1 Ịsamụwẹrị ỌYỊSỊZỤ
ỌYỊSỊZỤ
Vịdị vẹ iwe Ịsamụwẹrị ịpaapa ọnịrị ọhụva vị ọnya vabẹ. Ịtọpa anị vẹ ne nyima hụrị ụmẹ ana a sị ma Ịsamụwẹrị na ngụ ụmẹ ọnị Idevidi sị sị su. Iwe ịpaapa ọnọnị ọ kà ịtọpa Anisirẹrị nịnị mẹmẹ vara ụvọ hụụnị ọdọvịdị ọyị mẹ ẹkụra na ngụ ọyị nyị ọza ka ọ vị ohinọyị ẹkụra. Aza ana ngụrẹyị huu ịnị iwe ọnọnị ẹ vị Ịsamụwẹrị, Ịsọọrụ, ọnịrị Idevidi nị. Ịsamụwẹrị ọ vị ọdịrẹma ịnị ọdọvịdị nịnị, dị Ịsọọrụ vị ohinọyị ịpaapa ana a nyị yị Anisirẹrị nịnị nị. Ịsọọrụ mẹ mẹ̀ akamawụ hi Ẹnẹyịmavara, dị ọ sị Idevidi dọ ọ ịrẹsụ tụ udi ohinọyị nị. Idevidi ô tenyi ẹtẹ dị ọ mẹ ka avaba Anisirẹrị nini ẹ vabẹ, dị ẹ nyị ụkata nị.
Ịrẹyọyẹ ana ya ịnị ịtọpa ọnọnị ọ vị ka Ohomorihi ya pe aza ana yẹ dị ẹ wụ́ chire e. Ohomorihi ọ̀ọ vị ohinọyị ẹhẹ ayị, ẹhẹ e zoza, dị ọ rọ yị ẹngụ nị. Ohomorihi ọ yị mā nyị ọza re eyi.
Eyi Ịrẹyị
Ịsamụwẹrị mẹmẹ mẹ̀ ọdọvịdị Anisirẹrị 1.1—7.17
Ịsọọrụ mẹmẹ mẹ̀ ohinọyị Anisirẹrị 7.8—15.35
Idevidi mẹmẹ mẹ̀ ohinọyị Anisirẹrị 16.1—31.13
Tans Gekies:
1 Ịsamụwẹrị ỌYỊSỊZỤ: EBTP
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Ebira First Bible © Bible Society of Nigeria, 2014.