Gewilde Bybelverse vanaf MARKU 13

Deel

Hougsu" nga" myeing yoomo byu dangain mo, gi nanu" ri anoug angei bue" lo" wa nghoid loug we' lo" thang sho' zeung: kham, su: gi khyoid yu zi shau" wa nghoid.

Hau: bidnyid yo' ayo, khanham ju" ri wa ziri nanu" asi yoomo lhid zed" lho: gyeing" gyeing: za: yu nyid ge".

Nanu" ri myheug lho: tarha" yung" khyoo: ab byid: pyam da" uri khasu" tid wa la" ein: shid mo amyid ci' nyid goo"- ayo, ju" lang" nanu" ri dang tid nhang: ziyo' dakhyoo" tid ge". Khasu" wim ga: ri hau: dang: joem gi nang tid dang: anghoid- gyeungshang: venyi: mo thu re" dang: nghoid wa.

Moug: khung: yo' myidjang: lid lo" byug nghoid loug we' nga" mungdang: gi khanham we' alid loo" wa.

Nghoid loug we' bidnyid ayo' ri gi Moug: khung: tho' moo nyid da" mau: lagyoo: yo' hau: nya: zoo: ve' asi nghoid da. Nya: phoo za: se nyid.

Jhang moo vi moo gyi khaid meing: byo, ludang: shau" gyo: lo uri nanu" myid amyoo goo"- hau: gu: gi bue" loo ca" nyid nghoid lug we houg: gi lo" thang ayo, gi anghoid shi".

Khasu" wim ga: ri hau: a seing: gi myenthang: zoo" la'- gamgung myen: ri la'- gyo, toin: boem: ri la'- bidxain" zoo" ri la'-khanham ju" loo wa zi nanu" ase' too" yoomo lhid lho: zung" nyid ge'. Houg: su" nghoid yoomo yhoem: seing: gi nyeigdain tung" ju" lo uri nanu" yhoeb myed, jo, ziri alo myang wa. Ngoo nanu" ri tid bye: zigi Nanu" dangain" mo ri tid zi nghoid lhid' lho: zung" nyid ge".

Da moug: yo' da moug: mungdain: daloem: yo' daloem:- gyi zain: go" lo boem wa. Joyoo khyikhang" moo" moo myid leig we' leig loo wa. Zoo yoid phang" khoug we' ju" loo wa. He: gu: gi yaukhe" lo da" ashid" shi" nghoid nyid. Hau khyoo: gi zoo: khu: wa ri xang shid" no shid" zi yo' du nyid.

Nghoid loug we' lo" thang ayo' aju" shi ri ngeibu: ludang: ri byumyu" bain sho' mo, ri kho" kyoo" ca" wa zi nghoid.

Byu myoo" sho' mo, gi nga" myeung voin lho: thu' lo wigi ngoo gi Meshia nghoid bye"- ga: tid yoomo byu myo" sho' ri shu" vhang: lo" byug boem wam bye.

Nanu" koem gi nyang: tu: nyang: lhid' lho: nyid ge' nyangnu" gi nanu" ri mheug yu lho: tarha" yung" khyoo: ab pyam boem wa tarha" jung moo nanu" ri baid boem wa zoug: yi yo' kho: kham" yi ri-ngeibu: ludang: tid kyoo" wa shid mo ngoo yoomo nanu" gi nyangnu" da" shid khoin" moo shau" yab jo, boem wa.

Mhau da" Meshia joem yo' mhau' da" lapi: apyeug joem thu lo boem wa nghoid. ge bue" nghoid rigi-nyangnu" gi Mangsoo khyen: yu too" bye: mo, ri lang" yo" shu" vhang: loo" sho' ga: alhoo: again aja: ja: yo' mau" pho" moozoo" aja: ja: toin" shid' loo goo" wa.

Hau: lho: hau: da" yaukhe" kyi" khyeug zi shau" thang: ri bid, gi no, lo" byug wa lham" moo" we' azhoo: loo: wa. Kyi: joem we' moug: khung: mo byid, gyo" lo" byug wigi-moug: khung: mo yoem: so' joem gi noin" lo boem wa.