Gewilde Bybelverse vanaf Mateeyo 27

Deel

Rooteentsi okitejitanee, antawo ikaemanaki Jesoshi, ikantzi: —Erii, Erii, ¿raama jawaatani? Rootaki akantziri apaanteki: “Notajorentsite, Notajorentsite, ¿iitaka pookantanari?”

Ikamantaka Jesoshi, omapokanaka otzijagaanaka antawoni otzikaakiro janta Tajorentsipankoki inthomaenta. Tontari ironta, otzikaakiro omookira. Omapokanaka itanaka jenoki otzijagaanaka owaag, roojatzi jaawiki, apitemankitanaka. Eejatzi omoyekanaka kipatsi, moye, moye. Okotaanaki antawo mapi maawaeni. Eejatzi rashitaryaakotanaka ijeekira kaminkari, ipiriintanaka oshekini aapatziyariri Tajorentsi.

Roojatzi rapiitziro ikaemi. Antawo ikaemi. Roojatzi ikamantanaka.

Eejatzi riraga omperatariri joraaro eejatzi joraaropaeni riraga kempoyaakiriri riraga Jesoshi iñaawakiro omoyeka kipatsi eejatzi iñaawakiri riraga piriintayitaneencharini, iñaawakiro otsitenitanaki, maawaeni. Roojatzi ithaawantanakariroña, ikantzi: —Kyaaryo, rirotaki Itomi Tajorentsi.

Ikaataki oorya tampatsika, omapokapaaka otsitenitanaki maawaeni kipatsi, roojatzi shaawiteni.

Ikantawakiri: —¿Tsika akanterika irika Jesoshika, riraga iiteetziri Rotyaantanewo Tajorentsi? Ikantakiri maawaeni: —¡Pikentakotakaanteri! Ikantawitari rirori: —¿Iitama rantakiri nokentakotakaanantyaariri? Eekiro ikaemapaakitzi: —¡Pikentakotakaanteri! ¡Pikentakotakaanteri!