Ездралэн 3-тӥ книгаез 11
11
11-тӥ ЛЮКЕТ
1Мон уйвӧт адӟи: тани, зарезь вылысь ӧрӟи ӝутскиз, солэн дас кык тылыё бурдыз но куинь йырыз вал. 2Мон адӟи: тани, со бурдъёссэ быдэс музъем вылэ вӧлъя, инмысь вань тӧлъёс со вылэ пельтӥзы, пилемъёс люкаськизы. 3Мон адӟи, кызьы солэн тылыосыз пушкысь мукетъёсыз векчи тылыос пото, нош соосыз пушкысь эшшо векчиосыз но вакчиосызгес тылыос пото. 4Ӧрӟилэн йыръёсыз тэк кыллизы, шоретӥез йырыз бадӟымгес вал мукет йыръёслэсь, со но соосын ӵош тэк кыллиз. 5Мон адӟи: тани ӧрӟи бурдъёссэ вӧлъяса лоба, быдэс музъемлы но отын улӥсьёслы со эксэй радын вал. 6Мон адӟи: ин улын вань улӥсьёс солы тэрытскыса улӥзы, нокин но солы ӧз пумитъяськы – музъем вылын улӥсь одӥг лул но солы пумит ӧз мыны. 7Тани ӧрӟи гижыосыз вылэ султӥз но тылыосыз пала берытскыса шуиз: 8«Ваньды ӵош сак эн улэ; котькудды асьтэ интыын изе но вошъяськыса возьмаське, 9нош йыръёс берпум аръёслы мед утиськозы». 10Адӟи мон: солэн куараез йыръёсысьтыз ӧз поты, мугорызлэн шоретӥ люкетысьтыз потылӥз. 11Мон лыдъяй пичи тылыоссэ, – соос тямыс вал. 12Мон адӟи: тани, бурпалысьтыз одӥг тылы ӝутӥськиз но быдэс музъемлы кузёе пуксиз. 13Кузёлы пуксем бераз солы пум вуиз, солэн интыез но ӧз ни адӟиськы; та бере мукетыз тылы ӝутӥськиз но кузё кариськиз; таиз кема дыр ӵоже кузёяськыса улӥз. 14Со кузёын улыку, солэн быронэз матэ вуиз, нырысез кадь ик ышон-бырон вылысь. 15Тани, солы верась куара кылӥськиз: 16«Сомында дыр ӵоже музъемез киулад возись, кылзы! Тани мон быремедлэсь азьвыл тыныд ивор верало: 17тон мында тон бере нокин но кузёяськыса уз ни улы, солэн ӝыны люкетэз мында но». 18Куинетӥез тылы ӝутӥськиз но, азьвылъёсыз кадь ик кузёяськыса улӥз, но со но ышиз-быриз. 19Ваньмыныз мукетъёсыныз но тазьы ик луиз: соос кузёяськыса улылӥзы, нош бӧрысь пырак ӵожелы ышылӥзы-бырылӥзы. 20Мон адӟи, дыр вуыса, бурпалысьтыз мукетъёсыз тылыос ӝутӥськылӥзы, соос но кузё мед луозы, – куд-огъёсыз кузё луылӥзы, но соку ик ышылӥзы-бырылӥзы. 21Соос пӧлысь куд-огъёсыз ӝутӥськылӥзы, но кузё ӧз луылэ. 22Та бере дас кык тылыос ӧз ни возьматскылэ, кыкез пичи тылыос но ӧз ни возьматскылэ, – 23ӧрӟилэн мугор вылаз номыриз но ӧз ни кыльы, шутэтскыса тэк улӥсь кык йыръёс но куать пичи тылыос сянаез. 24Мон адӟи: тани куать пичи тылыос пӧлысь кыкез люкиськиз но бурпаласез йыр улэ кылиз, нош ньылез ас интыязы ик кылизы. 