Gewilde Bybelverse vanaf A-pûn Awang 24

Deel

Haú hkûn, yhang gi, “Ngá é yhûmsîng Abraham é Garai Gasang, Yhûmsîng Garai ê, hkû-nyí ngo lé hkyô nyàng nhâng laq; ngá é yhûmsîng Abraham lé chyitdàp shogyo myìt shit laq.

Ngò, myiwe zo rayùq lé, ‘Ngò, wuì shuq râ, náng é wuì yambú lé wàq hkyó laq.’ nghû taî é hkûn, yhang gi, ‘Shuq àq, ngò, náng é gola-uk pé lé le hkâm huq râ.’ ga taî lo é myiwe zo gi, Náng é duìnhâng zoshâng Isak é matú Nàng hkyin tô é sû nghut sháng gàq. Haú dông mai, ngò gi, ngá é yhûmsîng hpó lé, Nàng, chyitdàp shogyo myìt tûn shit bê hkyô lé wó sé râ nghut lhê.” ga kyûdûng ri.

Isak gi, Rebeka lé, yhâng nu Sarâ é zúm hkaû má shuî wang ló mù, yhang lé hâng yù bê nghut ri. Haû mù, Rebeka gi, yhâng é yhûmsîng myhí dùt bê nghut luî, Isak gi, yhang lé chyitdàp ri; Isak gi, yhâng nu shi é mai nhik wó tîng yù bê nghut ri.

Hau htoq agó, yhángme gi, Rebeka lé tôn byi mù, yhang lé, “Ngá-mòq é nhammó zo-myi ê, nàng gi, byù mun mun sen sên é înu dùt sháng gàq; náng é awùt ashín pé gi, yhángmòq é gye pê é wà wàng hkum lé sîng kó sháng gàq.” ga taî akô nghut ri.

Ngò gi, nàng, ngá zo lé, ngò bo nyi nyó tô é Hkanan byu pê é byìzo wuì mâ é myiwe a yù byî é za, ngá é mau, ngá é buìnùm wui chyáng ê mù, ngá zo Isak lé myiwe ê yû byi râ nghut lhê nghû, haû myìdam é Garai Gasang eq maúhkung é Garai Gasang nghut é, Yhûmsîng Garaî é myìng mai dakâm râ lé ô nau ri.” ga taî ri.