Ездралэн 3-тӥ книгаез 10
10
10-тӥ ЛЮКЕТ
1Нош мынам пие кышно луонэзлы корка пыриз гинэ, усиз но отчы ик кулӥз. 2Ваньмы ми сюсьтыл пуктонъёсты кымалтӥмы, ваньзы монэн огазьын улӥсьёс ӝутскизы монэ буйгатыны, нош мон мукет нуналэ уй вуытозь чус улӥ. 3Ваньзы монэ буйгатэмысь дугдэм бере, ас каньылам мед улом шуыса, мон уйин султӥ но бызьыса, кызьы адӟиськод, та бусые вуи. 4Мон малпасько ни ас поннам: городэ уг ни берытскы, татчы ик кылё, уг но сиы, уг но юы, но ялан бӧрдо, визяса уло – кулытозям». 5Ялан малпаськыса улэмысь дугдӥ но, йыркурен ответ сётыса, мон шуи: 6«Э, укылтэмъёс пӧлысь укылтэм кышномурт! Ми доры вуэм куректон-кайгумес уд адӟиськы-а, – 7Сӥон, асьмелэн анаймы, верантэм юн куректыса улэ, туж со ултӥямын, туж юн бӧрдэ? 8Али но, куке ваньмы куректӥськомы, ӝожомыса улӥськомы, малы ке шуоно ваньмы ӝоже усемын, одӥг со пиед понна тон эшшо ӝожомыса улод на-а? 9Юа музъемлэсь, со тыныд вералоз, кызьы солы бӧрдыны кулэ, со вылын вордскем но сокем тросэзлэн усемзы-погразы понна; 10уго кутсконысеныз ик со пушкысь вань вордскемъёс, мукетъёс но отысь вордсконоос, ваньзы сямен ик быро, сокем но сокем тросэз бырон киулэ сюро. 11Озьыен, кин тросгес куректыны-кайгырыны кулэ, – сокем но сокем троссэ ыштӥсь со ӧвӧл-а? Тон сокем куректыны-кайгырыны кулэ шат – одӥгзэ ыштӥсь? 12Тон мыным шуид ке: ”Мынам бӧрдэме музъемлэн бӧрдэмезлы уг укша, мон уго пушкылэн емышезтэк кыли, кудзэ мон ӝожомыса нуллӥ вал, со монэ вӧсь карыса вордскиз вал, 13нош музъем – музъемлэн сямызъя ик ужа; со вылысь кызьы тросэз кошке, озьы ик тросэз лыктэ но”; 14мон тыныд шуо: кызьы тон секытэн нуны вайид, озьы ик музъем но аслэсьтыз емышсэ адямилы сётэ, кин сое кутсконысеныз ик утялтэ. 15Соин ик табере куректон-кайгудэ чида, сыӵе ыштон тон доры вуыку юн кариськы. 16Уго али Инмарлэсь малпам ужзэ шонер шуыса лыдъяд ке, соку, дыр вуиз ке, пидэ берен басьтод, кышноос пӧлын данъямын луод. 17Озьыен, али городэ картэд доры берт». 18Нош кышномурт шуиз: «Озьы уг кары, городэ уг берытскы, татчы ик куло». 19Соин вераськыса улыкум, солы шуи: 20«Озьы эн лэсьты, мынэсьтым визь-кенешме пеляд пон. Уго Сӥон кӧня-кӧня шугадӟонъёс чидано луоз? Иерусалимлэн куректэм-кайгуэз понна буйгатскы. 21Адӟиськод ук: вӧсяськон интымы таркамын, курбон сётон ӝӧкмы кымалтэмын, храммы куашкатэмын, 22псалтирьмы ултӥямын, кырӟамысь дугдӥзы, шумпотонмы ышиз-быриз, лампадамылэн югытэз кысӥз, сӥзён-косонэн ковчегмы лушкамын, святой арбериосмы саптамын, асьмелы сётэм ним сантэман калэ вуттэмын, нылпиосмы возьытэ вуонэз чидано луизы, священникъёсмы тылын сутэмын, левитъёсмы пленэ нуэмын, егит нылъёсмы сантэмамын, кышноосмес эриктэмазы, шонер улӥсьёсмы кытчы ке но нуэмын, пичи пиосмы кулылӥзы, пинал пиосмес ляльчи карыны нуизы, кужмо адямиосмы кынартэмесь луизы; 23мар самой секытэз: Сӥонлэн знамяез дантэк кельтэмын, малы ке шуоно со милемыз адӟемпотостэм карисьёслэн киулазы сётэмын. 