Gewilde Bybelverse vanaf Romanos 6

Deel

Surojö micuämä, hua'aretä jö̧. Ja̧'hua̧nö̧ ja̧'a̧nä̧ Dios mippoönä iyö kä̧cuä̧huä̧ i'co, Tu̧ru̧hua̧ Cristo Jesúsru tesetomenä.

Jitämä suronä jȩä̧cuä̧huä̧ hueoca'a ucuturu. Hueähuä huȩnȩ'i̧nä̧ hueoca'a ucuturu. Dios ucuturu re rö̧jö̧nä̧ toa'anä, ucuturu ppä'ädö.

Ja̧'hua̧nö̧ ja̧'a̧ttö̧ bautizado päti'omenä, Cristocu 'turu icuähuotö jä̧'i̧nö̧'a̧nö̧ huotöjä. Ja̧'hua̧ta̧nö̧ Jä'o adihuä ujurunä Cristorö hua'arettö ttoädinö ta'anö, ujutu'inä ttoädäcuähuotö jä̧'i̧nö̧'a̧nö̧ huotöjä, ta̧'cua̧rö̧ jareönä tö̧ja̧cua̧ pä'ö.

Cuamönä cuiyäcuähuätucuä' suronä jȩcu̧'ä̧tu̧cua̧ pä'ö. 'Corupä'i'ö'cotö tto'ächätö jä̧'i̧nö̧'a̧nö̧ jö̧nä̧ Diosrö iyäcuähuätucui. Cuamönä cuidepä iyäcuähuätucui Diosrö, adiu jȩcu̧'ä̧tu̧cua̧ pä'ö.

Ujutu huo̧juä̧tö̧jä̧ täbocö tö̧ji̧nö̧mä̧ Cristocu daunä pȩ'o̧pö̧ u̧ju̧ni̧na̧'a̧, suronä jȩä̧cuä̧huä̧ be'epö icua pä'ö, suronä hueö jȩä̧cuä̧huä̧ isotö tö juiyäcua'a̧nö̧.

Ucutu'inä suronä jȩcu̧'i̧nä̧tu̧cu̧ttu̧mä̧ hua'ö icuätö jä̧'i̧nö̧'a̧nö̧ ka̧cuä̧tö̧jä̧ amöcuädätucui. Ja̧'hua̧ta̧nö̧ Cristo Jesúsru teseta'attö, Diosrö eseu ka̧cuä̧tö̧jä̧ pä'ö amöcuädätucui.

Ja̧'hua̧ ja̧'a̧ ¿tta̧'a̧nö̧ pätäcua'ajä̧ttö̧? ¿Suronä jȩpö̧ tö̧ja̧cuä̧cuo̧tö̧jä̧ tä̧ji̧, Dios ppädäcuähuä rö̧ä̧cha̧ pä'ö? Tta̧'a̧huä̧jä̧. Suronä jȩti̧nö̧ttö̧mä̧, huä'ö icuätö jä̧'i̧nö̧'a̧nö̧ ka̧cuä̧tö̧jä̧. Ja̧'hua̧nö̧ ja̧'a̧ttö̧ ¿tta̧'a̧nö̧ suronä jȩpö̧ tö̧ja̧cuä̧ttö̧?

Ücutu adiu huo̧juä̧tö̧jä̧ cuiyäcuähuätucuomenä ya̧tȩ hueö jȩä̧cuä̧huä̧ isotö cu'ätucua pä'ö, yoröiso chutä hueö jȩä̧cuä̧huä̧ isotö huotöjä. Cuiyäcuähuätucuomenä suronä jȩcu̧'ä̧tu̧cua̧ pä'ö, surojö hueö jȩä̧cuä̧huä̧ isotö huotöjä. Surojömä hua'are i'cächö. Ja̧'hua̧ta̧nö̧ ja̧'a̧nä̧ Diosrö cuiyäcuähuätucuomenä, Dios hueö jȩä̧cuä̧huä̧ isotö huotöjä, cua̧'cua̧ adiu jȩpö̧ cu̧ja̧cuä̧tu̧cua̧ pä'ö.

Diosrö eseusä ucuturu amöcuädö. Ä'coji surojö hueö jȩä̧cuä̧huä̧ isotö cu'inätucua'anä, jitä eseunu jȩpä̧tö̧jä̧ cuami iso'quitucunä huo̧juȩcuä̧ huȩnȩ cuȩmi̧nä̧tu̧cu̧mä̧. Surojö hueö jȩä̧cuä̧huä̧ isotöttö räcuhuo'ächätucuomenä, adihuä juäi hueö jȩä̧cuä̧huä̧ isotö päi'önä ka̧cuä̧tö̧jä̧.