</div><div class="q1">Maak die pad vir die Here gereed, maak die paaie vir Hom reguit.</div><div class="q1"> 5Elke kloof moet opgevul en elke berg en bult platgemaak word;</div><div class="q1">die krom paaie moet reguit en die ruwe paaie gelyk word.</div><div class="q1"> 6En al die mense sal die verlossing sien wat van God kom.&#8221; </div><div class="b"></div><div class="p"> 7Die mense het in groot getalle uitgegaan om deur Johannes gedoop te word. Hy het vir hulle ges&#234;: &#8220;Julle slange, wie het julle wysgemaak dat julle die dreigende toorn kan ontvlug? 8Dra liewer vrugte wat bewys dat julle bekeer is. En moenie by julleself s&#234;: &#8216;Ons het Abraham as voorvader&#8217; nie, want dit s&#234; ek vir julle: God kan uit hierdie klippe kinders vir Abraham verwek. 9Die byl l&#234; al klaar teen die wortel van die bome. Elke boom wat nie goeie vrugte dra nie, word uitgekap en in die vuur gegooi.&#8221;</div><div class="p"> 10Die mense vra hom toe: &#8220;Wat moet ons dan doen?&#8221;</div><div class="p"> 11Hy antwoord hulle: &#8220;Wie twee kledingstukke het, moet dit deel met iemand wat nie het nie, en wie kos het, moet dieselfde doen.&#8221;</div><div class="p"> 12Daar kom toe ook tollenaars om gedoop te word en hulle s&#234; vir hom: &#8220;Meneer, wat moet ons doen?&#8221;</div><div class="p"> 13En vir hulle s&#234; hy: &#8220;Moenie meer invorder as wat vir julle vasgestel is nie.&#8221;</div><div class="p"> 14Ook soldate het hom uitgevra: &#8220;En ons, wat moet ons doen?&#8221;</div><div class="p">Hy antwoord hulle: &#8220;Moet van niemand deur geweld of vals aanklag geld afpers nie, maar wees tevrede met julle betaling.&#8221;</div><div class="p"> 15Die volk was vol verwagting, en almal het hulle begin afvra of Johannes nie miskien die Christus is nie. 16Daarop gee Johannes aan hulle almal die antwoord: &#8220;Ek doop julle met water, maar my meerdere kom, en ek is nie eers werd om sy skoene los te maak nie. Hy sal julle met die Heilige Gees en met vuur doop. 17Hy het sy skop in sy hand, en Hy sal sy dorsvloer deur en deur skoonmaak. Die koring sal Hy in sy skuur bymekaarbring, maar die kaf sal Hy met onblusbare vuur verbrand.&#8221;</div><div class="p"> 18Ook oor baie ander dinge het hy dikwels die volk vermaan en die goeie boodskap aan hulle verkondig.</div><div class="p"> 19Hy het ook vir Herodes, die heerser, tereggewys oor Herodias, die vrou van sy broer, en oor al die ander slegte dinge wat Herodes gedoen het. 20Maar Herodes het nog verder gegaan en Johannes in die tronk opgesluit.</div><div class="s1">Die doop van Jesus</div><div class="r">(Matt. 3:13-17; Mark. 1:9-11)</div><div class="p"> 21Toe al die mense hulle laat doop het, is Jesus ook gedoop, en terwyl Hy staan en bid, het die hemel oopgegaan 22en het die Heilige Gees in sigbare gestalte soos 'n duif op Hom neergedaal. Daar was ook 'n stem uit die hemel: &#8220;Jy is my geliefde Seun. Oor Jou verheug Ek My.&#8221;</div><div class="s1">Die geslagsregister van Jesus</div><div class="r">(Matt. 1:1-17)</div><div class="p"> 23Toe Jesus met sy werk begin het, was Hy omtrent dertig jaar oud. Hy was, soos hulle gemeen het, die seun van Josef. Josef was die seun van Eli, 24seun van Mattat, seun van Levi, seun van Melgi, seun van Jannai, seun van Josef, 25seun van Mattatias, seun van Amos, seun van Nahum, seun van Hesli, seun van Naggai, 26seun van Mahat, seun van Mattatias, seun van Seme&#239;n, seun van Josek, seun van Joda, 27seun van Johanan, seun van Resa, seun van Serubbabel, seun van Sealti&#235;l, seun van Neri, 28seun van Melgi, seun van Addi, seun van Kosam, seun van Elmadam, seun van Er, 29seun van Josua, seun van Eli&#235;ser, seun van Jorim, seun van Mattat, seun van Levi, 30seun van Simeon, seun van Juda, seun van Josef, seun van Jonam, seun van Eljakim, 31seun van Melea, seun van Menna, seun van Mattata, seun van Natan, seun van Dawid, 32seun van Isai, seun van Obed, seun van Boas, seun van Sala, seun van Nagson, 33seun van Amminadab, seun van Admin, seun van Arni, seun van Gesron, seun van Peres, seun van Juda, 34seun van Jakob, seun van Isak, seun van Abraham, seun van Tera, seun van Nahor, 35seun van Serug, seun van Rehu, seun van Peleg, seun van Heber, seun van Sala, 36seun van Kenan, seun van Arpagsad, seun van Sem, seun van Noag, seun van Lameg, 37seun van Metusalag, seun van Henog, seun van Jered, seun van Mahalalel, seun van Kenan, 38seun van Enos, seun van Set, seun van Adam, die seun van God.</div>
 </div>
 </div>
</div>

Die Nuwe Testament in 90 DaeVoorbeeld

Skrif

Aangaande hierdie leesplan

Verwante Leesplanne