Gewilde Bybelverse vanaf Mga Maghuhukom 6

Deel

Nagpakita kang Gideon ang anghel sa GINOO ug miingon, “Maisog ug kusgan nga tawo, ang GINOO nag-uban kanimo.”

Miingon ang GINOO kaniya, “Lakaw ug gamita ang imong kusog sa pagluwas sa Israel gikan sa mga Midianhon. Ako mismo ang nagpadala kanimo.”

Miingon ang GINOO, “Mag-uban ako kanimo ug pildihon mo ang mga Midianhon nga daw sa nagpatay ka lang ug usa ka tawo.”

Mitubag si Gideon, “Apan Sir, kon ang GINOO kauban pa namo, nganong ingon man niini ang among kahimtang? Nganong wala man siya maghimo ug mga milagro sama sa iyang gihimo kaniadto sa dihang gipagawas niya gikan sa Ehipto ang among mga katigulangan, sumala sa gisugilon nila kanamo? Gipasagdan na kami sa GINOO ug gitugyan sa mga Midianhon.”

Mitubag si Gideon, “Apan GINOO, unsaon ko man pagluwas ang Israel? Kay ang among pamilya mao man ang pinakahuyang sa tribo ni Manases ug ako pa gayod ang pinakaubos sa among pamilya.”

Unya, miabot ang anghel sa GINOO didto sa Ofra. Milingkod siya ilalom sa punoan sa kahoyng terebinto nga iya ni Joas nga kaliwat ni Abiezer. Niadtong higayona, si Gideon nga anak ni Joas naggiok ug trigo didto sa pug-anan sa ubas aron dili makita sa mga Midianhon ang trigo.

Nagtukod si Gideon didto ug halaran alang sa GINOO ug gitawag niya kini nga, “Ang GINOO Naghatag ug Kalinaw.” Ug hangtod karon atua pa gihapon ang halaran sa Ofra, sa dapit sa mga kaliwat ni Abiezer.

Mitubag si Gideon, “Kon nalipay ka kanako, hatagi akog timailhan nga ikaw gayod tinuod ang nagsugo kanako.

Miingon ang GINOO kaniya, “Ayaw kahadlok. Dili ka mamatay.”

Nagpakasala na usab ang mga Israelinhon atubangan sa GINOO, busa gipasakop sila sa GINOO sa gahom sa mga Midianhon sulod sa pito ka tuig.