Gewilde Bybelverse vanaf 1 Koorin 3

Deel

Kevu aro kuudo me'no youroma'dupudogaikikono. Kevu Gooti toollu ilomoropiyo'moneyokwe ago to'busuko imo'nodupudogaikikono. Toro togaikullu Gooti gavnokwe toolluro Kuullo tool me'no kuulekumwalodowodekono.

Nuvu ago mojudapiyo'moneyokwe sulo tool me'no kuudapiyonyugono. Sulo su tool Jisas Kraisekono. Toro te Krais Jisasolbusuko ago mojudapiyo'moneyokwe sulo gabovo pwol nonagutomuugono. Aki a'mwo pwolnodo kwol kuruv sulo su toolbusuko muuduko pwollu ku'nono maluvogiloudapipinorogano.

Toro te a'mwo Gooti toolluro yogalo tokwe sumdomgu moruudodowodo tooke'aro Gooti toolluro yogalo tokwe lukomgu ibwasodowodo tooke'aro tooral womdo bwotonyo miyodubulorakono. Toro kuvi kuruv womdo bwotonyo to'gwowi Gooti gavnokwe tool yodowodokwono. Gooti tool gavnokweyolluro kuuguudo tokwe a'mwo abolo tonyu aguto yogullumwojapiyodowodekono.

Toro te navu Gooti toolluro womdo tovi wiyodowolonakono. Toro tekwojonal Gooti tooke womdo aval'no mujumovla'mdowolonakono. Kev kugaikul kuruv Gooti toolluro a'mwo abolo me'no wimo'nodupudogaikikono. Toro togaikul gamoro wosamuju'womdo to'busuko wimo'nodupudogaikikono. Aki puruv kevu gamoro ago to'busuko wimo'nodupudogaikikono.

Toro tooravuro womdo mujumelabodupudo ton sugudo'mdukono oo kaiya'nodo'mdukoneyokwe tovino lukomgu kuu'maiyo toru nobomollolupto'nosonokwono. Iruko pullugwoji Krais tool a'mwo abolo tonollu kooti yogalo adanekullo'ji su toga yiuwi'nokai pwolno puru'monodo tonolluro womdo mujumelabodowado tov duko tokwe yamju wiyoganonekono. Duko tovi toro amollurowo'ji toga a'mwo abolo tonolluro womdo go'no go'no yodowado ton sugudo'mdukono oo kaiya'nodo'mdukoneyokwe tovino kuu'maiyo toru bomollolupto'nosonokwono.

Toro te a'mwo Gooti toolluro yogalo tokwe sumdomgu moruudodowodo tooke'aro lukomgu ibwasodowodo tooke'aro tooral womdokwe aval'no imo'nodubulorakono. Aki lukomgu yiuwi'nokai tooral kemi womdo yodubulo tovino mubiyo tov noma'bullunorakono.

Neya duu'nyulo. Kevu pugaikul aro kuudo yau'dupudogaikikono. Oo nevu kwako akavida'ai noonyumwonyu tonyuno pi'mwo kuudo kurukweyonogano. Su toro tovino kevnokwe togaikul kuunano nyoukuu'najunmwalpiyo. Toro kuvi kuruv kevu pi'mwo kuudokwe imo'nyo'mo aikulluno'ji tov kwako akavida'ai a'mwo tooravuro sumdo tovi kevu kuudo maiyokwe to'no neya jumo'nogaulo. Yiuno su toro tomgu'aro sumo'nupi to'gwowi Gooti toolluro sumdo tovi pi'mwo kuudokwe imo'nupinogaikikono.