Gewilde Bybelverse vanaf ရှာန်လုကာ 24

Deel

အရာတ်ငါကား ငါအဝါဘုရားရှာန် အီပဲဘင်းကတိအတိုင်း ဟနိမ်ပါ ဉာဏ်အလင်းတော်ဒေ တာတ်အီကူ။ အန်နိမ်စါန်းငှေါဒီ ဉာဏ်အလင်းတော်ကား ရွှေမြို့တော်ဟက်ဒီဘန်း ဟနိမ်တေ တန်ခိုးတော်တေ အီဘင်းအချိန်ထုတ်ကွန်း ဂျေရုဆလင်မြို့ဘေ ဒဲဘန်းနင်းကြီး” ညယ် မိန့်သမှာ။

ကိုယ်တော်ကား အဘင်းဘေအဘိုဘန်း။ ဟိန်ကား အဆာတ်စားလဟာန်းပဲဘန်း။ ဂါလိလဲဘေ ဟနိမ်ယောက် အတူတူငှါနင်းမှါခ့်ခါ ကိုယ်တော်ကား ဟနိမ်တေ ဟာနိမ်မိန့်သည်ဘင်းနာတေဒေ ဆတီးလူကြီး။

အန်ကားအချိန်ဘေ အန်တာတ်ကား ကိုယ်တော်ဒေ ချတ်ချန်း မှတ်မိသဟာန်းကြီးရာန်မှာ။ အန်နိမ်စါန်းငှေါဒီ ကိုယ်တော်ကား အန်တာတ်မန်းဟက် ချတ်ချန်း ကယာလာန်ပဲမှာ။ အန်၌မှါခ့်ခါ အန်တာတ်ရီးဒါး “ကိုယ်တော်ယေရှုကား လမ်းဘေ အလေယောက် တူးသပေါက်ပန်း ကျမ်းကျိန်းအဓိပ္ပာယ်တေဒေ ရှာန်းသကာနင်းမှါခ့်ခါ အလေအဆေင်နောင်းဘေ အကြီးကျယ် အံ့ဩသဘန်း ပျော်သနင်းမှာညယ် ခံစားသထှာနင်းမှာအချီနော်” ညယ် အချန်းချန်း ငှေါနင်းကြီးမှာ။

ကိုယ်တော်ကား “ကျမ်းကျိန်းဘေ မေရှိယကား ဒုက္ခဆာန်းရဲတေဒေ ခံသထှာဘန်း ဆွန်းရာတ်မှါတ်မှါခ့်ခါ အဆာတ်စားဟာန်းရီကူ။ မေရှိယတေ ယုံကြည်သဘင်းဆိတ်တာတ်ကား ဂျေရုဆလင်ဟက်စသဘန်း ကမ္ဘာစောက်ပေငှါဘင်း သမီဆ၌တိုင်းပါလာန်ဘန်း ဘုရားရှာန် ခွာမ်းလွှတ်သဘင်းတေလူတင် အန်တာတ်အပြစ်တေဒေ ရပ်သဘန်း နောင်တလူစိန်းဒင် ဟောသကာ ဆွောန်သကာကြီးထှာကူ ညယ် ရေးသပဲမှာ။

အန်တာတ်ကား အန်ဘင်းဘေထုတ်မှါခ့်ခါ ဆာန်းကျိုင်း ဂူပေါက်ဝတေ ပိတ်သပဲဘင်း လုံးကရှီတုံန်းတေ ဟော်ဝါဟော်ဝါကား လမ်းစာလားပါ ဖယ်သပဲဘင်းနာတေ ကတုံန်ငါန်မှာ။ အမှာတွာတ် အန်တာတ်ကား ဆာန်းကျိုင်းဂူနောင်းဘေဆာန်မှါခ့်ခါ ကိုယ်တော်ယေရှုအလောင်းတေ အကတုံန်ကြီးလူဘန်း။