Gewilde Bybelverse vanaf ရှာန်လုကာ 23

Deel

အန်၌မှါခ့်ခါ ကိုယ်တော်ယေရှုကား “အဝါဘုရားရှာန်၊ အန်တာတ်ကား အန်တာတ်အွန်နင်းဘင်းနာတေ အမိန်းရှာတ်ခါကြီးဘင်းအတွာတ် အန်တာတ်တေ ခွာမ်းလွှတ်သအီယုတ်” ညယ် ဆုစိန်မှာ။ စီးမှါခ့်ခါ စစ်ဆားတာတ်ကား ကိုယ်တော်ဆာန်ဆုန်တေဒေ မဲနုတ်ပန်း မံဘန်းလာကြီးမှာ။

အန်၌မှါခ့်ခါ ကိုယ်တော်ယေရှုရီးဒါး “နာန်တေ ငါချီလားငှေါကူ။ နာန်ကား အရာတ်မှါတ်မာန်းရာတ်ပေစဲ ငါယောက်အတူတူ ပရဒိသုဘုံဘေငှါနင်းကူ” ညယ် ကတိအီမှာ။

စီးမှါခ့်ခါ ဟိန်ကား ကိုယ်တော်ယေရှုတေ “ကိုယ်တော်ယေရှု နာန်ကား ရှာန်းပလာန်ဟော်ဝါနိမ် အုပ်စိုးသကူညယ်ဒီမှါခ့်ခါ ငါတေ ဆတီးလူ” ညယ် လျှောက်တာန်သမှာ။

ကိုယ်တော်ရီးဒါး ဆကလားဝါတ်ဆလာတ်တုံန်းယောက် “အဝါဘုရားရှာန်၊ ငါဝိညာဉ်တေ အရှာန်ဘင်းသဟူးနောင်းဘေ အပ်သမှာ” ညယ် မိန့်သမှာ။ အန်နိမ်မိန့်သစီးမှါခ့်ခါ ကိုယ်တော်ကား အဆာတ်တေ စွန့်တော်မူသမှာ။

အန်တာတ်ကား ဟလာန်းအုတ်ခွံ ညယ်ကော်ဘင်း အရပ်ပေထုတ်မှါခ့်ခါ ကိုယ်တော်ယေရှုတေ တာပ်ပါးကပ်ပင်းတိုင်စောက်ပေ တာန်သဘန်း ဆိန်ကလာတ်ယောက် သာန်းကြီးရာန်မှာ။ အန်တာတ်ကား ရာဇဝတ်ဆားကလိန်းဟူးဒေရီးဒါး ကိုယ်တော်ယေရှုဘင်း ညာပါဟော်ဝါ၊ ဘယ်ပါဟော်ဝါ တာပ်ပါးကပ်ပင်းတိုင်စောက်ပေ တာန်သဘန်း ဆိန်ကလာတ်ယောက် သာန်းကြီးရာန်မှာ။

အန်ဘင်းအချိန်ကား မွန်းတည့်သဘင်းအချိန် ထှာဘန်း အန်ဘင်းအချိန်ဟက်စသဘန်း သုံးနာရီထုတ်ကွန်း တစ်တိုင်ပြေလုံးရီးဒါး ထာန်ဘန်းနင်းနာန်မှာ။ စမိတ်အရောင်ရီးဒါး ကယာရာန်ဘန်း ဗိမာန်တော်နောင်းဘေငှါဘင်း ကန့်လန့်ကာတုံန်းရီးဒါး ဘလမ်းဟက် ဆိုက်အာန်မှာ။

အန်ဘင်းထှာဘင်းတေဒေ ကတုံန်ဘင်း ရောမတပ်မှူးကား ဘုရားရှာန်ဒေ ချီးမွမ်းသဘန်း “အဘင်းဆိတ်ကား အဟုတ်မလပ် ဖြောင့်မတ်သဘင်းဆိတ်ထှာမှာ” ညယ် ငှေါမှာ။