Gewilde Bybelverse vanaf Lukha 14

Deel

“Lota kimi angeke abe ngumfundzi wami ngaphandle kwekutsi adzele uyise nenina, umfati wakhe nebantfwabakhe, bomnakabo nabodzadzewabo, yebo, kanye nemphilo yakhe lucobo lwayo.

Longetjatsi siphambano sakhe angilandzele, angeke abe ngumfundzi wami.

Ngobe wonkhe umuntfu lotiphakamisako uyawutfotjiswa, nalotitfobako uyawuphakanyiswa.”

Jesu wagcina ngekutsi: “Kunjalo-ke nakini, kute longaba ngumfundzi wami ngaphandle kwekutsi adzele konkhe lanako.”

“Ngubani emkhatsini wenu longatsi afuna kwakha sitezi lesikhulu, angahlali phansi kucala, abale tindleko, abukisise kutsi unayo yini imali leyenele kutsi angasicedza lesitezi? Nangabe akanayo kantsi sewubeke nesisekelo saso, angasasicedzi, bonkhe lababonako bangahlekisa ngaye batsi: ‘Lendvodza yacala yakha, kodvwa seyiyehluleka kuwucedza lomsebenti!’

Nawente lidzili, ubomema timphuya, netishosha, netinchute, netimphumphutse. Uyawubusiswa, ngobe bangeke babe nemandla ekukwenana loko. Uyawubuyiselwa nguNkulunkulu ekuvukeni kwalabalungile.”

“Luswayi lulungile, kodvwa nangabe selulahlekelwe bunandzi balo, kungentiwa lisu lini kutsi luphindze lulunge? Alusekalungeli ngisho nemhlabatsi nome sengumcuba, nebantfu bayalulahla. “Lonendlebe yekuva akeve.”