Gewilde Bybelverse vanaf Svun Marcos 13

Deel

Scotol crixchano chopol chayilic ti avich'ojicon ta muq'ue; pero ti much'utic ta xcuch yu'unic c'alal to slajebe, ta xcolic. ―X'utatic yu'un ti Jesuse.

»Yech'o un li vo'oxuque, viq'uiluc no'ox me asatic ich'ic no'ox me cuenta, yu'un mu xana'ic c'usi ora ta xc'ot ta pasel.

Ti c'alal xa'iq'ueic ech'el ta stojol li jmeltsanejc'opetique, mu me xavat avo'onic ti c'u x'elan chatac'avique. Ti c'alal teyoxuc xa'oxe ja' no'ox xavalic ti c'usi chayac'boxuc avalic ti Rioxe, yu'un ma'uc vo'oxuc ti chac'opojique, ja' chc'opoj ti Ch'ul Espiritue.

Li vinajel balamile ta ono'ox sta yora ta xlaj, pero li jc'ope mu xch'ay sc'oplal, persa chc'ot scotol.

»Pero li sc'ac'alile xchi'uc li yoraile muc' much'u sna', mi ja'uc ti angeletic ta vinajele, mi vo'onicon mu jna'. Stuc no'ox sna'oj ti Jtotic Rioxe.

»Ti c'alal chava'iic ti oy xa milbail ta buyuc no'oxe, mu me xa xi'ic o yu'un chc'ot ono'ox yech, pero ma'uc to li slajeb c'ac'ale.

Ja'uc me yechoxuc li vo'oxuc uque, viq'uiluc no'ox me asatic, yu'un mu xa na'ic c'usi ora ta xtal li yajval nae, mi ta yochel ac'ubal, mi ta ol ac'ubal, o mi ja' c'alal ch-oc' queleme o mi ta ic'luman; Mu me vayemicoxuc chul staoxuc. Li c'usi lacalbeic li vo'oxuque, ja' no'ox yech chcalbe scotol li yantique: ¡Viq'uiluc no me asatic!» ―X'utatic yu'un ti Jesuse.

Ta to xlic scrontain sbaic nacion xchi'uc yan nacion, ta to scrontain sbaic jyu'eletic xchi'uc yan jyu'eletic; xchi'uc ta to x'ech' niquel ta buyuc no'ox, ta to x'ech' tsots vi'nal. Taje sliqueb to vocoletic.

C'alal mu to'ox xc'ot li slajeb c'ac'ale, ba'yi ono'ox ta xich' alel ta sjunlej balamil li lequil ach' c'ope.

Yu'un ep ti much'utic chtalique ti tsp'isbaic chac c'u cha'al li vo'one, “vo'on Cristoon”, xiic. Ep ti much'utic ta xch'unic lo'loele.

»Li vo'oxuque q'uelome abaic ta jujuntal; yu'un cha'iq'ueic ech'el ta stojol jmeltsanejc'opetic, chavich'ic majel ta nail tsobob-bailetic. Cha'iq'ueic ech'el ta stojol coviernoetic xchi'uc ta stojol reyetic ta scoj ti avich'ojicon ta muq'ue; ja' yo' xavalbecon o jc'oplal ta stojolique.

Yu'un ta ono'ox chtalic ti much'utic tsp'is sbaic ta Cristoe, xchi'uc ti much'utic ta tsp'is sbaic ta yaj'alc'op Rioxe. Chaq'uic ta ilel sq'uelobil syu'elic ti toj jch'ayel o co'ontic chc'ote, ja chlo'lovanic o. Ti xu'uc yu'unique, ta slo'lo ya'iic uc ti much'utic t'ujbilique.

»Ti c'alal xlaj ech'uc scotol li vocoletic lacalbeique, ja'o ch-ic'ub li c'ac'ale, li jch'ulme'tique mu xa bu chac' xojobal, li c'analetique chlaj p'ajuc yalel tal, xchi'uc li c'usitic oy syu'el ta vinajele ta xnic scotol.