MATTEUS 7:16-17
MATTEUS 7:16-17 Bybel vir almal (ABA)
Wanneer jy 'n boom se vrugte sien, dan weet jy watter soort boom dit is. So sal julle ook kan sien watter soort mense dit is wanneer julle sien wat hulle doen. 'n Mens pluk nie druiwe van doringbome of vye van onkruid nie. Nee, goeie bome dra goeie vrugte, en slegte bome dra slegte vrugte.
MATTEUS 7:16-17 Afrikaans 1933/1953 (AFR53)
Aan hulle vrugte sal julle hulle ken. 'n Mens pluk tog nie druiwe van dorings of vye van distels nie! So dra elke goeie boom goeie vrugte; maar 'n slegte boom dra slegte vrugte.
MATTEUS 7:16-17 Afrikaans 1983 (AFR83)
Aan hulle vrugte sal julle hulle ken. Kry 'n mens dan druiwe aan doringstruike of vye aan dissels? Elke goeie boom dra tog goeie vrugte, maar 'n slegte boom dra slegte vrugte.
MATTEUS 7:16-17 Die Bybel 2020-vertaling (AFR20)
Aan hulle vrugte sal julle hulle uitken. Pluk 'n mens miskien druiwe van doringstruike of vye van dissels? Net so dra elke goeie boom goeie vrugte, maar 'n slegte boom dra slegte vrugte.
MATTEUS 7:16-17 Contemporary Afrikaans Bible 2023 (CAB23)
Aan hulle vrugte sal julle hulle ken. Pluk mense druiwe van dorings, of vye van distels? Net so dra elke goeie boom goeie vrugte; maar 'n bedorwe boom dra slegte vrugte.
MATTEUS 7:16-17 Die Boodskap (DB)
Dit is maklik om hierdie mense uit te ken. Kyk maar net hoe hulle leef. As hulle heeltyd verkeerde dinge doen, wys dit dat hulle ’n spul leuenaars is. “’n Mens se lewe is soos ’n vrugteboom: goeie vrugtebome dra goeie vrugte en slegte bome dra slegte vrugte.
MATTEUS 7:16-17 Nuwe Lewende Vertaling (NLV)
Julle sal hulle aan hulle optrede uitken, net soos ’n mens ’n boom aan sy vrugte kan uitken. ’n Mens pluk tog nie druiwetrosse van doringbosse, of vye van dissels nie. ’n Gesonde boom dra immers goeie vrugte en ’n siek boom slegte vrugte.