25Собере бурд улысь тылыос кужмысь султыса кузёяськыса улыны малпазы, – 26тани, одӥгез ӝутӥськиз но соку ик ышиз-быриз. 27Нош вуоноосыз, азьвылъёсыз сярысь, эшшо но ӝоггес ышизы-быризы. 28Мон адӟи: тани, кык кылем тылыос но кузёяськыны ӧдъязы. 29Кузёяськыны ӧдъякузы, шорысез, шутэтскыса тэк улӥсь йыр, сайказ, мукетъёсыз кык йыръёс сярысь, таиз бадӟымгес вал. 30Мон адӟи: мукетъёсыз кык йыръёс соин герӟаськизы. 31Соин огазеяськем йыръёсын ӵош таиз йыр берытскиз но бурд улысь кык тылыез – кузёяськыны ӧдъясьёссэ – сииз. 32Таиз йыр быдэс дуннеез куалектытӥз но музъем вылын улӥсьёсты туж ултӥяса, соосын кузёяськыса улӥз – азьвыл кузёяськем вань бурдъёс пӧлысь таиз музъем вылын самой кема кузёяськыса улӥз. 33Табере мон адӟи: шоретӥез но йыр, бурдъёс кадь ик, шӧдтэк шорысь ышиз-быриз; 34кылизы кык йыръёс, соос таӵе ик амалэн музъем вылын отын улӥсьёсын кузёяськыса улӥзы. 35Тани, бурпаласез йыр паллян паласьсэ йырез сииз. 36Тазьы верась куараез мон кылӥ: «Азьпалад учкы но мае адӟиськод, со сярысь малпаськы». 37Мон адӟисько: тани нюлэскысь бызьыса потэм бурсӥсь левлы укшась маке, пушкысьтыз адями куара поттыса, ӧрӟилы шуиз: 38«Кылзы, мар мон тыныд верало но мар тыныд шуоз Вылысь Инмар: 39Аслам дуннеям кузёяськыны Мынам пуктэм ньыль пӧйшуръёс пӧлысь кылемез тон ӧвӧл-а? Соос пыр та дауръёслы-вапумъёслы пум мед вуоз шуыса, Мон соосты кузёяськыны пуктӥ. 40Соос пӧлысь ньылетӥез лыктӥз, азьвылъёссэ вань пӧйшуръёсты вормиз но тазэ дуннеез туж куалекъятыса возиз, быдэс дунне вылэз но чидантэм секыт ултӥяса возиз, аслаз киулаз улӥсьёсты туж-туж секыт ёртыса-ӝикатыса возиз, сыӵе кескич амалэн со сокем кема улӥз музъем вылын. 41Тон музъемез шонерлыко судить ӧд кары: 42зӥбыт-востэмъёсты тон ӝикатыса возид, тупаса улонэз яратӥсьёсты вӧсь карид, ӧрекчаськисьёсты яратӥд, пайда вайисьёслэсь юртъерзэс таркалляд, тыныд изъян лэсьтӥсьтэмъёслэсь борддоръёссэс куашкатъялляд. 43Вылысь Инмар доры, Кужмо (Инмар) доры, тынад кӧтӝожед, тынад вылтӥяськонэд ӝутӥськиз. 44Вылысь Инмар вылтӥяськонлэн дыръёсыз-вакытъёсыз шоры учкиз, – но тани, соос быризы, сьӧсь ужъёсызлэн мертэтсы быдэсмиз. 45Соин ик тон, ӧрӟи, кӧшкемыт бурдъёсыныд, юрӟымесь тылыосыныд, лекесь йыръёсыныд, жалянэз валасьтэм лек гижыосыныд, номырлы ярантэм урод мугорыныд валче ыш-быр, 46быдэс музъем выл мед шутэтскоз, лёгаса-ултӥяса возён киулысь мед мозмытскоз но аслаз Кылдытӥсезлэн судэзлы, гажан-жалянэзлы оскиськыса мед улоз шуыса».
