Amos 3:1-7

Mense van Israel, die Here het julle almal uit Egipte gebring. Luister wat sê Hy vir julle: “Daar is baie volke op die aarde, maar dit is vir julle wat Ek gekies het. Daarom sal Ek julle straf oor alles wat julle verkeerd doen.” Twee mense besluit eers dat hulle saam wil loop, en dan doen hulle dit. 'n Leeu in die bos vang eers iets, en dan brul hy. Iemand sit eers 'n vangstrik op die grond, en dan vang hy 'n voël daarin. 'n Vangstrik vang eers iets, en dan klap dit toe. Wanneer iemand die ramshoring in die stad blaas om te sê die vyand kom, dan skrik die mense. Wanneer die Here sê dit moet sleg gaan in 'n stad, dan gebeur dit. Ja, die Here sê eers vir sy dienaars, die profete, wat Hy wil doen, en dan doen Hy dit.