24Соин ик та туж секыт кайгудэ вунэты, трос-трос куректонъёстэ палэнэ кар, – Кужмо тонэ мед гажалоз-жалялоз, Вылысь Инмар тыныд буйгатскон мед сётоз, ужъёстэ мед капчиятоз шуыса». 25Та кылъёсме веракум, шӧдтэк шорысь солэн ымнырыз, тусбуез пиштыны кутскиз но, тани, вылтусыз чиляны кутскиз, та пумысен курдаса-куалекъяса улыкум, ас поннам малпай: мар та? 26Но тани, малпамтэ шорысь со туж кужмо но туж шимес куаразэ поттӥз, – кышномуртлэн таӵе куараезлы луыса музъем дыр-р! куалектӥз. 27Мон адӟи тае: тани, кышномурт мыным ӧз ни возьматскылы, нош город пуктӥськиз-лэсьтӥськиз, солэн интыез паськыт инъет вылын возьматскиз, нош мон кышкаменым бадӟым куараен кеськыса шуи: 28«Кытын Уриил Кылчин, кутсконаз мон доры ветлӥсь? Со мынэсьтым визьме усыкмытӥз, тыршонэлэн кулэлыкез ышиз-быриз, мынам куриськеме-вӧсяськеме серекъян-веранлы пӧрмиз». 29Тае вераса улыкум, со мон доры лыктӥз; 30монэ адӟиз: тани, мон кулэм мурт кадь выдыса кыллисько, йырсазе ышемын; со монэ бур китӥм кутӥз, монэ юнматӥз но пыд йылам султытыса шуиз: 31«Мар тонэн луиз? Малы тынад визьмыд, сюлмыдлэн шӧдонъёсыз куалектэмын? Малы куалекъяськод?» 32«Соин, – мон шуи, – тон монэ кельтӥд, нош мон тынад кылъёсыдъя лэсьтӥ но бусые потӥ, тани, адӟи, эшшо адӟисько на, кудӥз сярысь вераны уг быгатӥськы». 33Нош со мыным шуиз: «Кышкатэк сыл, мон тыныд валэкто». 34«Кузёе, вера мыным, – мон шуи, – но монэ огнамме эн кельты, мон юнме медам кулы; 35уго мае уг тодӥськы вал, мон сое адӟи, мае уг тодӥськы, со сярысь кылӥ. 36Шӧдонлыке-а монэ ӧрекча, лулы-а озьы уйвӧтын малпаське? 37Соин ик мон тонэ мыным, ляльчиедлы, валэктыны курисько визьмылэн таӵе усыкмон калэ вуэмез сярысь». Ответ сётыса, со мыным шуиз: 38«Сак кылзы монэ, мон тонэ дышето, мар тонэ кышкатӥз, сое валэкто: уго Вылысь Инмар тыныд усьтоз троссэ ватӥськыса улӥсь зэмлыкъёсты. 39Со тынэсьтыд шонер сюрестэ, ас калыкед понна дугдылытэк куректэмдэ, Сӥон пумысен юн ӝожомыса улэмдэ адӟе. 40Тани сыӵе талэсь азьвыл тыныд возьматскем адӟонлэн пуштросэз: 41бӧрдыса улӥсь кышномуртэз адӟыкуд, тыршид сое буйгатыны, 42берло сое адӟыны уг луы вал ини, нош тыныд лэсьтӥськись город возьматскиз, 43со кышномурт аслаз пиез кулэм сярысь тыныд вераз; тӥни, мае та возьматэ: 44тынад адӟем кышномуртэд – со Сӥон. Нош мар тыныд вераз таиз, кудзэ тон адӟид, али гинэ пуктӥськись город мактал, 45со куамын ар ӵоже нуны вайисьтэм вал, нош та веран тае возьматэ: куамын ар ӵоже Сӥонын курбон ӧз на сётӥськылы. 46Куамын ар ортчем бере нуны вайисьтэм пи нуны вайиз: та вал Соломон городэз пуктыса быдэстэм бере, солэн курбон сётэм бераз. 47Нош со тыныд вераз, макем секытэн со сое быдэ вуттӥз, – та вал калыклэн Иерусалимын улон вакытэз. 