Gewilde Bybelverse vanaf ṮAKWIIN 22

Deel

Dhala Ibrahiim ki yuḵ mo yan gway ka Yahwah Yir/ah mo, me’d jin okunu gwo ka tee yan mo ntagi shwane/ mo ki: E ’kuwosh gi Tap̱a mo tani a’di iminu thoson to mo be.

Dhali a’di ki o gwo mo ki: Susi ya/m pini shwane/ a’di jin ta jim piniŋ gana/ mo, a’di jin ena /e, isi a’di jin ta’da Is/hak mo dhali iiyi mo eya ’cesh gi Pa Muriyya dhali /e mini ’ciṯẖ a’di ’kus mmomiiya roroc̱o/ e ’kuwosh mo e mo jin miga/ ṯor /e mo be.

Dhali a’di ki o a’di gwo mo ki: Dhalku/ ki kar me’d pini ap̱owa ’ci mo, walla dhalku/ ki mii toŋ kamu/ gom a’di mo. Haali/ aha/ misha mo shwane/ ki /e ḵo/kina Arumgimis mo mmomishka/ ki /e diki non ya/m pini mo a’di jin ta ya/in gana/ ’peni aha/ mo be.

Dhala Ibrahiim ki o gwo mo ki: Arumgimis ki is piti midi thoson ana ḵa’bal jin mina ana ’ciṯẖ mmomiiya basa ’cesh mo, ya/m pem mo. Dhali uni su/ iikin ki misi monṯal ’de/ mo be.

Gom mom’bor mii tani aha/ mina mar ’bor /e mii mo dhali gom mo jin maruwa mar is mo tani aha/ mara emen pini is mo mmowa e ka cul gi momis mo dhali mmowa e ka si’b kun ’koni bwaman ma gap̱ mo. Dhali emen pini mini dila ris to ’pena goŋ gi ’kwani gun ta ’kup̱ pini mo, dhali e emen pini mo tani aris kal gi ’kwaniny’cesh minu ’bor mii mo haali/ /e haki gwo gi ’twam pem e mo.

Dhali ki a’di warki’d ki mo jin pekin ma ris to gwansan mo tani Arumgimis nyo/ki’da Ibrahiim mo dhali o a’di gwo mo ki: Ibrahiim. Dhali a’di ki thoḵ a’di ’twa/ mo ki: Aha/ dina mmahan mo be.

Hili aman’doyu gwo gi Tap̱a yuḵki a’di mo ’peni momis mo dhali oki a’di gwo mo ki: Ibrahiim. Ibrahiim. Dhali a’di oki gwo mo ki: Aha/ dina mmahan mo be.

Dhala man’doyu gwo gi Tap̱a yuḵki Ibrahiim mo me’di su/ ’peni momis mo be. Dhali a’di ki o gwo mo ki: Aha/ ki is pem mo tani thulkina gwo me’da p̱o/ mo a’di ita gwo jin ona Tap̱a gom to yan jin miikina /e mo dhali mmodina /e ki non ya/m pini a’di jin ta ya/m piniŋ gana/ mo.

Dhali uni p̱u’dkin e mo jin ṯor ma Arumgimis a’di mo. Dhala Ibrahiim ki ḵa’ba gwaṯa/ mo dhali su’k c̱iŋkira/ mo dhali deḵa Is/hak jin ta ya/m piti mo dhali ’thi a’di ap̱o/ ’kup̱a gwaṯa/ ap̱o/ c̱iŋkira/ mo be.