Gewilde Bybelverse vanaf MAROMU 10

Deel

Mana neka ukuɓali ha ihanyo yaho amba: «Insa ɗe Raɓi», tsena neka uamini rohoni haho amba Mungu amuregeza hayi ulawa ha uwafu, v̄av̄o utsohuyiha.

Mana uamini ha iroho, ɗe ijao na muhakisho, na ukuɓali ha ihanyo, ɗe ijao na uhuyifu.

V̄av̄o uaminifu uja ha iyo mutru akiao, na iyo mutru aikiao, uja ha umutekelezeyo wa urongozi wa Kristi.

Mauri ɗe iheli uMuangishio urongoao: «Yotsi amuaminio katsoja haya.» Ha izo kav̄u tafauti ɓaina ya Muyahudi na Mugiriki: piyawo Mwalawo moja adjaãliao ha uwengi piya wao wamuombao. Mana v̄uangihwa: «Yotsi aombao lidzina la Mola atsohuyiwa.»

Au, namuna jeje watru watsojudzao neka kawav̄elehwa? Mauri ɗe iheli yaangihwa moni na uMuangishio: «Kweli amba yistawi yimindru ya wao wajudzao haɓari ndjema!»

Ha namuna jeje ɓasi watsoombao mutru alio amba kawamuamini? Au, ha namuna jeje watsoaminio mutru neka kawaparokia av̄umbulwa? Na ha namuna jeje watsokiao av̄umbulwe neka kav̄u mutru ajudzao?

Mana Kristi, waye ɗe utsimidzifu wa iSharia, ile pare umuhakisho uke ha kula aaminio.