Gewilde Bybelverse vanaf Matɨyui 19

Deel

Wɨdɨna kye' Jizaazai tɨnna baihana'na wiaka wɨdɨna “A'mwera wi'na mɨka! Kumɨ sara Gotɨyaryawɨnna mabi yɨpɨnerera. Kɨrɨ' Gotɨyai yuyabwi yɨnɨga wi'na yannelyɨ.”

Sarevɨdaa'nyɨ sayoi kɨlaaka pɨjɨkaaina ayawɨ yɨkadewaai mɨ'. Aawa. Sayoi yune kɨlaaka gave pɨjɨ'nanyɨ. Sarevɨdaa'nyɨ sasare sabwi Gotɨyai mena ye'mwannemwaaihɨnɨkelyɨ. A'mwera nadahaaibwapɨdɨka!”

Sara wɨdɨna kye' sai ja'nawɨdɨna “Gotɨyare bukuyavɨ dɨnɨka datha' madanganyadɨvɨsaihi daaka! Sɨnnawɨ kɨgaakuna Gotɨyai yuya wakyaakegaa' kwalyalyɨ balyasɨ sawaarɨ yavɨkarina yaakeyolyɨ. Sara yaka sai dɨna ‘Sarevɨdaa'nyɨ a'mwei ganɨmaangelyɨ ganaangesɨ sawaarɨ yagalya'mavojɨ gannya a'mwesɨ yɨraku'na yɨkadeyolyɨ. Nabaai sayoi kɨlaaka gave pɨjɨ'nanyayoi yɨma'nyɨkadeyolyɨ.’ Yagaala dazavɨ myawɨryadɨvɨsaihi daaka!

Maanga wɨdɨna kye' Jizaazai wɨdɨna “Nɨmɨnyawɨnna kaimɨraayaraavɨ dɨmaryasaabila! Sarɨmɨ darihɨralɨmwagata mipɨnera! Sare' dare'nesɨ. Sɨgunyavɨya maremwaaidevɨnera maalɨka sasareraavɨna Gotɨyai yanga wɨjaavade'nanyɨ.”

Kɨrɨ' dahaa' a'mwe kwalaalyara kumɨre yaya munyaba warɨkera dɨvi nɨmɨnyɨne'na kumɨre yaya kwaakeba waraderera. Nabaai dahaa' a'mwe kwalaalyara kumɨre yaya kwaakeba warɨkera dɨvi nɨmɨnyɨne'na kumɨre yaya munyaba waraderera.

Nabaai gazaizai nɨmɨnne yayavɨna yawɨ'da nɨmɨre wawɨnya yada yɨ sahwai gamɨre angevɨ yagalya'ma'na. Yɨ gya'mwe pwaraavɨ gya'mwe kɨnɨngɨ yagalya'ma'na. Yɨ ganɨmaanga pwarɨ ganaanga kɨrɨvɨ yagalya'ma'na. Yɨ gamɨre kaimɨraayangɨ yagalya'ma'na. Yɨ aawawɨnyangɨ yagalya'ma'na. Yɨ sarevɨdaa'nyɨ sahwai tewaanya kwalaalya naanga maaradelyɨ. Nabaai sara yojɨ Ganɨmaangere yuyagaa' yuyagaa'ne gaalyabwi maaradelyɨ.

Wɨdɨna kya' Jizaazai wɨdɨna “Gɨmɨ ‘Yune nebulya'nanyainyɨ yɨma'nɨma!’ dɨzaigɨ gɨmɨre gɨlyɨvɨta yuya yasaawa'gɨzɨ a'mwe gɨlyɨvɨ'maayaraavɨ nɨgwia duzaama! Sarevɨdaa'nyɨ Sɨgunyavɨ gɨmɨ gɨlyɨvɨta kwalaalya kɨnɨnnakeigɨ jɨma'nadeigɨnyɨ. Nabaai nɨmɨnyɨ dɨnyɨmɨdɨnaama!”

Wɨdɨna kya' ja'nawɨdɨna “Tewaanya'na nɨmɨnyɨna be'na nyɨdaangamanɨgɨna? Tewaanyai yune gave sahwainanyalyɨra. Kɨrɨ' gɨmɨ ‘Gaala nebulyaburɨ mwaalya'neinyɨ,’ yawɨ'dɨza' kɨwɨnya dɨnɨkengɨ nayaa dɨmɨdɨna!”

Ayahi yɨhɨthɨvanɨge. Kaamelɨyai ‘Langa kwaabɨhannya gipwaidɨvɨta sarɨkɨre daibu'nyavɨ wɨlɨma!’ dozɨ sa' yagɨyagɨ wawɨnya maayasɨ. Nɨgwɨhɨravɨnakei ‘Gotɨyai maremwaaidevɨ wɨlɨma!’ dozɨ sa' yagɨyagɨ wawɨnyasɨ.”

Nabaai dara yɨhɨthɨvanɨge. Pwai kwai gamɨre a'mwe' mudɨkerɨ maridaayɨ yaja' sahɨrɨvɨ yaasɨwa'na wɨdaasadevɨdaa'nyɨ a'mwe pɨrɨvɨ nayaa yɨdaanganojɨ kwala maarajai yɨ sahwarɨna Gotɨyai dɨna ‘A'mwe sai ata lɨmwangebwi kayaa'na yɨwakelyɨ.’”

Sagaa' Jizaazai gamɨre mɨdɨdɨvɨsaraavɨ wɨdɨna “Nebulya'na yɨhɨthɨvanɨge. Sɨgunyavɨya maremwaaidevɨ a'mwe nɨgwɨhɨravɨnakei yagɨyagɨ wɨladelyɨ. Yaasɨwa'na mɨ'.