Gewilde Bybelverse vanaf Yoganan 14

Deel

Vrede, vreugde, gesondheid, voorspoed en vergenoegdheid los Ek vir julle. My vrede, vreugde, gesondheid, voorspoed en vergenoegdheid gee Ek aan julle. Ek gee nie aan julle soos die wêreld gee nie. Laat julle verstand, wil en emosie nie ontsteld word en bang wees nie. 2 Thes 3:16

Yeshua antwoord hom: “Ek is onveranderlik dieselfde, die Pad, die Waarheid en die Lewe; niemand gaan na My Vader toe, behalwe deur My nie. 1 Yog 5:1112

“Laat julle verstand, wil en emosie nie ontsteld wees nie; vertrou in God en vertrou in My.

maar die Bevryder en Lewegewer, die Gees wat Afgesonderd is, wat My Vader in My Karakter en Outoriteit sal stuur, sal julle alles leer en julle herinner aan alles wat Ek vir julle gesê het. 1 Yog 2:27 Efe 1:23-2:1 3:17-19

Wie ook al My opdragte het en hulle uitvoer, dit is hy wat My lief het en wie My lief het, hóm sal My Vader liefhê en Ek sal hom liefhê en My aan hom openbaar.”

Ek sal die Vader vra en Hy sal vir julle ’n ander Bevryder en Lewegewer gee om by julle te bly tot in ewigheid. Luk 24:47 Hy is die Gees van die Waarheid, wat die wêreld nie kan ontvang nie omdat dit Hom nie gesien het of Hom geken het nie, maar julle ken Hom omdat Hy by julle bly en in julle is. Gen 41:38 Num 11:17-29 Rig 6:34

Enige iets wat julle ook al in My Karakter en Outoriteit mag vra, dit sal Ek doen sodat die Vader in die Seun vereer en geloof kan word. As julle iets in My Karakter en Outoriteit vra, sal Ek dit doen.

As julle My lief het, voer voortdurend My opdragte uit. Deut 7:9 31:16 Ps 91:14 Yog 15:14 Ya'a 2:8 Rom 13:910 Open 14:12 22:14

In die huis van My Vader is daar baie blyplekke en as dit nie so was nie, sou Ek dit vir julle gesê het. Ek gaan om vir julle plek voor te berei

en as Ek gegaan en vir julle plek voorberei het, kom Ek weer en sal julle saam met My vat sodat julle ook kan wees waar Ek is.

T’oma sê vir Hom: “Ons Meester, ons weet nie waarheen U gaan nie en hoe kan ons die pad ken?” Gen 1:2628 Eks 18:20 Deut 5:31-33