Gewilde Bybelverse vanaf 1 KORIINTO KAM 14

Deel

Na guꞌ gu Dios cham aaꞌ nam bɨɨx aixim jum aaꞌndaꞌ gu jaꞌtkam nam cham maatɨt ji kɇɇkɇt gu tuꞌ, guꞌ jaꞌpji na jax jaꞌk jix bhaiꞌ ji chu buusnichgɨdaꞌ ja bui. Baꞌ puiꞌ nach jax jaꞌk jup ba duiñchuꞌ bɨɨx nach jɨꞌk tɨ jɨɨgiꞌñ buiñor guch Xoiꞌkam

Gammɨjɨ pim jix chu joiꞌgɨꞌndaꞌñ jaaduñ, gio baꞌ na pim gammɨjɨ bhaan tɨtɨɨꞌñchokaꞌ na gu Dios jam makiaꞌ gu tuꞌ nar jam aꞌmkam kaꞌ bɨɨx jɨꞌmaꞌn na pim baꞌ dhiꞌ bhaan tu juanaꞌ. Dhiꞌ pɨk japim jix aaꞌndaꞌ na gɨt jir jam aꞌmkam kaꞌ na pim bhaankam gu Dios ja aagiꞌñdhaꞌ gu jaiꞌch Xoiꞌkam jɨɨgiꞌñdham na jax jaꞌk jix aaꞌndaꞌ.

Na guꞌ gu jaroiꞌ noꞌ bhaankam gu Dios tu aꞌga na jax jaꞌk jix aaꞌ, jix maatɨt kɇɇkɇꞌ pim, baꞌ dhiꞌ kɨꞌn jum guꞌnguxdhat miꞌ puiꞌ xi jiimdaꞌ pim, dhiꞌ kɨꞌn jix bhaiꞌ tu tatdaꞌ kaꞌ baꞌ.

Guꞌ baꞌ noꞌ jaroiꞌ tu daan gu jumai ñiꞌook kɨꞌn na pu cham jaroiꞌ maatɨt kɇɇ, dɨɨlh pɨx tum daañxiꞌñdhaꞌ na baꞌx bhaiꞌ kabkaidhaꞌ na tɨ jɨɨgiꞌñdhaꞌ buiñor guch Xoiꞌkam, gu jaiꞌ baꞌ pu cham ja palhbuiꞌñdhaꞌ. Dai noꞌ bhaankam gu Dios ja aagiꞌñ na jax jaꞌk jix aaꞌ na baꞌ jaiꞌp ja palhbuiꞌñdhaꞌ, nam guꞌx maatɨt kɇɇkɇꞌ na jax kaiꞌchdhaꞌ.

Puiꞌ kuñ baꞌp jam tɨtda na pim guiꞌ pɨk jix aaꞌndaꞌ nar jam aꞌmkam kaꞌ, na jax chuꞌm jam palhbuidhaꞌ na pim kɨꞌn bɨɨx jix ioꞌm kaapakaidhaꞌ na pim tɨ jɨɨgiꞌñdhaꞌ buiñor guch Xoiꞌkam.