Gewilde Bybelverse vanaf إنجيل متّى 6

Deel

وَلكن فتّشو في الُوّل على مُلك اللّٰه والتقْوى ديالو، وْهَد الحاجات كاملة غادي تْتزاد لكُم.

ما ترفدو شي الهمّ نْغدّا. حيت غدّا غادي يهْتَمّ بْراسو. كُل النهار والهموم ديالو.

على ديك الشي كنقول لكُم، ما ترفدو شي الهمّ من جهة الحياة ديالكُم شنّو تاكلو أولا شنّو تشربو، وَلا من جهة الجسم ديالكُم شنّو تلبسو. واش ماشي الحياة كتَر من الماكلة والجسم كتَر من اللباس؟

أمّا أنتينا، ملّي كتصلّي، دْخُل نالبيت ديالك وْشدّ الباب عليك، وْصلّي نْباباك الّي في السرّ. وْباباك الّي كيشوف في السرّ غادي يجازيك.

"على ديك الشي صلّيو أنتُمَ هَيدا: آ بابانا الّي في السما، يتقدّس اِسمك. يجي المُلك ديالك. تْتّعمل الإرادة ديالك، فحال ما في السما، هَيدا على الأرض حتّى هِيَ.

عْطينا الخبز ديالنا اليومي.

وْسْمح نّا في الزلّات ديالنا فحال ما كَنْسمحو حتّى حنايَ نِلّي كَيْتعدّاو علينا.

وْما تدخّلنا شي في المِحْنة، وَلكن نجّينا من الشرّير.

"حيت إدا كَتْسمحو نالناس في الزلّات ديالوم، غادي يسمح لكُم باباكُم السماوي حتّى هُوَ.

شوفو الطيور د السما، ما كَيْزرعو شي وْما كَيْحصدو شي وْما كَيْجمعو شي في الخزاين، وْباباكُم السماوي كَيْوكّلوم. واش ما كَتْسواو شي كتَر مِنّوم بزّاف؟

"ما تجمعو شي نْراسكُم الكنوز في الدنيا فاين كَتْفسّداْ التُّنية والدري وْفاين كَيْتقّبو السرّاق وْكَيْسرقو. وَلكن خبّعو نْراسكُم الكنوز في السما فاين ما كَتْفسّداْ لا تُنية ولا دري وْفاين ما كَيْتقّبو شي السرّاق وْما كَيْسرقو شي. حيت فاين كاين الكنز ديالك، تمّاك كيكون القلب ديالك حتّى هُوَ.

"ما يقدر حتّى واحد يخدم جوج د الأسْياد، حيت إمّا غادي يكرَه واحد ويعزّ يَخُر، وَإمّا غادي يلصَق في واحد ويحڭر يَخُر. ما تقدرو شي تخدمو اللّٰه والمال بْجوج.

وِادا كان اللّٰه كيلبّس هَيداك الربيع في الفدّان، الّي كاين اليوما وْكَيْتسيّب غدّا في الفرّان، كيفاش ما يلبّسكُم شي حتّى أنتُمَ، آ قلالين الإيمان؟

أمّا أنتينا، ملّي كتعطي شي صدقة، ما تخبر شي اليَد د الشمال شنّو كتعمل اليَد د الّيمين، باش تكون الصدقة ديالك في السرّ. وْباباك الّي كيشوف في السرّ، هُوَ غادي يجازيك.

"ردّو بالكُم باش ما تعملو شي الخير قدّام الناس باش يشوفوكُم. وَإلّا ما غادي شي يكون عندكُم أجر عند باباكُم الّي في السما.

"ملّي كَتْصومو، ما تكونو شي معبّسين فحال المُنافقين، حيت هُمَ كَيْبدّلو الوجوه ديالوم باش يظهرو نالناس صايمين. كنقول لكُم الحقّ بلّي هُمَ ادّاو الأجر ديالوم. أمّا أنتينا، ملّي كتصوم، دْهن راسك وْغْسل وَجهك، باش ما تظهَر شي نالناس صايم، وَلكن نْباباك الّي في السرّ. وْباباك الّي كيشوف في السرّ غادي يجازيك.