Gewilde Bybelverse vanaf YAKOBO 1

Deel

Vamakwerhu, ringanisani leswaku i ku tsaka ntsena loko mi humelela hi miringo leyo tala; mi ri karhi mi swi tiva leswaku ku ringiwa ka ku pfumela ka n'wina ku humesa ku tiyisela

Loko un'wana wa n'wina a pfumala vutlhari, a a kombele eka Xikwembu lexi nyikaka hinkwavo hi nsovo, xi nga holovi, kutani u ta nyikiwa.

Hikwalaho, vamakwerhu lava rhandziwaka, munhu un'wana ni un'wana a a ve la chivirikaka ku yingisa a hlwela ku vulavula, a hlwela ni ku kariha

kambe ku tiyisela ku fanele ku va ni ntirho lowu hetisekeke leswaku mi va lava hetisekeke ni lavanene ematlhelweni hinkwawo, mi nga kiyeri ha nchumu.

Mi va vaendli va rito, mi nga vi vatwi ntsena, lava tixisaka eku ringaniseni ka vona.

Ku katekile munhu la tiyiselaka endzingweni, hikuva, kutakuloko a ringiwile, u ta nyikiwa harhi ya vutomi, leyi Hosi yi yi tshembiseke lava yi rhandzaka.

ku nyika hinkwako loku sasekeke, hambi ku ri ku ha hinkwako loku hetisekeke, ku ta hi le henhla, ku xika hi le ka Tata wa ku vonakala, loyi a nga riki na ku hundzuka, hambi wu ri ndzhutinyana kona.

Hikuva munhu loko a ri mutwi wa rito, a nga ri muendli wa rona, u fana ni munhu la langutaka exivonivonini nghohe leyi a tswariweke a ri na yona; kasi kutakuloko a tilangutile, a suka a famba, a hatla a rivala lexi a nga xona.

Vukhongeri lebyi tengeke, lebyi nga riki na xisandzu emahlweni ka Xikwembu, Tata wa hina, hi loko munhu a kamba swisiwana ni vavasati va tinoni emahlomulweni ya vona a va a tihlayisa, a nga ri na xivati xa misava.

Ku nga tshuki ku va na munhu loyi, kungakuloko a ringiwa, a ku: “Ndzi ringiwa hi Xikwembu,” hikuva Xikwembu a xi ringiwi hi ku biha hikwalaho, na xona, a xi ringi munhu. Kambe munhu un'wana ni un'wana u ringiwa hi ku navela ka yena, a ri karhi a kokiwa ni ku phasiwa hakona.

Mupfumeri wa xisiwana a a tidzunise evukulwini bya yena