Gewilde Bybelverse vanaf Hibriyu 3

Deel

Manang ya kadég mayu magpakabagsegay sa ginawa kada allaw talana awun pa selat, pada diliꞌ kamu makasuway asuntu sa manga salaꞌ na yan ya makapategel kamayu.

Kay manga inulug, magpakatadeng kamu na walaꞌ galu ya adti kamayu na mag-anenganeng sa malatay na yan ya makapalumay sa kamayu pagpangintu-u, aw yeiy ya makapasuway kamayu lekat adti Tyumanem na Gayed Awun.

Kun padelegen tadun ya pagpangintu-u kan Kristu kasiling na idtu muna taman adti katigkasan, magpadeleg uman ya pagpakasambuk tadun kanan.

diliꞌ mayu pagpakategelen ya kamayu anenganeng kasiling na pig-imoꞌ na manga mangkatikadeng mayu asini muna. Kay adtu ni kaligbinan, nyatu silan sa Tyumanem.

Kay manga inulug ku na pigtani la na Tyumanem, pigtawag da kamu nan na un makasambuk sa kadég na awun ni tas na langit. Yanagaw anenganengen tadun si Jisus na yan ya pigpadala na Tyumanem aw nya-imoꞌ To-o Matas na Magdadugsu-ay na kanaten pigpangintu-uwan.