Gewilde Bybelverse vanaf 2 Begyu-dɩrɛ 4

Deel

Ɛwʋ gɛ Elisa e tiri wuunyun ɛ tɛ wɔ alan, <<Anʋn gɛ nan talɩ n ka n kpa wɔ̀? Dɔ̀ mɩ gɩnyan gɛtɛ à ba aa dikwo daanɩ?>> Ɛwʋ gɛ ɛna fɔ e tiri wuunyun alan, <<Aasʋgʋgyan ɛn ma gɩnyankɩ pilim-pilim, bʋnɔ bɛrɛɛ bʋkɩ buuko n sa.>>

Ɛna ɛkɩ gɛtɛ nafɔ wɔsan è di Wurubwarɛ bɛtabʋrʋlɛ fɔ baanɩ ɛkɩ fɔ e wula ɛ tɛ Elisa alan, <<Mɩɩnsan gɛtɛ nafɔ è di aasaranyan fɔ e ku, gɛ à nyɩ̀ gɛtɛ ka ɛ ka oturu-kpara ɛ sʋma Yahwe. Mɔ è de gutoro, gɛtɛ wʋ yɛ ɛnɩ gɛtɛ è de gutoro fɔ ɛɛ ba ɛ̀ɛ̀ bɛ ka miin bebi-tenibi bɛnyɔɔ ma mɛ wɔ bɛdɩ̀.>>

Gɛ Elisa ɛ dɔ̀ alan, <<San ma fɔ aawɔlɔn ɛbɛ bɔɔ bɛgalɔn-kwaa bàà sɔ anlɛ gɛtɛ à len.>>

Wʋʋ gama fɔ, gyu dikwo, fɔ àà tan ɔpʋnʋ sa ɛyɩ ma aa bebi fɔ, fɔ àà daa bʋnɔ fɔ sa bɛgalon fɔ baanɩ. Gengyi galon wʋkɩ wʋ̀ yɔn fɔ, kpema wʋ sɩ̀ gɩlan.>>

Gɛtɛ bɛgalɔn fɔ powu bɛ yɔn fɔ, ɛ dɔ̀ wo bebi fɔ baanɩ ɛkɩ alan, <<Ka galɔn-fon tɛ mɩ.>> Ɛwʋ gɛ wobi fɔ ɛ dɔ̀ wɔ alan, <<Galɔn wʋkɩ wun mini kuruma.>> Gɛ bʋnɔ fɔ bu ten.

Ɛwʋ gɛ ɛna fɔ ɛ san ɛ ma dɔ̀ Wurubwarɛ wɔtabʋrʋlɛ fɔ. Gɛ Wurubwarɛ wɔtabʋrʋlɛ fɔ ɛ dɔ̀ wɔ alan, <<San ma fu bʋnɔ fɔ, fɔ àà le aatoro fɔ. Ka sɩka gɛtɛ eè kuruma fɔ nya ɛyɩ ma aa bebi yii koro.>>

Okoro ɛna fɔ e kpe e ye Elisa wakʋn. Gɛtɛ ɛ ba dɩkpaara fɔ, ɛ tan dikwo ɛ sa ɛbɛ ma wo bebi fɔ. Bebi fɔ bɛɛ ka bɛgalɔn fɔ bɛ mɔma wɔ, fɔ ɛwɔ mɔ ɛɛ da bʋnɔ fɔ ɛ sa baanɩ.

Gɛ ɛ waran ɛ dʋrɔ ebi fɔ wo koro ɛ ka wonyun e ten ma ebi fɔ wonyun, wɔ bʋnʋn bù ten ma ebi fɔ bʋnʋn, walɔ ɩ̀ sa ebi fɔ walɔ yaanɩ. Gɛtɛ Elisa ɛ̀ tʋna ebi fɔ wo koro gɛlɛ fɔ, ebi fɔ wo koro gɩ kya gɛya.