Rick Warren se Daaglikse OordenkingsVoorbeeld

Liefde is 'n gewoonte

As jy liefde net aan- en afskakel soos 'n ligskakelaar, het jy nie ander lief soos God wil hê jy moet liefhê nie. Jesus het gesê: "Dink julle julle is verdienstelik as julle net dié liefhet wat vir julle lief is?" (Lukas 6:32 NLV).

Hy bedoel, enigiemand kan die persoon liefhê wat vir hom lief is. Om 'n meester in liefde te word, moet jy leer om die ongeliefdes lief te hê. Dis wanneer jy mense liefhet wat jou nie liefhet nie, wanneer jy mense liefhet wat jou irriteer, wanneer jy mense liefhet wat jou in die rug gesteek het of oor jou skinder.

Dit klink soos 'n onmoontlike taak en dit is — dis hoekom ons God se liefde in ons lewens nodig het, sodat ons ander kan liefhê: "Ons leef uit die wete en is absoluut oortuig daarvan dat God ons liefhet" (1 Johannes 4:16 NLV).

Wanneer jy besef hoe lief God jou het — met oordadige, onweerstaanbare, onvoorwaardelike liefde — sal sy liefde jou hele fokus op die lewe verander. Indien ons nie God se liefde vir ons aanvaar nie, sal dit vir ons moeilik wees om ander mense lief te hê. Ek praat hier van om liefde aan die ongeliefdes te bewys, die moeilike mense, dié wat jou irriteer, mense wat anders as jy is of baie veeleisend is.

Jy kan dit nie doen voor jy nie God se liefde deur jou laat vloei nie. Jy moet God se liefde ken, sodat dit kan oorvloei in die lewens van ander.