21-Dae van Gebed vir Vriende Voorbeeld

Gebedsgids

Handelinge 16:14

"Een van dié wat geluister het, was 'n vrou met die naam Lidia, wat die Joodse geloof aangeneem het. Sy het handel gedrywe met pers wolmateriaal en was van Tiatira afkomstig. Die Here het haar vir Paulus se woorde ontvanklik gemaak."

Gebed:

Vader, wat 'n vreugde is dit om te sien dat Lidia Christus ontvang het. Ek bid dat _______________________ se hart sal oopgaan om op die evangelie te reageer. Gee _______________________ 'n oop hart en verstand om sy/haar eie sonde te erken en te aanvaar dat hy/sy Christus se redding nodig het. Ek bid dat U my hart ontvanklik sal maak om 'n las te hê om die evangelie te deel wanneer die geleentheid hom voordoen. Gee my geduld, goedgesindheid en liefde, terwyl ek biddende wag vir 'n gulde geleentheid.