Gewilde Bybelverse vanaf Римлыларга хат 6

Deel

Кылынган гөнаһ өчен җәза – үлемдер, ә Аллаһының бүләге – Хакимебез Гайсә Мәсихтәге мәңгелек тормыш.

Сезнең өстән гөнаһ хакимлек итәргә тиеш түгел, чөнки сез Канун таләпләре белән түгел, ә бәлки Аллаһы мәрхәмәте белән яшисез.

Шулай, суга чуму йоласын үтәп, без Аның белән бергә үлдек һәм күмелдек. Ә хәзер, Атабызның бөек кодрәте белән үледән терелгән Мәсих сыман, без дә яңа тормышта яши алабыз.

Тәнегезнең бер әгъзасы да явызлык коралы булып гөнаһка хезмәт итмәсен. Киресенчә, үлемнән тормышка кайткан кешеләр буларак, үзегезне Аллаһыга тапшырыгыз. Тәнегезнең бар әгъзалары хаклык коралы булып Аллаһыга хезмәт итсен.

Без беләбез: гөнаһлы асылыбызның хакимлегеннән котылу һәм моннан ары инде гөнаһ коллары булмас өчен, безнең иске табигатебез Мәсих белән бергә хачка кадакланды.

Шулай ук сез дә үзегезне гөнаһ өчен үле, әмма Гайсә Мәсих белән берлектә Аллаһы өчен яшәүче дип санагыз.

Шулай итеп, нәрсә әйтик соң? Аллаһының мәрхәмәте ташып торсын өчен әүвәлгечә гөнаһ кылуны дәвам итикме? Әлбәттә, юк! Гөнаһ өчен без – үле, шулай булгач, моннан соң да ничек гөнаһ эчендә яши алабыз?

Үзегезне кемгә коллыкка тапшырсагыз, шул кешенең буйсынучан колы буласыгызны беләсез. Гөнаһ колы булу сезне – үлемгә, Аллаһыга буйсыну исә Аның каршында аклануга китерә.

Аллаһыга шөкер, элек гөнаһ коллары булсагыз да, хәзер инде үзегез кабул итеп алган тәгълиматка чын күңелдән буйсынасыз. Сез, гөнаһтан котылып, хаклык коллары булдыгыз.