Gewilde Bybelverse vanaf 1 Timoti 3

Deel

Waratoɂo ɂe haataɂania ana koru noɂo niɂihuniha ɂe paina soɂona Karaesi, hana koru ka norutoɂo ai. Ma ɂi koru siko, koru rae retea ɂe waraɂimori. Ɂe ɂuriɂe. Karaesi ɂe hura taha kosuna mako mara noni. Ma Anoa Maea ɂe haataɂania Karaesi ɂe otooto waraɂimori. Ma enisero, kira reesia. Ma haɂanoroha soɂona ɂe rau matorana taɂaa hai riu kosuna mako. Ma taɂaa ɂiwera, raona maraukari, kira norutoɂo ana. Ma Waratoɂo ɂe torea Karaesi taɂau uru hi raona seanaha naia.

Hana mane ka taua toɂiha nena, ɂe hana tautaurana ɂe ka otooto marisiina taɂaa kira si oro wara haahia. Ma ɂe si taua taɂena ɂare ɂe ka waeria toɂokeniha naia. Ɂe rete hana ɂe ka rio rete soɂona ɂi naia maraana hana totoraha naia ɂe ka otooto. Ma ɂe rete raɂo hana niɂiraehana ɂe ka manamanata, ma totorahana ɂe ka sena, ma hana ɂe ka arisia taɂaa kira huraia ma rio rete soɂona kira ana horoɂa kira ɂoni ɂapina, ma hana ɂe ka toɂo ana manataha hana haɂausuriha.

Ɂe tohonani hatonana ɂe ka tarai retea ma rio rete soɂona ɂuruhana, ma hana hii mera naia ka roɂo soɂona haɂi niɂiraeha haɂapaina ana.

Ma hii mane hani haipooniha na kane, kira si taua taɂena ɂare ɂe ka waeria toɂokeniha kira. Ma kira ka tarai retea ma rio rete soɂona hii mera kira ma ɂuruhana kira haɂirau. Ma ɂaremara hii mane nena, kira ka toɂi rete ana toɂiha nena hani haipooni ana taɂaa Waratoɂo, ma taɂaa Waratoɂo na, kira ka rao niɂirae haɂapaina kira. Tona ɂai, hii mane nena, kira ka rao naɂa, haɂi niɂiraeha ɂe hahuru, soɂona norutoɂoha kira ana Karaesi Tisasi.