Gewilde Bybelverse vanaf Kolosi 3

Deel

Loxo tamenexinge isusunixinge la ngata­vulenusi mo ngalu'enu opongengi noxi'asi. Ngaiasou susu noxinge ngato'o axone xo Tatananenge muiasou susu noxinge ne.

Tangengi utuluou mimi teitexisi, mamu so xavutalamengi uiave­iaveou mimi so lialiasi.

No anu xaixai noxinge aneva la xavingengiou avilesi xo no opongengi la ngalavu lexe ngaxaixaisi'a tamitemasi uasi, ngaxaxaisou Tatananenge ane.

Tamitema ane Mosinge mui­loune'i mo mukalipalane'i lexe tamitemaou ane usexelaxa'a, a ngingi to ne. Laso nga'oxo ilixo aloxo 'o. Tangengingenge ngato'o mo nga'oxonu alaunasinge mo ngalu'engengi mo opongengi lexa mo opongengi u'avuti noxi'a tamenexinge palea uasi.

Xe nga'ita­longengi so vaikalaou Kalaisiti uxolu upalava no tangengi. La ngingi vilevilesi ngavotongengi mo ngapelototo­singe ngato'o no anu vaikala mu'asi'asi. Xe ngalexenu lexe no anu Lavuku so Lexelexe mo lexe ane so u'itinu Mosinge ualasou mo lexe ane Ulenu u'avutinoxu no opongengi so ngavikala laixe noxou Mosinge. La no anu mi ma'ia ngalemolu o nga'oxonu la no anu ualasou Tatananenge Iesuasi. Mo no anu ualasousi la ngavikala laixe noxou Mosinge anu Maminge.

Ia mi ane mu'uli'uli no anu ilixo laixe ano'o mukalusi a sexelasi. Xo mi e lailaixe so uteinixinge ngapita opongengi vilesisi anesi.

Ioxe, Mosinge mutulusou Kalaisiti no anu soli la ngingi ngoli'a ngetulu ne. Laso opongengi u'oxoxu mimi ane so teiteximo. Xo teitexi ne, Kalaisiti a utalupexa no anu sia kingi noxou no anu Mosinge avolu tema.

Mo ngapilixingengi mo so xoluxolu lalavulusi noxou Kalaisiti upamu­xanu opongengi. Xo anene tava'u so Mosinge mu'avalinge ngepita no anu vasimolu Kalaisiti. Mo ngaxolu no anu osa'ilasi.

Laso ngavau masamasaxa no anu vasimenge so lialia usoli. Mimi loxo ilaixu vasime'a vitanisi xe ili'ilixo nuni'u xe opone'i u'ela xe opone'i usoliou susu xe isu'isu. Xo no anu isu'isu ne, oponenge ututuluou mi vile xo mole uxali loxo mosinge kalavoi.

Xo ngingi ne ngesoli ane, laso mauli noxinge a uxolu utalume nonano noxou Kalaisiti mo a ngapita noxou Mosinge.

Ia vaimomo 'o ngapilixinu ili'i­lixo masua loxo la'ia mo xalo u'ela mo opongengi sixula mo ngapupui mo ilixo so vaikala nuni'u ula no anangenge.

Xe ngakala­voingengi ngato'o mamu xo ili'ilixo so susu tava'u no vasi­menge a ngexexenu ne. Nge­xexenu ka ngetelonu mauli alavua. Mosinge mukoi­ngengi ngexali tamitema ta'alavua axone mo a uxiuxiungengi so ngaxali ta'ala­vuala. U'oxongengi axone so ngaxali loxo anu molu mo lavulavu noxinge sou ulomotelesi.

Xe ngingi tamulu, ngasexelaxa'a tasemamengi mo mamu so opongengi sixulai'a.

Xe ngingi tamolomolo, ngalo­muxu vaikalai'a tamaminge tane­ninge no anu mimi mukalusi, xo anene Mosinge u'osasou manina.

Ngingi tasema, ngalu'engengi so ngaxolu no laxa'a tamulumengi xo anene ulovou masaxa noxou Tatananenge.