Gewilde Bybelverse vanaf Galesiya 5

Deel

Toro kuvi kuruv a'mwo pwol Gooti toolluro Kuullo toollu kuumjungovlawo'ji toolluro sulo ki'nono tono'gwowi arogano. A'mwo abolo tonyuno kalo buuropino winyo'mo pasudo tokwe'aro poowokalago kuunodo tovida'ai ilaiyo yo'mo pasudo tokwe'aro sumwoluko kavo wosunyo'mo pasudo tokwe'aro jul'nyo bwi'mo'mdowo'jure kuga kuruv muugollu'meyo'mo pasudo tokwe'aro a'mwo abolo tonyuno ilaiyo mollo'mo pasudo tokwe'aro yanyago wimo'nyo'mo pasudo tokwe'aro sugupasudo tovi gudupolallo'mo pasudo tokwe'aro aki a'mwo abolo tonyu kavo uubemwojo'mo pasudo tokwe'aro aki kevnokwenyuro kulako tovi pi'mwono mollomwallunyo'mo pasudo tokwe'aro togano. Pasudo su toro tonyu molludo'movla'mdopure tonyu nuumjukullo'moneyokwe loowo puru'monodo kuruv nonagutokwono.

Moro yogalo tov aro aikudumwakono. Kevu Gooti toolluro Kuullo tool mollubworekumokavla'mdowo'jure tovi neya duumjunogaulo. Kevu kuvinono kuumjunpi tov kemoro kuudo uumdo toolluro noonyumwonyu ikullunodowodo su toorai muumjunpinogaikikono.

Toro te nevu Gooti toolluro Kuullo toollu'aro aiyo me'no imo'nodowadonogano. Toro tonolluno tov Kuullo su toolluro mollubworonekumokavla'mdowo'jure tovi neya uumjungovla'mwalanonogano.

Aki nevu Krais Jisasolluro a'mwo abolo tonol kwollu me'no uuguro'mwonyodowadonogano. Toro tonolluro kuudo uumdo toorai i'noguropte tovi me'no amovoromiyoguroptowosunugoporogano. Kuudo uumdo su tooravuro pasudo toorogai'aro kwanyu sumdo kinuwiyodupudo toorogai'aro su toorai Krais tooke i'noguropte tovi me'no amovoguroptowosunugoporogano.

Nevu kuudo uumdo toolluro pasudo tooraino nyau'mwakuuwono. Kwonyalo toorogai'aro kaiyako igolamo'nodupudo pasudo toorogai'aro julpasudo toorogai'aro kuunano gooti toorai ilomoropiyo'mo toorogai'aro kuuloka pasudo toorogai'aro molo inyo'mo toorogai'aro yogalo youllajunyo'mo toorogai'aro kwekuullu kuudo toorogai'aro surodo'mo toorogai'aro ga'gaivolo kuudo toorogai'aro molleru'mdovekwapiyo'mo pasudo toorogai'aro yeru'mdeyapinyo'mo toorogai'aro kwekuullu kuudo gabovo toorogai'aro imo'wonyo anpi tovida'ai amomo pasudo toorogai'aro lubullu doto deroungovlaiyo'mo pasudo toorogai'aro aki pasudo su toorobusuko pworogai'aro yiuwi'nokai su tooraino nevu kuudo nyau'mwakuuwono. Toro te nuu sumdomgu duudapi yogalo me'no adaikullo tovi aki aiko te aro ikudumo'monyugono. A'mwo abolo kaiya'no pasudo su toorai mujumovla'mdupudo ton aguto Kig Gooti toolluro mido mollomwalo tovi dolago tomuu ku'nono maulomwalpinogano.

Miyobuuravoo, neya duu'nyulo. Kevu Moosesolluro loowo tovi ki'nato womdo wiyodopure togaikullu Gooti tool nobomollurolovekumokalokwiyo'moneyokwe me'no adekumarokaikono. Kevu ki'nato womdo tovida'ai me'no birolo'nugolokwodupudo togaikulluno tov kaiya'no kuudo aro nyau'mwalpiyo. Oo nevu loowo tovi dolago tomuu mamwalodowado tonolluno tov nemi kuudo uumdo tovuro kaiya'no pasudo toorai nokwo kirounugovla'mwalanonogano. Kevu kaiya'no kuudo su toro nyau'mwalpiyo. Toro kugaikul kuruv kalo buuropino winyo'moneyokwe pasudo su to'gwowi kevu Jisasolluro a'mwo abolo togaikul imgu amgu neya duuwinogaulo.

Kuudo neya jaullulo. Kuudo uumdo toolluro ikullunodowodo su tooro Gooti toolluro Kuullo toollu molo wiyodupudorogano. Aki Gooti toolluro Kuullo tool kuudo uumdo su toollu molo wiyodowodekono. Yiuwi'nokai su tooral imgu amgu molo inodubulorakono. Toro te kuudo uumdo tool ikumjuku'dowodo tovino tov kevu kuudo ilaiyo tollovai uumjunyo'mo ikullunodowo'jure kuvi kuruv ku'nono muumjunodupudogaikikono.

Yiuwi'nokai Moosesolluro loowo judo'no judo'nodo ton yogalo yiuno puru'monodo tovi wo'dupudogano. Yogalo su tov arokwono. “Guvu yiuwi'nokai a'mwo abolo pwolno puru'mono kuuru'ma'bi su tonyuno kalo buuropino neya domollono. Guvnokwekujuno kalo buuropino gujunodowodo to'busuko kubalno a'mwo abolo tonyuno aval'no neya domollono.” Dodowodokwono.

Nevu ilomoropunyu nyumwolowa'jo. Aki a'mwo abolo tobuurai surodo nyu'gwolmwala'jo. Aki nevu imgu amgu a'mwo abolo punyuno kwekuullu kuudo nyau'mwala'jo.

Nevu Moosesolluro loowo tovi ki'nato womdo nyumwala'jokweyo'mo Krais tool loowo su tovi dolago tomuuda'ai nemi me'no abomollurolovonekumokalokwokaikono. Toro te a'mwo pworo Moosesolluro loowo tovi ki'nato womdo yo'mo kemi aki aiko te noulomerekumwallumwalpiyo. Su toro nekullupiyokwe tovino kevu jurogudo neya dodavogaulo.