48Нош солэн пиез, кызьы сое тыныд вераз, кышно луонэзлы корка пырыку усиз но кулӥз, – та вал Иерусалимлэн усёнэз. 49Но тани, тон солы укшасез адӟид, макем со пиез понна куректӥз, та учыр пумысен тон сое буйгатыны вырид: тае тыныд усьтыны кулэ вал. 50Нош али Вылысь Инмар тынэсьтыд Сӥон пумысен лулыныд куректэмдэ, вань сюлмысьтыд висемдэ адӟиз но солэн данлыкезлэсь югытсэ, солэсь чеберлыксэ тыныд возьматӥз. 51Со понна ик мон тонэ бусыын улыны косӥ, кытын коркаос ӧвӧл. 52Мон тодӥ, Вылысь Инмар тыныд тае возьматоз шуыса; 53со понна ик уго мон тонэ бусые лыктыны косӥ, кытын корка пуктыны инъет понэмын ӧвӧл. 54Уго адями киын лэсьтӥськись уж сылыны ӧз быгаты отын, кытын Вылысь Инмарлэн городэз возьматскыны кутскиз. 55Озьыен, эн кышка, тынад сюлмыд но медаз куалекты, но пырыса учкы быдэсмон ужлэн югытлыкез, вераны луонтэм чеберлыкез шоры, учкы, кӧнязэ адӟыны быгатэ синмыд. 56Собере кылод сомындазэ, кӧнязэ кылыны быгатэ пельыд. 57Тон тросэзлэсь шудогес, ӧжыт гинэ адямиосын ӵош тон Вылысь Инмар доры ӧтемын. 58Ӵуказе уйлы татчы ик кыль, – 59Вылысь Инмар быдӟым ужъёс сярысь адӟонэз тыныд возьматоз, соосты Со берпум нуналъёсы музъем вылын улӥсьёс понна кылдытоз». 60Со уе мон кӧлӥ, вуоно уе но, кызьы со мыным косӥз.
Tans Gekies:
Ездралэн 3-тӥ книгаез 10: УДМБИБ
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
(c) Библияез берыктонъя Институт, Хельсинки, 2013; 2016
Ездралэн 3-тӥ книгаез 10
10
10-тӥ ЛЮКЕТ
1Нош мынам пие кышно луонэзлы корка пыриз гинэ, усиз но отчы ик кулӥз. 2Ваньмы ми сюсьтыл пуктонъёсты кымалтӥмы, ваньзы монэн огазьын улӥсьёс ӝутскизы монэ буйгатыны, нош мон мукет нуналэ уй вуытозь чус улӥ. 3Ваньзы монэ буйгатэмысь дугдэм бере, ас каньылам мед улом шуыса, мон уйин султӥ но бызьыса, кызьы адӟиськод, та бусые вуи. 4Мон малпасько ни ас поннам: городэ уг ни берытскы, татчы ик кылё, уг но сиы, уг но юы, но ялан бӧрдо, визяса уло – кулытозям». 5Ялан малпаськыса улэмысь дугдӥ но, йыркурен ответ сётыса, мон шуи: 6«Э, укылтэмъёс пӧлысь укылтэм кышномурт! Ми доры вуэм куректон-кайгумес уд адӟиськы-а, – 7Сӥон, асьмелэн анаймы, верантэм юн куректыса улэ, туж со ултӥямын, туж юн бӧрдэ? 8Али но, куке ваньмы куректӥськомы, ӝожомыса улӥськомы, малы ке шуоно ваньмы ӝоже усемын, одӥг со пиед понна тон эшшо ӝожомыса улод на-а? 9Юа музъемлэсь, со тыныд вералоз, кызьы солы бӧрдыны кулэ, со вылын вордскем но сокем тросэзлэн усемзы-погразы понна; 10уго кутсконысеныз ик со пушкысь вань вордскемъёс, мукетъёс но отысь вордсконоос, ваньзы сямен ик быро, сокем но сокем тросэз бырон киулэ сюро. 11Озьыен, кин тросгес куректыны-кайгырыны кулэ, – сокем но сокем троссэ ыштӥсь со ӧвӧл-а? Тон сокем куректыны-кайгырыны кулэ шат – одӥгзэ ыштӥсь? 