Gewilde Bybelverse vanaf युहान्‍ना 19

Deel

जब येसुङा हिट्‌ना ठुङुए, हिट्‌नुङ् माट्‌टुए, “हाट्‌ले लाट्‌टे॥” हिट्‌नुङ् उन्‍ङा ओटेहेक् गुङ् चोगुङ् ओसोक्‍मा लेडुए॥

हिट्‌नुङुना येसुङा सोब्‍बे टोॽवा लाट्‌टाना रिङ् ठाहा टोगुङ् धारमाछाप्‍लाङि छेप्‍टाना रिङ् उयुयाक् नुङ् उन्‍ङा माट्‌टुए, “आवेप्‍मा काडे॥”

येसुङा आप्‍पे उमा लोक् उन्‍ङा माया चोगुना चेला नेहेट्‌टाङ् येबाइसाचिगा निसुचिउङ् उमा लोडुए, “आमो पुयु, ना याप्‌मि काइछा ए॥” हिट्‌नुङ् हिट्‌ना चेला चा लोडुए, “पुयु, ना कामा ए॥” हिट्‌ना लेम्‍बालाम्‍मा हिट्‌ना चेलाङा येसुङाना उमा मारियाम आप्‍पे ओपाङ्‌ङि खाट्‌टुए॥

टरो जब हिट्‌नागा येसु सोरि ओआबे हिट्‌नागाँ उन् हाले डोक् सियाडाना उनिसुए, हिट्‌नुङ् हिट्‌नागाँ उन्‍ङाना ओलाङ् ओएगुवाट्‌टुन्॥ टरो ठिबाङ् टिलिङ्‌गाङा ओकोखाङि तिक्‍फेङा रोक्‍टुए, हिट्‌नुङ् हिट्‌ना बेला डोक् ओकोखालाम्‍मा हेलिक् लोक् चुवा होन्‍डे॥

“हिट्‌नागाँ उन्‍ङाना ठिक् चा ओसारुॽवा ओएगुन्‍ना” नुङ् धारमाछाप्‍लाङि छेप्‍टाना रिङ् युमा डोक् ना रिङ् लिसाना ए॥ हिट्‌नुङ् फेरि आरको ठोङ्‌ङि चा धारमाछाप्‍लाङा नाड्‌डे माट्‌टुएसुए, “साङा उन् ओरोक्‍टुए, हिट्‌नागाँ उन् उपुयुटु॥”

येसुङा उन्‍ङाना खाप्‍चे आप्‍पे खुयुङ् नाम्‌जिङ् ओलोडुना डेन्‌ङि लाम्‌टिए (हिट्‌ना ठोङ् हिब्‍रु रिङ्‌ङि गालगाथा ओलोडुना)॥

हिट्‌नुङ् टिलिङ्‌गाचिङा टिउँबाङाना मुकुट् ओचोगुङ् ओटेहेक्‌ङि ओमेट्‌टुबिडुए, हिट्‌नुङ् बैजानि राङ्‌गाङाना हाङ्‌बाङा वाडुना गाड्‌डेना लोट्‌लिङ् ओमेट्‌टुए॥