Gewilde Bybelverse vanaf 1 Tésalonika 5

Deel

Na, gayed kamu pagleya. Aw ya-i mayu pagbotoni ya pagpanawagtawag adti Tyumanem, aw pasalamati mayu sakanan pangkay unu ya un dumateng. Kay yeiy alag ya pagkaliman na Tyumanem na imo-un mayu, asuntu na nyakasambuk da kamu kan Kristu Jisus.

Na, ya Tyumanem na lyekatan sa kalinaw, yan ya gayed maglinis kamayu. Aw tunggu-an nan ya kadakulaꞌ na pagka-utawun mayu, dala ya anenganeng mayu aw ya kamayu kalaluwa aw lawas, pada walaꞌ ya pagsalaꞌ kamayu dun ni allaw na paglikuꞌ na kanaten Matas na Pangulu na si Jisu-Kristu. Ya Tyumanem na migtawag kanaten, kasaligan sakanan aw un nan saba yeiy tumanen.

Diliꞌ mayu pagpakalaten ya manga migpakalat kamayu, manang gayed baling pakadyawa ya manga eped mayu aw kadég na utaw.

Yanagaw padelega mayu ya pagpakabaseg sa ginawa na tagsambuksambuk kamayu aw ya pagpakasalig sa pagpangintu-u na kadég mayu, kasiling na pig-imoꞌ da mayu adun.

Na, kay manga inulug, pigpakabagseg nami ya ginawa mayu na palna-uwan mayu ya manga mangkataka na magkaseb galu silan. Aw pakabagsega ya kamayu manga eped na malumay da ya ginawa. Aw tabangi mayu ya manga nyampakasungkul dun ni pagpangintu-u nilan. Aw pakatasa ya kamayu pasinsiya adti kadég na utaw.

Kay pigtawag kitadun na Tyumanem. Aw ya pagtawag nan kanaten, bekeꞌ na pa-emel-emelen kitadun adti kamoliyan na allaw, manang yan baling ya tud nan na paluwa-en kitadun magi sa kanaten Matas na Pangulu na si Jisu-Kristu.

Kay ya kadég tadun na nyangintu-u kan Kristu awun da ni kalalamdag aw walaꞌ da dun ni kangitngit.