12Тон мыным шуид ке: ”Мынам бӧрдэме музъемлэн бӧрдэмезлы уг укша, мон уго пушкылэн емышезтэк кыли, кудзэ мон ӝожомыса нуллӥ вал, со монэ вӧсь карыса вордскиз вал, 13нош музъем – музъемлэн сямызъя ик ужа; со вылысь кызьы тросэз кошке, озьы ик тросэз лыктэ но”; 14мон тыныд шуо: кызьы тон секытэн нуны вайид, озьы ик музъем но аслэсьтыз емышсэ адямилы сётэ, кин сое кутсконысеныз ик утялтэ. 15Соин ик табере куректон-кайгудэ чида, сыӵе ыштон тон доры вуыку юн кариськы. 16Уго али Инмарлэсь малпам ужзэ шонер шуыса лыдъяд ке, соку, дыр вуиз ке, пидэ берен басьтод, кышноос пӧлын данъямын луод. 17Озьыен, али городэ картэд доры берт». 18Нош кышномурт шуиз: «Озьы уг кары, городэ уг берытскы, татчы ик куло». 19Соин вераськыса улыкум, солы шуи: 20«Озьы эн лэсьты, мынэсьтым визь-кенешме пеляд пон. Уго Сӥон кӧня-кӧня шугадӟонъёс чидано луоз? Иерусалимлэн куректэм-кайгуэз понна буйгатскы. 21Адӟиськод ук: вӧсяськон интымы таркамын, курбон сётон ӝӧкмы кымалтэмын, храммы куашкатэмын, 22псалтирьмы ултӥямын, кырӟамысь дугдӥзы, шумпотонмы ышиз-быриз, лампадамылэн югытэз кысӥз, сӥзён-косонэн ковчегмы лушкамын, святой арбериосмы саптамын, асьмелы сётэм ним сантэман калэ вуттэмын, нылпиосмы возьытэ вуонэз чидано луизы, священникъёсмы тылын сутэмын, левитъёсмы пленэ нуэмын, егит нылъёсмы сантэмамын, кышноосмес эриктэмазы, шонер улӥсьёсмы кытчы ке но нуэмын, пичи пиосмы кулылӥзы, пинал пиосмес ляльчи карыны нуизы, кужмо адямиосмы кынартэмесь луизы; 23мар самой секытэз: Сӥонлэн знамяез дантэк кельтэмын, малы ке шуоно со милемыз адӟемпотостэм карисьёслэн киулазы сётэмын. 24Соин ик та туж секыт кайгудэ вунэты, трос-трос куректонъёстэ палэнэ кар, – Кужмо тонэ мед гажалоз-жалялоз, Вылысь Инмар тыныд буйгатскон мед сётоз, ужъёстэ мед капчиятоз шуыса». 25Та кылъёсме веракум, шӧдтэк шорысь солэн ымнырыз, тусбуез пиштыны кутскиз но, тани, вылтусыз чиляны кутскиз, та пумысен курдаса-куалекъяса улыкум, ас поннам малпай: мар та? 26Но тани, малпамтэ шорысь со туж кужмо но туж шимес куаразэ поттӥз, – кышномуртлэн таӵе куараезлы луыса музъем дыр-р! куалектӥз. 27Мон адӟи тае: тани, кышномурт мыным ӧз ни возьматскылы, нош город пуктӥськиз-лэсьтӥськиз, солэн интыез паськыт инъет вылын возьматскиз, нош мон кышкаменым бадӟым куараен кеськыса шуи: 28«Кытын Уриил Кылчин, кутсконаз мон доры ветлӥсь? Со мынэсьтым визьме усыкмытӥз, тыршонэлэн кулэлыкез ышиз-быриз, мынам куриськеме-вӧсяськеме серекъян-веранлы пӧрмиз». 29Тае вераса улыкум, со мон доры лыктӥз; 30монэ адӟиз: тани, мон кулэм мурт кадь выдыса кыллисько, йырсазе ышемын; со монэ бур китӥм кутӥз, монэ юнматӥз но пыд йылам султытыса шуиз: 31«Мар тонэн луиз? Малы тынад визьмыд, сюлмыдлэн шӧдонъёсыз куалектэмын? Малы куалекъяськод?» 32«Соин, – мон шуи, – тон монэ кельтӥд, нош мон тынад кылъёсыдъя лэсьтӥ но бусые потӥ, тани, адӟи, эшшо адӟисько на, кудӥз сярысь вераны уг быгатӥськы». 