Psalm Late 93
93
Pathian in Kumpipa hi
1 Topa in kumpipa hi.
Ama in uk zawkna le thahatna sia puan bangin silh hi.
Leitung sia a omna munah
kho takin kiphut a, kikhiin thei ngawl hi.
2 Topa awng, na kumpi
tokhum sia
a kipat pan ma khotop a,
hun kipat ma in
nangma na omkhol zo hi.
3 Topa awng, tuipi thukte in
a aw uh ngingsak hi;
tuate in a aw uh khanin hawk uh hi.
4 Topa in vantung ah a lianbel in maang hi,
tuipi liante hawkna sangin lianzaw a,
tuipi ii tuihualte sangin thahatzaw hi.
5 Topa awng, na thukhamte a tawntungin kho a,
a tawntung a tawntungin na Biakinnpi sia thiangtho takpi hi.
Tans Gekies:
Psalm Late 93: SCB2
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Siyin Chin Bible © Bible Society of Myanmar, 2016