Gewilde Bybelverse vanaf PSALMS 143

Deel

Leer my om u welbehae te doen, want U is my God. Laat u goeie Gees my lei in 'n gelyk land.

Laat my u goedertierenheid in die môre hoor, want op U vertrou ek; maak my bekend die pad wat ek moet gaan, want ek hef my siel op tot U.

Red my van my vyande, HERE! By U skuil ek.

O HERE, maak my lewend om u Naam ontwil; lei my siel uit die benoudheid, in u geregtigheid.

'N PSALM van Dawid. O HERE, hoor my gebed; luister tog na my smekinge; verhoor my in u trou, in u geregtigheid.

Verhoor my tog gou, HERE: my gees beswyk! Verberg u aangesig nie vir my nie, sodat ek nie word soos hulle wat in die kuil neerdaal nie.

Ek dink aan die dae uit die voortyd; ek peins oor al u dade; ek dink ná oor die werk van u hande.