Gewilde Bybelverse vanaf Prediker 8

Deel

Ek het daarom besluit dat wat die mens eintlik nodig het, vreugde is. Niks is beter as om te eet en te drink en die lewe te geniet nie. Dít kan die mens help om die sinloosheid te verwerk van hierdie lewe wat God ons gegee het.

’n Slegte mens kan selfs 100 misdade pleeg en nog steeds lank leef. Die mense sê mos altyd: “As jy vir God bang is, sal dit met jou goed gaan.

Vir alles is daar ’n tyd en ’n uur, maar die mens ken dit nie.

’n Mens is magteloos. Hy kan nie die wind keer nie, hy kan nie sy sterfdag uitstel nie, hy kan nie militêre diens vermy nie en hy kan nie alles met sy rykdom regkry nie.

Mense doen maklik verkeerde dinge omdat dit lank vat voordat die skuldiges gestraf word.

Dit is egter verkeerd. Net die teenoorgestelde gebeur. Met goeie mense sal dit sleg gaan en met slegte mense goed. Dit wys net weer hoe absurd die lewe eintlik is.

Niemand weet wat gaan gebeur nie en niemand kan jou ook vertel wat voorlê nie.