33Нош со мыным шуиз: «Кышкатэк сыл, мон тыныд валэкто». 34«Кузёе, вера мыным, – мон шуи, – но монэ огнамме эн кельты, мон юнме медам кулы; 35уго мае уг тодӥськы вал, мон сое адӟи, мае уг тодӥськы, со сярысь кылӥ. 36Шӧдонлыке-а монэ ӧрекча, лулы-а озьы уйвӧтын малпаське? 37Соин ик мон тонэ мыным, ляльчиедлы, валэктыны курисько визьмылэн таӵе усыкмон калэ вуэмез сярысь». Ответ сётыса, со мыным шуиз: 38«Сак кылзы монэ, мон тонэ дышето, мар тонэ кышкатӥз, сое валэкто: уго Вылысь Инмар тыныд усьтоз троссэ ватӥськыса улӥсь зэмлыкъёсты. 39Со тынэсьтыд шонер сюрестэ, ас калыкед понна дугдылытэк куректэмдэ, Сӥон пумысен юн ӝожомыса улэмдэ адӟе. 40Тани сыӵе талэсь азьвыл тыныд возьматскем адӟонлэн пуштросэз: 41бӧрдыса улӥсь кышномуртэз адӟыкуд, тыршид сое буйгатыны, 42берло сое адӟыны уг луы вал ини, нош тыныд лэсьтӥськись город возьматскиз, 43со кышномурт аслаз пиез кулэм сярысь тыныд вераз; тӥни, мае та возьматэ: 44тынад адӟем кышномуртэд – со Сӥон. Нош мар тыныд вераз таиз, кудзэ тон адӟид, али гинэ пуктӥськись город мактал, 45со куамын ар ӵоже нуны вайисьтэм вал, нош та веран тае возьматэ: куамын ар ӵоже Сӥонын курбон ӧз на сётӥськылы. 46Куамын ар ортчем бере нуны вайисьтэм пи нуны вайиз: та вал Соломон городэз пуктыса быдэстэм бере, солэн курбон сётэм бераз. 47Нош со тыныд вераз, макем секытэн со сое быдэ вуттӥз, – та вал калыклэн Иерусалимын улон вакытэз. 48Нош солэн пиез, кызьы сое тыныд вераз, кышно луонэзлы корка пырыку усиз но кулӥз, – та вал Иерусалимлэн усёнэз. 49Но тани, тон солы укшасез адӟид, макем со пиез понна куректӥз, та учыр пумысен тон сое буйгатыны вырид: тае тыныд усьтыны кулэ вал. 50Нош али Вылысь Инмар тынэсьтыд Сӥон пумысен лулыныд куректэмдэ, вань сюлмысьтыд висемдэ адӟиз но солэн данлыкезлэсь югытсэ, солэсь чеберлыксэ тыныд возьматӥз. 51Со понна ик мон тонэ бусыын улыны косӥ, кытын коркаос ӧвӧл. 52Мон тодӥ, Вылысь Инмар тыныд тае возьматоз шуыса; 53со понна ик уго мон тонэ бусые лыктыны косӥ, кытын корка пуктыны инъет понэмын ӧвӧл. 54Уго адями киын лэсьтӥськись уж сылыны ӧз быгаты отын, кытын Вылысь Инмарлэн городэз возьматскыны кутскиз. 55Озьыен, эн кышка, тынад сюлмыд но медаз куалекты, но пырыса учкы быдэсмон ужлэн югытлыкез, вераны луонтэм чеберлыкез шоры, учкы, кӧнязэ адӟыны быгатэ синмыд. 56Собере кылод сомындазэ, кӧнязэ кылыны быгатэ пельыд. 57Тон тросэзлэсь шудогес, ӧжыт гинэ адямиосын ӵош тон Вылысь Инмар доры ӧтемын. 58Ӵуказе уйлы татчы ик кыль, – 59Вылысь Инмар быдӟым ужъёс сярысь адӟонэз тыныд возьматоз, соосты Со берпум нуналъёсы музъем вылын улӥсьёс понна кылдытоз». 60Со уе мон кӧлӥ, вуоно уе но, кызьы со мыным косӥз.
Tans Gekies:
:
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
(c) Библияез берыктонъя Институт, Хельсинки, 2013; 2016