Gewilde Bybelverse vanaf ಮತ್ತಾಯ 26

Deel

ಶೋದನೆಮ ಪಡ್ಣುನಾತೆ ಇಮ್‌ ಹೊಷಾರಿ ರ‍್ಹೀನ್, ಪ್ರಾರ್ಥನೆ ಕರೊ. ಮನ್ ಛಾ಼ ಖ್ಹಾಚಸ್, ಕತೋಬಿ ಶರೀರ್‌ನ ಶಕತ್ ಪುರಾಕೊಯ್ನಿ” ಕರಿ ಬೋಲ್ಯೊ.

ಅಜು಼ ಯೇಸುನೆ ಇವ್ಣುನ, “ಮಾರೊ ಜಾನ್‌ ಮರ‍್ವಎತ್ರೆ ದುಖ್‌ಮ ಛಾ಼. ತುಮೆ ಹಾಸ್‌ರ‍್ಹೀನ್, ಮಾರ ಜೋ಼ಡೆ ಹೊಷಾರಿ ರ‍್ಹವೊ” ಕರಿ ಬೋಲ್ಯೊ.

ಅನಕೇಡೆಥು ಯೋ ಜ಼ರ ಖ್ಹಾಮ್ಣೆ ಜೈ಼ನ್, ಜ಼ಮೀನ್‌ಪರ್ ಆಡೊ ಪಡೀನ್, “ಮಾರೊ ಬಾ, ಹೋತು ಉಶೇತೊ, ಆ ವದೇಖ್ಹಾನಿ ಕಟೋರಿ ಮನ ಮ್ಹೆಂದಿನ್ ಜಾ಼ವಾನಿಘೋಣಿ ಕರ್‌! ತೋಬಿ ಮಾರಿ ಮರ್ಜಿನಿಘೋಣಿ ಕಾಹೆ, ತಾರಿ ಮರ್ಜಿನಿ ಘೊಣಿಸ್ ಹುವಾದೆ” ಕರಿ ಪ್ರಾರ್ಥನೆ ಕರ‍್ಯೊ.

ಆ ಮಾರು ಲ್ಹೋಯಿ, ಆ ದೇವ್‌ನು ನವು ಒಪ್ಪಂದಾನನ ಮುದ್ರೊ ಮರೈಹುಯು ಮಾರು ಲ್ಹೊಯಿ; ಕೈಯೆಕ್ಕಿ ಅದ್ಮಿನು ಪಾಪ್‌ಖ್ಹಾರು ಮಾಪ್‌ ಕರಾನಖ್ಹಾಜೆ ರಂಚಾ಼ಯುತೆ ಮಾರು ಲ್ಹೊಯಿ.

ಇವ್ಣೆ ಖಾಣು ಖವ್‍ಕರಾನಿ ವಖ್ಹತ್‌ಮ, ಯೇಸುನೆ ರೋಟಾನ ಪಾಡೀನ್,ದೇವ್ನ ಧನ್ಯವಾದ್‌ ಕರೀನ್, ಇನ ತೋಡಿನ್, ಇನ ಶಿಷ್ಯರ್‌ನ ದೀನ್, “ಅಲ್ಲೇವೊ, ಅನಖಾವೊ, ಆ ಮಾರು ಶರೀರ್” ಕರಿ ಬೋಲ್ಯೊ.

ಅನಕೇಡೆಥು ಕಟೋರಿನ ಪಾಡಿನ್, ದೇವ್ನ ಧನ್ಯವಾದ್ ಕರೀನ್, ಇವ್ಣುನ ದೀನ್, “ತುಮೆ ಖ್ಹಾರು ಅನಾಮ ಪೀಯ್ಯೊ.

ಅನ ಯೇಸು ಯೋ ಶಿಷ್ಯರ್‌ಕನ ಆಯಿನ್, ಇವ್ಣೆ ಖ್ಹುತಾತೆ ದೇಖಿನ್, ಪೇತ್ರನ, “ಅಮ್‌ಕಿ ಶು? ತುಮೆ ಮಾರ ಜೋ಼ಡೆ ಏಕ್‌ ಘಡೀಬಿ ಹೊಷಾರಿ ರ‍್ಹವಾನ ಕೋ ಹೋಯ್ನಿಕಿ ಶು?

ಮೇ ತುಮೂನ ಬೋಲುಸ್ಕಿ, ಹಂಕೇಥು ಧರೀನ್, ಬಾನಿ ರಾಜ್ಯಮ ನವು ದ್ರಾಕ್ಷಿನು ರಖ್ಹ್‌ ಪಿಯ್ಯಾನ ದನ್‌ತೋಡಿ, ಅನ ಮೇ ಪಾಛೊ಼ ಪೀಶಸ್ ಕೊಯ್ನಿ” ಕರಿ ಬೋಲ್ಯೊ.

ತದೆ ಪೇತ್ರನೆ, ಮುರ್‌ಗೊ ಬಾಂಗ್‌ದ್ಯವಾನ ಅಗಾಡಿ, ತೀನ್‍ಹಲ್ಲ ಮಾರಿ ಬಾರೇಮ, ಯೋ ಮನ ಮಾಲುಮ್ ಕೊಯ್ನಿ! ಕರಿ ತೂ ಬೋಲಿಶ್” ಕರಿ ಯೇಸುನೆ ಇನ ಬೋಲ್ಯೊಥೋತೆ ವಾತೆನ ಯಾದ್‌ಕರಿನ್, ಭಾರ್ ಜೈ಼ನ್, ಖ್ಹಡ್‌ಕ್ಯಾಭರೀನ್ ರೋಯೊ.

ಉಠೊ, ಜ಼ಯ್ಯೆ. ಮನ ಧೋಕೇಥಿ ಧರಿದ್ಯವಾಳೊ ಖನ್ನೆಸ್‌ ಐರ‍್ಹೋಸ್” ಕರಿ ಬೋಲ್ಯೊ.

ತದೆ ಯೇಸುನೆ ಇನ, “ತಾರಿ ತಲ್ವಾರ್‌ನ ಕಷ್‌ಬಂದ್‌ನಿ ಚ಼ಂಚಿಮ ಪಾಛು಼ ಘಾಲ್‌; ತಲ್ವಾರ್‌ಥಿ ಮಾರವಾಳು ಖ್ಹಾರು ತಲ್ವಾರ್‌ಥೀಸ್ ಮರ್‌ಶೆ.