Gewilde Bybelverse vanaf Tavaꞌu 22

Deel

Xe Avalaamu muavuti la mumoxo'u laxa'ilu kulutitinoxu se ne lexe, “IAUE Ulosinge”. Vaimomo 'o ne, ta mitema ilemolu lia xalee se ne lexe, “No laxa'ilu noxou Lataua e anu ulosinge.”

“Nano'u 'iline soxu vilesisi e Aisaki, nini tanetanenixu mo namasaxau misevile, mo ngongou ngalai no xalee lia e ilemolu lexe Moria. Ngalai ne la sou eni alosiengixu laxa'ilu vile lai ne, sou nini navau mo na'elaxu Aisaki ukalusi une'e noxilo.”

“Navila'isou 'iline sou navau usoli mamu. Vaimomo 'o, eni elavusou lexe lolomu a muxoo noxine maninanu mo nini netaxaa Lataua manina, la sou ane nini tanenixu 'iline soxu e vilesisi 'o mo na'apisou noxou uasi.”

Momu muavuti la mukolinu aloxo 'o, “Lataua molu ukamuli vile la sou ulosinge.” Ilou mivivikala aloxo ne la, ane'i ilou mimuamua'i mikei milalai.

Nelomuxosi, la eni aalusine. Eni evikala lamana noxine mo epala'alixu masaxa noxilo lexe eni axalixa'a ta xasixasine mo ta 'ilusulusuneni tavu'alo mo ixali i'oki'oki loxo ta oto no loxotolo 'o mo loxo io'iio'i no tasi'i. Mo ulai ili'i la ta mitema sou 'oto'oto imomomo sou italoxolixa'a uasi manina. Eni aalusi'a ta mitema no xalexalee tuatuala ukalusi no anu vote'i vilesisi. Vote'i ane ne, nini ta xasixasine ilo'a ta 'ilu'ilusuneni ane. Xo nini nelomuxu vaikala noxilo manina misevile.”

Mixoxoo ne, xe alaxu vile la Lataua mutovonu Avalaamu, la mu'avalou, “Avalaamu!” La Avalaamu mukolinu, “Ma'ia, eni 'a!”

Angelo noxou IAUE mu'ava teitexi molu no opo loxotolo mulu'e noxou sou muvikalanu aloxo 'o, “Avalaamu, Avalaamu!” Avalaamu mukolinu, “Ma'ia, eni 'a.”

Xe angelo noxou IAUE muavuti la muvikala molu no opo loxotolo alaxu tameisou mulai noxou Avalaamu aloxo 'o, “No ualasilo, eni avikalaneni manina lexe, eni IAUE ane avivikala 'o, tava'u xo nini na'apisou 'iline soxu vilesisi ne uasi.

Ilou mimuamua'i xe mixali no laxa'ilu e Lataua mupela'uxu Avalaamu, la sou anu Avalaamu muta'olunu lavo'o musokou no lia mulai muxali teitexi sou muxali loxo valovalo. Xe mukalu la muta'olunu ovu vaxa. Xe muavuti la mukasi vaxa noxou 'olu ka musakisakii. Mukalu la mu'itinu sou mumuxaxu vaxa no ovu latanu e muta'olunu vaxa.