Tans Gekies:
Ездралэн 3-тӥ книгаез 11: УДМБИБ
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
(c) Библияез берыктонъя Институт, Хельсинки, 2013; 2016
Ездралэн 3-тӥ книгаез 11
11
11-тӥ ЛЮКЕТ
1Мон уйвӧт адӟи: тани, зарезь вылысь ӧрӟи ӝутскиз, солэн дас кык тылыё бурдыз но куинь йырыз вал. 2Мон адӟи: тани, со бурдъёссэ быдэс музъем вылэ вӧлъя, инмысь вань тӧлъёс со вылэ пельтӥзы, пилемъёс люкаськизы. 3Мон адӟи, кызьы солэн тылыосыз пушкысь мукетъёсыз векчи тылыос пото, нош соосыз пушкысь эшшо векчиосыз но вакчиосызгес тылыос пото. 4Ӧрӟилэн йыръёсыз тэк кыллизы, шоретӥез йырыз бадӟымгес вал мукет йыръёслэсь, со но соосын ӵош тэк кыллиз. 5Мон адӟи: тани ӧрӟи бурдъёссэ вӧлъяса лоба, быдэс музъемлы но отын улӥсьёслы со эксэй радын вал. 6Мон адӟи: ин улын вань улӥсьёс солы тэрытскыса улӥзы, нокин но солы ӧз пумитъяськы – музъем вылын улӥсь одӥг лул но солы пумит ӧз мыны. 7Тани ӧрӟи гижыосыз вылэ султӥз но тылыосыз пала берытскыса шуиз: 8«Ваньды ӵош сак эн улэ; котькудды асьтэ интыын изе но вошъяськыса возьмаське, 9нош йыръёс берпум аръёслы мед утиськозы». 10Адӟи мон: солэн куараез йыръёсысьтыз ӧз поты, мугорызлэн шоретӥ люкетысьтыз потылӥз. 11Мон лыдъяй пичи тылыоссэ, – соос тямыс вал. 12Мон адӟи: тани, бурпалысьтыз одӥг тылы ӝутӥськиз но быдэс музъемлы кузёе пуксиз. 13Кузёлы пуксем бераз солы пум вуиз, солэн интыез но ӧз ни адӟиськы; та бере мукетыз тылы ӝутӥськиз но кузё кариськиз; таиз кема дыр ӵоже кузёяськыса улӥз. 14Со кузёын улыку, солэн быронэз матэ вуиз, нырысез кадь ик ышон-бырон вылысь. 15Тани, солы верась куара кылӥськиз: 16«Сомында дыр ӵоже музъемез киулад возись, кылзы! Тани мон быремедлэсь азьвыл тыныд ивор верало: 17тон мында тон бере нокин но кузёяськыса уз ни улы, солэн ӝыны люкетэз мында но». 18Куинетӥез тылы ӝутӥськиз но, азьвылъёсыз кадь ик кузёяськыса улӥз, но со но ышиз-быриз. 19Ваньмыныз мукетъёсыныз но тазьы ик луиз: соос кузёяськыса улылӥзы, нош бӧрысь пырак ӵожелы ышылӥзы-бырылӥзы. 20Мон адӟи, дыр вуыса, бурпалысьтыз мукетъёсыз тылыос ӝутӥськылӥзы, соос но кузё мед луозы, – куд-огъёсыз кузё луылӥзы, но соку ик ышылӥзы-бырылӥзы. 21Соос пӧлысь куд-огъёсыз ӝутӥськылӥзы, но кузё ӧз луылэ. 22Та бере дас кык тылыос ӧз ни возьматскылэ, кыкез пичи тылыос но ӧз ни возьматскылэ, – 23ӧрӟилэн мугор вылаз номыриз но ӧз ни кыльы, шутэтскыса тэк улӥсь кык йыръёс но куать пичи тылыос сянаез. 24Мон адӟи: тани куать пичи тылыос пӧлысь кыкез люкиськиз но бурпаласез йыр улэ кылиз, нош ньылез ас интыязы ик кылизы. 