Hoshea 6
6
1“Kom en laat ons terugkeer tot יהוה, want Hy het ons verskeur, maar Hy sal ons genees, Hy het ons gewond, maar Hy sal verbind.
2Hy sal ons ná twee dae lewend maak; Hy sal ons op die derde dag laat opstaan sodat ons voor Hom kan lewe.
3Dan sal ons weet om met יהוה ’n verbondsverhouding te hê; dat Hy weggaan is so seker soos die dagbreek en Hy sal na ons toe kom soos die reën, soos die lentereëns wat die aarde natmaak.”
4Wat sal Ek met jou doen, o Efrayim? Wat sal Ek met jou doen, o Y’hudah? Want julle lojaliteit is soos ’n oggendwolk en soos die dou wat vroeg weggaan;
5daarom het Ek die profete afgesny; Ek het hulle neergeslaan deur die woorde van My mond en My regverdige oordele sal uitgaan soos die lig,
6want Ek verheug My in lojaliteit eerder as in offers en in die kennis van God eerder as in brandoffers, 1 Sh’m 15:22; Ps 40:7; Ps 51:16-19; Mat 9:13; Mat 12:7
7maar soos Adam het hulle die verbond oortree; daar het hulle verraderlik teen My opgetree.
8Gil’ad is ’n stad van boosdoeners, vol bloedspore.
9Soos rowers wag vir ’n man, so pleeg ’n priesterbende moord op die pad na Sh’khem; sekerlik het hulle misdaad gepleeg.
10In die huis van Yisra’el het Ek ’n verskriklike ding gesien: Efrayim se hoerery is daar, Yisra’el het homself onrein gemaak.
11Ook vir jou, o Y’hudah, is daar ’n oes vasgestel, wanneer Ek die voorspoed van My volk herstel.
Tans Gekies:
Hoshea 6: SPC
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
©Kopiereg 2025 deur Die Pad van Waarheid tot die Lewe Vertalings Projek.
Kopiereg op die inhoud behoort aan die Lewende, Skepper-God, YHWH, alleen. U is welkom om dit onveranderd te gebruik in enige leer of skrywe, met erkenning: “PWL” “PadWLewe” of “Die Pad van Waarheid tot die Lewe” vertaling.
Geen deel hiervan mag onder enige omstandighede, in enige formaat, verkoop word nie.
Sy Boodskap is gratis.