Gewilde Bybelverse vanaf ရှာန်လုကာ 14

Deel

“ဟနိမ်ကား ငါတပယ့်ထှာကာတ်ပန်းကား ဟနိမ်အမယ် အဝါ၊ ဟနိမ်ဘင်း အိတ်၊ ဟနိမ်ဘင်း ဆာဆအိတ်တာတ်ယောက် ဟနိမ်ဘင်းအမူးနှရှီတာတ်တေ ဟနိမ်မစ်လားဆာအချီ ဟနိမ်ကောက်ဟနိမ်မစ်လားထာတ် ငါတေ ပိုသောမစ်သင့်သမှာ။ အန်နိမ်အချီဘန်းကား ဟနိမ်ကား ငါတပယ့်အထှာရန်နား။

ဟာဟမဲစါန်းငှေါဒီ ကိုယ်ဘင်းတာပ်ပါးကပ်ပင်းတိုင်ဒေ ကိုယ်တိုင်ဖဲဘန်းနာ ငါဟလိန်းဘေ အဒီယာတ်ရန်ဘန်းကား ငါတပယ့်အထှာရန်နား။

ဟမာန်တွာတ်ငှေါဘန်းတာတ်ငှေါ ကိုယ်ကောက်ကိုယ်ကာ ချီးမြှောက်သဘင်းဆိတ်တာတ်ကား နှိမ့်ချခံသထှာဘန်း၊ ကိုယ်ကောက်ကိုယ်ကာ နှိမ့်ချသဘင်းဆိတ်တာတ်ကား ချီးမြှောက်သလားခံသထှာကူ” ညယ် မိန့်တော်မူသမှာ။

အာနိမ်ညယ် ဟနိမ်ရီးဒါး ဟနိမ်ပိုင်သဘင်းနာဆွန်ကွန်းတေ အစွန့်သရန်ဘန်းကား ငါတပယ့်အထှာရန်နား” ညယ်မိန့်တော်မူသမှာ။

ဟနိမ်နောင်းဟက် ဟော်ဝါကား မျှော်စါန်ဟုတ်အာတေ စာကာတ်မှာညယ်ပဲရာန်။ ဟိန်ကား အန်ဘင်းမျှော်စါန်စီးကွန်းစာဒင်အတွာတ် ဟိန်ဘေ ဖူးကွန်းလည်း အကွန်းလည်းငှေါဘင်းတေ မိန်းရှာတ်ခါကွန်း အရာန်ထုံန်းဘန်း ဆွန်ကူဘင်းဖူးဒေ အတွာတ်သညယ် နင်းကလဲ။ အန်နိမ်အတွာတ်သပဲဘန်းကား ဟိန်ကား အုတ်မြစ်ဆ၌ချသရန်ဘန်း မျှော်စါန်တေ စီးကွန်းထုတ် စာရန်ကလားအချီရား။ အန်ဘင်းဒေ ကတုံန်ဘင်းဆိတ်တာတ်ရီးဒါး ဟိန်ဒေ နီးဘန်း ‘အဘင်းဆိတ်ကား မျှော်စါန်တေ စသဘန်းစာရန်ဒီဒါး စီးကွန်းကားအစာရန်နား’ ညယ်ငှေါကြီးကူ။

အန်ဘင်းအစား နာန်ကား ယုတ်တင်အူဒင်တေ အွန်မှါခ့်ခါ ဆာန်းရဲဆားတေ၊ အသန်စွမ်းသဘင်းဆိတ်တာတ်၊ လေဖြတ်သနင်းဘင်းဆိတ်တာတ်၊ မိတ်အကတုံန်ဟာဘင်းဆိတ်တာတ်တေဒေ ဖိတ်သဘန်းနောပ့်ကြီး။ နာန်အန်နိမ်အွန်ဘန်းကား ဘုရားရှာန်ကား နာန်တေ မန်းအီကူ။ ဟမာန်တွာတ်ငှေါဘန်းတာတ်ငှေါ နာန်ဖိတ်သပဲဘင်း ဆိတ်တာတ်ကား နာန်တေ ပြန်သဘန်း ကျေးဇူးအဆပ်သကြီးရန်ဘင်းအတွာတ်ထှာမှာ။ အန်နိမ်စါန်းငှေါဒီ ဘုရားရှာန်ကား ဖြောင့်မတ်သဘင်းသမီဆတာတ်တေ ရှီးလားဟက် ပြန်သဘန်းစားဟာန်းစိန်းမှါခ့်ခါ နာန်ဒေ ဆုလာဒ်တေ ပြန်သဘန်း အီဟာန်းကူဘင်းအတွာတ်ထှာမှာ” ညယ် မိန့်တော်မူသမှာ။

ပန်းနူ ကိုယ်တော်ကား “စွန်ကား မဲမှာ။ အန်နိမ်စါန်းငှေါဒီ စွန်ကား ဟိန်ဘင်းဆွန်းဟာဘင်း အရသာကယာရာန်ဘန်းကား ပြန်သဘန်း ဆွန်းဟာန်းရီကွန်း ဟာနိမ်အွန်ဟာန်းကူတေ။ အန်ဘင်းစွန်ကား ကာအတွာတ်ထှာထှာ၊ ဪအတွာတ်ထှာထှာ အသုံးအဆာန်ဘန်းဘင်းအတွာတ် ပြာန်ပါဘေ တက်လားခံသထှာကူ။ ကနားငှါဘန်း သက်ခါဘင်းသမီဆတာတ်၊ အာရုံစိုက်သဘန်း သက်ကြီး” ညယ် မိန့်တော်မူသမှာ။