Gewilde Bybelverse vanaf Яковонь сёрмазо 1

Deel

Кемиця ялган, ловодо ине кенярксокс эрьва кодамо снартнематнень-варчавтнематнень, конатнес тынь понгонетядо. Эдь тынь содатадо, зярдо тынк кемемась юты варчавтнематнень пачк, те чачты-касты эйсэнк цидярдома.

А бути киньгак тынк эйстэ а сатны превейчизэ, кадык веши сонзэ Пазонть пельде. Ды максозь ули тензэ, эдь Пазось весенень максы паро мельсэ, апак коря.

Истя, вечкевикс кемиця ялган: кадык эрьва ломанесь капши кунсоломо, ансяк кадык а капши кортамо ды а капши кежиявтнеме.

Ды те цидярдомась кадык прядсы эсь тевензэ: сестэ тынь карматадо улеме весеме ёндо вийс совазекс, апак кола ды кодамояк асатыкстэмекс.

Уледе валонь топавтыцякс, аволь ансяк кунсолыцякс – истят ломантне манчить эсь пряст.

Кодамо уцяскав ломанесь, кона цидярдозь канды снартнематнень-варчавтнематнень. Сенень, конанень сынь кирдевить, максови изницянь каштазокс эрямо, конань Пазось алтызе Сонзэ вечкицятненень.

Эрьва кодамо паро максовксось ды эрьва кодамо асатыкстэме казнесь максовить верде, весе валдо тевень Тетянть пельде, кона зярдояк а полавтневи, ды Сонзэ валдось зярдояк а тееви чоподакс.

Эдь кие кунсолы валонть ды а топавты сонзэ, се моли истямо ломань ёнов, кона ванкшны эсь чаманзо зеркалань пачк. Сон варшты эсь лангозонзо, туи ве ёнов ды сеске стувтсы, кодамо сон.

Вана кодамо Пазонть, Тетянть, сельме икеле ванькс ды асатыкстэме Тензэ важодемась: бути лездат урозтнэнень ды доватненень сынст стакачисэнть ды бути ванстат эсь прят те масторлангонть аваньксчинзэ эйстэ.

Кадык кияк сетнеде, кинь лангс прасть варчавтнематне, а корты: «Пазось монь снартни-варчавтни». Эдь зыянонть арась виезэ варчавтнемс Пазонть ды Пазось Сонськак киньгак а снартни-варчавтни. Эрьванть снартни-варчавтни эсензэ зыянов мелень бажамось, кона уски-тарги ды мани сонзэ эсь мельганзо.

Кадык кажов кемиця ялгась шны прянзо, секс мекс Пазось сонзэ кепеди-касты.