Gewilde Bybelverse vanaf रोमियो 4

इब्राहिम नै सक ना करो। और परमेसर के बादे मै बिसवास बनाए रक्‍खो। और बिसवास कै पक्‍को करते भए परमेसर की बड़ाई करी। उसकै पक्‍को बिसवास हो कै परमेसर नै उसकै जो बादो देर खाओ है, बौ बाकै जरूर पूरो कर सकै है।

पबित्‍तर सास्तर मै लिखो है, “मैंनै तेकै भौस्सी जातिऔं को अब्बा ठैराओ है।” उस परमेसर की नजरौ मै जिसके ऊपर इब्राहिम नै बिसवास करो हो, जो मरे भएऔं कै जिन्‍दो करै है और जो चीज हैई ना, बौ परमेसर के कैनै सैई बन जावै है।

परमेसर नै ईसु कै हमरे पापौं के बजै सै मरनै के ताँई दे दओ, बाई नै हमकै धरमी बनानै के ताँई मरे भएऔं मै सै ईसु कै फिर जिन्‍दो कर दओ।

जहाँ उमीदई ना ही बहाँ इब्राहिम नै उमीद के संग बिसवास करो, कै बौ भौस्सी जातिऔं को अब्बा बन जागो, जैसो पबित्‍तर सास्तर मै कैओ गओ हो, “तेरो बंस भौत बड़ो होगो।”

इसताँई सई बात जौ है कै बादो बिसवास को फल है जो किरपा के हिसाब सै है। ताकि इब्राहिम के सिगरे टब्बर के ताँई पक्‍को हो, ना सिरप नियम कै माननै बारौ के ताँई पर उन सबई ताँई बी जो इब्राहिम के जैसो बिसवास रक्‍खै हैं, कैसेकै बौ हम सबको अब्बा है।

“धन्‍न हैं बे जिनके अधरम के काम माफ भए, और जिनके पाप ढक दए। धन्‍न है बौ आदमी जिसके पापौं को हिसाब परमेसर ना लेबै है।”

कैसेकै पबित्‍तर सास्तर मै लिखो है, “इब्राहिम नै परमेसर मै बिसवास करो और उस बिसवास सै परमेसर नै उसकै धरमी ठैराओ है।”