25Собере бурд улысь тылыос кужмысь султыса кузёяськыса улыны малпазы, – 26тани, одӥгез ӝутӥськиз но соку ик ышиз-быриз. 27Нош вуоноосыз, азьвылъёсыз сярысь, эшшо но ӝоггес ышизы-быризы. 28Мон адӟи: тани, кык кылем тылыос но кузёяськыны ӧдъязы. 29Кузёяськыны ӧдъякузы, шорысез, шутэтскыса тэк улӥсь йыр, сайказ, мукетъёсыз кык йыръёс сярысь, таиз бадӟымгес вал. 30Мон адӟи: мукетъёсыз кык йыръёс соин герӟаськизы. 31Соин огазеяськем йыръёсын ӵош таиз йыр берытскиз но бурд улысь кык тылыез – кузёяськыны ӧдъясьёссэ – сииз. 32Таиз йыр быдэс дуннеез куалектытӥз но музъем вылын улӥсьёсты туж ултӥяса, соосын кузёяськыса улӥз – азьвыл кузёяськем вань бурдъёс пӧлысь таиз музъем вылын самой кема кузёяськыса улӥз. 33Табере мон адӟи: шоретӥез но йыр, бурдъёс кадь ик, шӧдтэк шорысь ышиз-быриз; 34кылизы кык йыръёс, соос таӵе ик амалэн музъем вылын отын улӥсьёсын кузёяськыса улӥзы. 35Тани, бурпаласез йыр паллян паласьсэ йырез сииз. 36Тазьы верась куараез мон кылӥ: «Азьпалад учкы но мае адӟиськод, со сярысь малпаськы». 37Мон адӟисько: тани нюлэскысь бызьыса потэм бурсӥсь левлы укшась маке, пушкысьтыз адями куара поттыса, ӧрӟилы шуиз: 38«Кылзы, мар мон тыныд верало но мар тыныд шуоз Вылысь Инмар: 39Аслам дуннеям кузёяськыны Мынам пуктэм ньыль пӧйшуръёс пӧлысь кылемез тон ӧвӧл-а? Соос пыр та дауръёслы-вапумъёслы пум мед вуоз шуыса, Мон соосты кузёяськыны пуктӥ. 40Соос пӧлысь ньылетӥез лыктӥз, азьвылъёссэ вань пӧйшуръёсты вормиз но тазэ дуннеез туж куалекъятыса возиз, быдэс дунне вылэз но чидантэм секыт ултӥяса возиз, аслаз киулаз улӥсьёсты туж-туж секыт ёртыса-ӝикатыса возиз, сыӵе кескич амалэн со сокем кема улӥз музъем вылын. 41Тон музъемез шонерлыко судить ӧд кары: 42зӥбыт-востэмъёсты тон ӝикатыса возид, тупаса улонэз яратӥсьёсты вӧсь карид, ӧрекчаськисьёсты яратӥд, пайда вайисьёслэсь юртъерзэс таркалляд, тыныд изъян лэсьтӥсьтэмъёслэсь борддоръёссэс куашкатъялляд. 43Вылысь Инмар доры, Кужмо (Инмар) доры, тынад кӧтӝожед, тынад вылтӥяськонэд ӝутӥськиз. 44Вылысь Инмар вылтӥяськонлэн дыръёсыз-вакытъёсыз шоры учкиз, – но тани, соос быризы, сьӧсь ужъёсызлэн мертэтсы быдэсмиз. 45Соин ик тон, ӧрӟи, кӧшкемыт бурдъёсыныд, юрӟымесь тылыосыныд, лекесь йыръёсыныд, жалянэз валасьтэм лек гижыосыныд, номырлы ярантэм урод мугорыныд валче ыш-быр, 46быдэс музъем выл мед шутэтскоз, лёгаса-ултӥяса возён киулысь мед мозмытскоз но аслаз Кылдытӥсезлэн судэзлы, гажан-жалянэзлы оскиськыса мед улоз шуыса».
Tans Gekies:
:
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
(c) Библияез берыктонъя Институт, Хельсинки, 2013; 2016